رد: مركز خدمه استفسار دهانات السيارات
أشكرك على الموضوع المهم والقيم ولي أسئلة: سأقوم بدهان سيارة بالكامل بنفسي وهذه أول مرة ولم يسبق لي الدهان قبل ذلك السيارة ستكون فيات 131 بيضاء ما هي الخامات التي سأشتريها للدهان ؟؟ البوية والمصلب والورنيش وغير ذلك علماً بأنها ستدهن بالكامل من الخارج وسمعت عن نوع بوية جيد إسمه سكنز هل تنصح بيه أم هناك أنواع أخرى تنصحنا بها والفرق في سعرهم قد إيه ؟؟ وكيف يتم تخفيف البوية بالتنر بنسبة كم لكم وقد يقوم البعض بخلط الورنيش مع البوية ويتم الرش مرة واحدة فهل هذا صحيح وما الفرق في الخامات في حالة الدهان داخل الفرن والدهان بدون فرن ؟؟ وهل يوجد بوية بيضاء ميتالك ؟؟ والعربية الكاملة بتحتاج كام جرام بوية وكام جرام مصلب وكام جرام ورنيش أو أي خامات أخرى بالكمية في إنتظار إجاباتك يا باشا - |
رد: مركز خدمه استفسار دهانات السيارات
اقتباس:
اولا لو العربيه نظيفه يعنى الصاج عدل مافيش عالى اوواطى مش محتاج معجون حديد سنقوم بعمليه الصنفره للطفى وفتح المسام لألتصاق الدهان استخدم صنفره رقم 800 او1000 بالماء ثانيا نقوم بعمليه البطانه وهى عمليه ثانويه باستخدام الفلير الهوائى السريع ويضاف عليه لتر تنر على العلبه للتخفيف والرش بعد الرش بحوالى 5 الى6 ساعات نقوم حتى يتم جفاف كلى للفلير نستخدم الصنفره بالماء رقم1000 وذلك لتنعيم السطح للدهان النهائى يفضل بعد ذلك غسل السياره جيدا لأزاله اى شوائب وبعد الجفاف نقوم بلصق الزجاج والمفصلات والفوانيس بالجرايد واى شىء مش حيترش.... كده احنا وصلنا للمرحله النهائيه.... الطلاء اى نوع دهان هو كويس الفرق فى الثبات والجوده رقم واحد الألمانى بس محتاج محترف لرشه والسيكنز كذلك انصحك باستخدام كابسى حتى لا تعلو التكلفه وانت لسه بتجرب اختار اللون ولو ساده نسبه البويه للمصلب والتنر هى 100.50.30 وانت تقريبا محتاج لعربيتك حوالى 1.25 لتربويه حلو اقوى وربنا معاك |
رد: مركز خدمه استفسار دهانات السيارات
ربنا يكرمك يا باشا على ردك الوافي ولي بعض أسئلة أتمنى تستحملني وتجاوب عليها بالتفصيل ورنا يجازيك كل خير: اقتباس:
هل قصد حضرت بالفلير هو الدهان الرصاصي أو الأصفر في بعض الأحيان الذي يرش بعد الإنتهاء من أعمال السمكرة والبطانة الحديد طيب لو إفترضنا أنه لم يتم إستخدام معجون الحديد ولا توجد سمكرة والدهان القديم تم صنفرته هل واجب برضه عمل رش الفلير ؟ طيب بالنسبة أنك تقول أن علبة الفلير الهوائي السريع يضخفف بلتر من التنر علبة الفلير نفسها كام لتر عشان الواحد يعرف النسبة بالظبط وبالنسبة للتنر هل هو تنر عادي من الموان أم التنر الغالي الذي يسمونه تنر للبوية الميتاليك وبالنسبة للفلير هل هو أنواع برضه ؟؟ اقتباس:
المقصود بإنه محتاج محترف هل هو توزيع الرش أو الإحتراف في نسب الخلط أم في عدد الوشوش التي سيرش بها الدهان النهائي ؟؟؟ اقتباس:
