مصر موتورز مجتمع السيارات - مشكلة الابلاتين والكوندنسر

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - مشكلة الابلاتين والكوندنسر (https://www.masrmotors.com/vb/showthread.php?t=103058)

رد: مشكلة الابلاتين والكوندنسر

ايه ده اللى انا شايفه
هو حضرتكم بتهزروا ولا بتكلموا بجد

لو بتهزروا يبقى عادى بس لو جد

يبقى مينفعش ابدا اللى حصل ده
مع احترامى لحضراتك استاذ محمد و استاذ هشام

انتم الاثنين قمتين فى هذا المنتدى والمفروض بدل ما نختلف فى الرأى لاى سبب نتوحد و ننقاش بعضنا البعض للوصول الى افضل حل

اتمنى من حضرتكم ان لا يحدث اى سوء فهم فيما بينكم
وان دائما الخلاف فى الرأى لا يفسد للود قضيه

وتحياتى لحضراتكم

رد: مشكلة الابلاتين والكوندنسر

اقتباس:

المشاركة الأصلية كتبت بواسطة mr_astra (المشاركة 801249)

على فكرة البوبينة ملهاش اى علاقة بتلف الابلاتين
اؤلك الفكرة وحضرتك هاتقدر تحدد العيب
البوبينة عشان تشتغل وتطلع الكام الف فولت اللى بيروحو للاسبراتير لازم تتغذى بتيار كهربائى متردد
وبما ان البطارية بتاعة العربية تيار مستمر
يبقى احنا عاوزين حاجة تحول من تيار مستمر الى تيار متردد الى بيقدر يشغل بوبينة الاشعال

هنا يظهر دور الابلاتين والكوندنسر
الابلاتين وعن طريق نقط التلامس بتعتة بيقدر يشوة التيار المغذى للبوبينة لانة بيفضل يفتح ويقفل عن طريق حدبات عامود الاسبراتير
كلمة يفتح ويقفل دى تترجم الى off on بس بسرعة
يبقى كدة التيار اما صفر او اما 12 فولت
وهو دة شكل التيار المتردد بيبدا من صفر وياخد شكل الموجة الجيبية او منحنى لاعلى وينزل صفر تانى وبيدعمة فى الحتة دى الكوندنسر لانة بيفرغ الكهرباء اثناء الابلاتين ما بيكون صفر

وبعد كدة البوبينة بتشتغل وبتولد 8000 فولت او اكتر توديهم لشاكوش الاسبراتير والوسيط فى الحته دى هى فحمة وش الاسبرراتير

والشاكوش بياخد الضغط العالى دة يوديهم بالتتابع لسلوك البوجيهات ثم الى البوجيهات

دى فكرة عمل البوبينة والابلاتين والكوندنسر

يبقى لما الابلاتين يلدع يبقى اية العيب

العيب انة علية فولت طول الوقت حتى والعربية مبطلة

الله ينور عليك الشرح رائع

رد: مشكلة الابلاتين والكوندنسر

شوف يا سيدي
أولا بالنسبة لاختبار إذا كان الأبلاتين واصله كهربا على طول يعني حتى والكونتاكت مقفول فيه أكتر من طريقة (ممكن عن طريق لمبة بسلكين أو أفوميتر أو لو إنت مفيش معاك أدوات اخلع سلك من الاسبراتير ووصله بالموبينة وبمفك حرك الأبلاتين بس يكون الكونتاكت مقفول لو إداك شرز يبقى الكهربا واصلة على طول تروح لكهربائي يظبط المسألة
ثانيا بالنسبة للأبلاتين اللي بيلدع كل شوية ممكن تعمله مفتاح إلكتروني يرفع الحمل عنه
وأخيرا أنصحك تخلي داية الإشعال بتاعنك كلها بوابات هتلاقي أداء العربية اتحسن واستهلاك البنزين قل لإنك هتحرق البنزين كله
ربنا يوفقك

رد: مشكلة الابلاتين والكوندنسر

اقتباس:

المشاركة الأصلية كتبت بواسطة samaty (المشاركة 825721)

شوف يا سيدي

ثانيا بالنسبة للأبلاتين ممكن تعمله مفتاح إلكتروني يرفع الحمل عنه
؟؟؟؟؟؟؟؟
وأخيرا أنصحك تخلي داية الإشعال بتاعنك كلها بوابات
؟؟؟؟؟؟؟؟

ربنا يوفقك

ممكن توضيح ( مفتاح الكترونى ) - ( بوابات ) ازاى وليه؟