رد: دي فى دى شماسة - سبير كار
اقتباس:
وبرضه لو فى اليمين مش صح وده رأيى وانا فعلا شوفتها راكبة فى اليمين وشوفت السائق وهو بيبص عليها وهى شغالة وكانت اسرة كاملة معاه فى العربية والله العظيم العربية كانت بتحدف منه اكتر من مرة وكمان كان بيتفاجىء ان فى سيارة وقفت وهو مش واخد باله وبيفرمل فجاءة وانا كنت ماشى وراه وخدت بالى من الموضوع ده وبالمناسبة انا كنت هاعمل موضوع مخصوص عشان الحكاية دى بس الظروف اللى كنت فيها خلتنى انشغلت وانتو عرفتو اللى حصل بعد كده |
رد: دي فى دى شماسة - سبير كار
الموضوع مش مستاهل كل النرفزه ديه
|
رد: دي فى دى شماسة - سبير كار
اعتقد ان وجهه نظر صلاح مفهومة وواضحة تماماً الان وهى ايا كانت وضعية الشماسة يمين او شمال فوارد انها تشتت انتباه ناس كتير فعلاً وديه وجهه نظر تحترم بالتأكيد
لكن فى المقابل فيه عربيات كتير بتنزل باجهزة دى فى دى وشاشات عرض امامية وبعضها مرخص فى مصر وعالمياً ايضاً اذن مش بالضرورة ان وجود جهاز مالتيميدا فى المقصورة الامامية يكون خطر واكيد الموضوع بيختلف من شخص لشخص انا ليا صديق كان مهووس بعدادات السيفيك الديجتال الانيقة وعلى حد قولة كان بيموت فى منظر الارقام وهى بتفررررررر على الشاشة ال LCD اثناء التسارع او الفرملة وده كاد ان يسببلة حوادث كتير برضو فمش معقول نشيل عدادات السيفيك علشان العربية تبقى امنة تماما للجميع اما عن تعديل المشاركات فهى بالطبع شىء يدايق وعندك حق يا صلاح فى رفضك لده وانا وضحت ده لاستاذ امير وهو اكدلى انه مكانش يقصد بده اى شىء يدايقك اطلاقاً |
رد: دي فى دى شماسة - سبير كار
ايه يا جماعه في ايه بس الموضوع انتوا سخنتوا علي بعض ليه كده
واعتقد ان ابو نورا حل المشكله خلاص بالتوفيق للشاشه :HAPPY_~211: |
رد: شاشة DVD مسند الرأس
شكرا استاذ امير
بس برضه السؤال هي بتركب ازاي في المسند؟ يعن بتتلزق ازاي في المسد؟؟ |
رد: دي فى دى شماسة - سبير كار
فعلا بالتوفيق للشاشة ptmnlo123per145
|
رد: دي فى دى شماسة - سبير كار
بتفق تماما مع صلاح عبد النبي في كل كلمة قالها وطبعا تهريج ان يبقي فيه فيديو في الشماسة الشمال اذا كان الواحد من غير شماسة ومش بيبقي ملاحق من المكروباسات والتكاتك والمطبات واللى بيعملوا غرز يمين وشمال حتي على الطرق السريعة وخصوصا النقل ومجانين السرعة يبقي بعد ده كله هيتفرج على فيديو كمان وهو سايق او يبقي شغال ادامه
بصراحة الشماسة الشمال زي ما مكتوب في الموضوع فاشلة فاشلة فاشلة ومش لانها من سبير كار تبقي مبرأة من الخطأ ومنزهة عن عدم الجودة عايزين نبقي موضوعيين في كلامنا شوية |
الساعة الآن 03:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017