رد: الوداع يا رفيقه الكفاح
 

و الله يا كروسير انا لما قريت الموضوع دلوقتي تاني اتأثرت فيه و افتكرتها بعد ما كنت نسيتها
و خصوصا اني مش بشوفها كتير زي الاول ولا بتفرج حتي علي صورها
لكن انا بيبقي ليا علاقه بيني و بين العربيه اللي راكبها
تقدر تقول كده بحسها صاحبي و بهتم بيها جدا و بقضي معاها وقت طويل
لدرجه ان خطيبتي بقت بتغير من العربيه و اهتمامي بيها !!!!!!!!!!!!!!
مستني حكايتك مع اول عربيه بسرعه:)

رد: الوداع يا رفيقه الكفاح
 

والله اـاثرت جدا وحسيت انى ندل لانى كنت بصلح سلك اللى بيفتح الشنطة الكبوت الامامى وعرض عليا صاحب الورشة انة يشترى منى رفيقة دربى وكفاحى المسلح وبكل سهوله وبدون تردد سألتة تدفع كام وكنت داخليا عندى استعداد ما انى عمرى ما شفت منها حركات نص كم الا شوية كلام مش مهم وبالتالى حسيت انى ندل معاها جدا عمرها ما قالت لا معايا وكل شهرين بروح فيها المطار كانى فى طيارة ولما برجع من المطار اول حاجة بفكر فيها اشوف اخويا ركنها فين بعد ما سافرت والقيها مستنيانى بشكل شوق وكانها مفتقدانى والله انها عربية محترمة جدا وبنت اصل ياما اهملتها وقسيت عليها لكن على الاصل دور على الهوندا دور شكرا حازم باشا على الموضوع الشيق الجميل والله ابكتنى فعلا وحسيت بغلطى الاسبوع اللى فات مع الاكورد شكرا لك

رد: الوداع يا رفيقه الكفاح
 

معقول بعت الهوندا يا لاكي باشا؟؟
الهوندا من العربيات اللي مش بتتعوض بسهوله خصوصا لو معاك من فنتره و متأكد انها نضيفه
عموما الحمد لله انت خلاص نصيبك فيها انتهي لحد كده
يا تري ناوي تجيب ايه بعدها؟؟

رد: الوداع يا رفيقه الكفاح
 

لا طبعا ما بعتش الهوندا انا حسيت بالنداله بمجرد انى فكرت انى افرط فيها لا طبعا لسة معايا والحمد لله

http://assets.pakwheels.com/forums/2...heels(com).jpg

انا نفسى فى الكيا سول الجديدة مظهرها عاجبنى جدا طبعا بالاضافة الى اداءها