مصر موتورز مجتمع السيارات - لو عليك مخالفات سابقة على المالك القديم ادخل اقولك تعمل اية ..

اقتباس:

المشاركة الأصلية كتبت بواسطة Vanditta (المشاركة 782286)

السلام عليكم ورحمة الله وبركاتة

اتفاجئت وانا بحاول أنقل الملكية وارخص ان العربية عليها مخالفات بقيمة 1820 جنية بتواريخ قبل ما اشترى العربية اصلا بحوالى ما يقرب من 6 شهور
وانا كنت شارى بتوكيل

المهم سئلت ناس كتيييييييييير ... سئلت هنا فى المنتدى وكان ليا واحد معرفة شغال فى مرور الدراسة سئلتة وسئلت 3 ظباط مرور عندى فى الشغل
وكلهم اجمعوا على حاجة واحدة
ان الموضوع دة سببة ان ايام الثورة الدنيا كانت خربانة وان المخالفات ماكانتش بتتسجل اول بأول على العربية ... فأكيد المخالفات اللى عندى دى كانت على العربية بس ماتسجلتش عشان الفوضى اللى حصلت ايام الثورة واما الدنيا ظبطت اتسجلت

وان الحل الوحيد هو انى يأما اقدم تظلم يمكن يخفضوا المبلغ شوية
او اتصالح مع المالك القديم انة يدفع المخالفات .... او أدفع انا المخالفات :pty:

المهم حاولت مع المالك اكتر من مرة ولكن كان واضح من كلامة انة مش هايدفع حاجة :1281F1~121:
وكلمت ناس تشوفلى واسطة او اى سكة تخلصنى من الحوار دة ..ولا حياة لمن تنادى

فقولت انا هاروح الدراسة واشوف الدنيا اية
قدمت طلب تظلم وشرحت فية الموقف مانزلوش حتى جنية :fun_36_6_2[1]:
روحت كلمت وكيل النيابة قالى انت تروح للمرور اللى تابع لية العربية وتدخل لوكيل النيابة هناك وتشرحلة الموقف وهو هايحللك الموضوع دة

المهم روحت المرور (مصر الجديدة) قابلت موظفة هناك شرحتلها الموقف قالتلى هاتلى عقد البيع المسجل وشهادة المخالفات والرخصة وانا هارحلهوملك على المالك القديم

ماكنتش مصدق نفسى من الفرحة طبعا ان الموضوع ممكن يتحل :danceW7:
المهم روحت عملت عقد مسجل وماكانش معايا شهادة مخالفات روحت طلعت الملف وصورت الشهادة وطلعت على المرور قدمت طلب اسمة تقريبا ترحيل مخالفات على المالك السابق او حاجة زى كدة مش فاكراسمة بالظبط

الورق المطلوب
1-عقد بيع مسجل (لازم تعملة لو شارى بتوكيل)
2-اصل التوكيل لو موجود
3-شهادة المخالفات اللى اخدتها من البائع
4-الرخصة
5-البطاقة
وبتديك الطلب دة تملاة وبترفق معاة صور الورق المطلوب دة وبيبعتوة لوكيل النيابة يئشر علية
والموضوع دة بياخد من يومين لأسبوع
تفضل تدخل على النت كل يوم وتشوف المخالفات اتشالت ولا لسة وأول ما تتشال من على النت خلاص كدة فى اى وقت تروح المرور تطلع شهادة المخالفات عادى جدا

انا الحمد لله كان عليا 1840 جنية مخالفات ماعملتش منهم غير واحدة ب 20 جنية وقدمت الطلب دة وتانى يوم على طوول كانت المخالفات اتشالت والحمد لله

انا عارف الموضوع ممكن يكون بسيط او عادى جدا و معروف لناس كتيير
بس فى ناس كتييير ماتعرفش الموضوع دة فقولت احكى تجربتى دى عشان الكل يستفيد بأمر الله
خصوصا ان فى ناس كتير قالتلى طالما انت شارى بتوكيل مافيش اى طريقة تحل بيها المشكلة دى غير الدفع
ودة اللى خلانى اقعد حوالى اكتر من اسبوعين شايل هم الموضوع دة وبحاول ادور على اى سكة عشان احلة

نفس موضوعك بالظبط والله وطللعت لوكيل النيابة بالعافية لانى مش اى حد بيطلعله وصاحبها القديم بقى يقفل التليفون واروحله مش لاقيه اجى اعمل معارضة بيقولولى لازم هو اللى ىيجى يعملها وانا مش طايله:12B1B3~136:

قمت رايح القسم عمله محضر كاتب فيه معطلنى ومش عارف ارخص بسببه كل شويه اسال على المحضر يقولولى هو قال هايجيلك قولتلهم مجاش راح امين الشرطة كاتبلى ورقة اطلع بيها لوكيل النيابة وهى ديه اللى خلتنى اقابله
اخد الوالد معايا وصمم مع انه كبير فى السن ربنا يديله الصحة وطلعت لوكيل النيابة بالورقة
قولتله حضرتك المخالفة ديه جيت بتاريخ قبل ماشترى العربية ووريته التوكيل والعقد الابتدائى والرخصة وكام معايا صورة البطاقة بتاعته كمان وجبتله رقم عربيه تانيه بتاعته قلت يرحلها عليه
تخيلوا وكيل النيابة يقولى ايه بعد كل ده والله العظيم قالى مالناش دعوة احنا لنا بصاحب العربية الحالى :017165~155: اخد الحاج وانا فى قمه الحزن لان ده ظلم والله وروحنا وكانت اول عربيا لنا
وفى الاخر شوفت واحد فى المرور عطيته 500 جنيه وشالها كمبيوتر والمخالفة كانت حوالى 1600 :Bravo: