المشاركة الأصلية كتبت بواسطة big_bogh (المشاركة 923797)

ارجو من السادة اﻷعضاء طولة البال في مشكلتى
انا عندي رجة جامدة جدا علي السﻻنسيه ومع السرعة العربية بتكن و ترجرج و وتبدأ سرعتها تقل طبعا بركن علي جانب الطريق و ادوس بنزين اﻻقى مفيش استجابة خالص و ال rpm ينزل ..... اه نسيت ساعات مع السرعة و المشوار الكبير تشيك بتنور وممكن تطفي بعد 4 ايام تقريبا
المهم ان انا رحت عند الميكانيكى و دخل العربية ع الجهاز و لقي ان حساس الكامة مدي low signal فتحنا الكابوت ولقينا فيه اسﻻك الحساس عريانة
المهم اني فكيت الفيشة و غيرتها بواحدة استيراد

وقلنا انا و الميكانيكي هو ده اللي عامل المشكلة
بس للاسف المشكلة زي ما هي
الميكانيكى كان عنده ضمير و قالى اروح التوكيل عشان اعمل برمجة للبوابة عشان كان شاكك في البوابة و حب يطلعها من حساباته
روحت للتوكيل واول ماوقغت بالعربية غطاء القربة ضرب مية المهم المهندس قال للعامل خد هواء للدورة .......انا مش عارف الكﻻم ده صح وﻻ ﻷ....... المهم خدنا هوا من الدورة بس لﻷسف المراوح بعد ما توصل لدرجة التشغيل
تشتغل لمدة 3 ثوانى تبطل ...و هنا كانت الكارثة خ
المهندس قالي وبكل ثقة ..........الكنترول عاوز يتصلح


مع الرغم انه عمل سكان و برمجة للبوابة
ولقي ان حساس الكامة مدي no signal
ومن هنا الموضوع ده اكد له ان الكنترول عاوز يتصلح

طب ليه يا بشمهندس ............
قالى حساس الكامة اما يدى no signal يبقي الكنترول عاوز يتصلح

ياجماعة اسف علي اﻷطالة بس ياريت لو حد عنده حل يفيدني .................وشكر

المشاركة الأصلية كتبت بواسطة ali zahran (المشاركة 924184)

انت بعد لما السيارة بتعمل المشكلة اللى هيا مبتدوسى بنزين بتطفى السيارة وبتظبط ولا لما تبرد شوية ممكن الرد علشان افيدك

المشاركة الأصلية كتبت بواسطة romeoalmansour (المشاركة 924304)