اللون سادة أبيض لكن الحقيقة انا كنت اتمنى أنه يكون ميتاليك رغم إني سمعت إن الأبيض مفيش منه ميتالك فهل هذا صحيح ؟؟؟؟ المقصود اللي أنا فهمته من النسب 30 بوية 50 مصلب 100 تنر يعني لو قلنا 30 جرام بوية عليهم 50 جرام مصلب عليهم 100 جرام تنر هل هذا صحيح ؟؟؟؟؟ طيب كده حضرتك لم تذكر الورنيش نهائياً هل معنى ذلك أنه لا يخلط بالبوية ويرتم رشه لوحه في النهاية في الحالة دي برضه هل بتيبع الورنيش اللي بيترش بعد البوية أم ان البوية الألماني لها نظام خاص في مسألة التلميع اقتباس:
1.25 لتر بوية حسب فهمي للنسب يبقى محتاج 2.1 لتر مصلب 4.2 لتر تنر هل هذا الفهم صحيح الورنيش ؟؟؟؟ يا ريت توضحلي هحتجا منه قد إيه - آسف على كثرة أسئلتي وشكراً جزيلاً - |
رد: مركز خدمه استفسار دهانات السيارات
اقتباس:
|
رد: مركز خدمه استفسار دهانات السيارات
اقتباس:
ولو بتقول العربيه كويسه ممكن تدهن على الدهان القديم عادى بس احنا بنستخدم الفلير كوقايه وامان للدهان الجديد ..لماذا؟ لأنه ممكن تتفاعل البويه القديمه مع الجديده وتعمل مشاكل تحبييب فى السطح تعريجات اوتنميل وخصصوصا لو البويه القديمه ذات جوده رديئه لذلك بنتجنب كل ذلك بالفلير نسبه خلط الدهان للرش هى البويه 100 المصلب 50 التنر من 10 الى30 ودى كذلك للورنيش زى البويه وبعدين الدهان الألمانى محتاج فعلا محترف علشان عمليه الطلاء نفسها من تجهيز ورش وتشطيب فى ابيض ميتالك اسمه بيرل او ابيض لؤلؤى بس ده محتاج 3 طبقات رش اول طبقه لون ابيض مط ثابت زتختاره انت مائل للأصفرار او زهرى براحتك ثم الطبقه الثانيه الأبيض الؤلؤى اللى حيدلك شكل كسر الميتالك او الصدف ثم الطبقه الثالثه الورنيش اللى حتعمل لمعان للدهان كله مثال على ذلك فى سياره نيسان صنى موديل 2005 و2006و2007 رقم لونQX1 نفس الخطوات السابقه 3 طبقات دهان تشوف العربيه بالليل تقول ده لون ابيض عادى تشوفها بالنهار تقول دى ميتالك ارجو ان اكون افادتكم وشكرا |
رد: مركز خدمه استفسار دهانات السيارات
ربنا يباركلك يا غالي علي المعلومات الرائعة ديه ويجعلها في ميزان حسناتك وان شاء الله يكون في تعامل قريب ما بينا
كنت عايز بس اسئل حضرتك سؤال في عندي شوية خدوش شايلين اللون الابيض عندي وظاهر لون اسود من تحت الابيض ده حلها ايه ارشها حزام ولا ايه وبيتكلف كام وحضرتك تعرف حد كويس اروحله يعملها وربنا يجازيك كل خير |
رد: مركز خدمه استفسار دهانات السيارات
اقتباس:
ربنا يكرمك ويباركلك معلومات قيمة جداً أشكرك كل الشكر بالنسبة للبوية الألماني التي لديكم هل يوجد لون أبيض ميتالك عادي وليس اللؤلؤي ميتالك عادي مثل الألوان الأخرى أم أنه سادة فقط وهل لو كان أبيض سادة الورنيش سيعطيه لمعة مميزة وهل فعلاً عندكم ورنيش من نوع خاص مقاوم للخدش ؟؟ وما هي مميزاته عن العادي ؟ - |
الساعة الآن 05:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017