مصر موتورز مجتمع السيارات - عيوب ومميزات السيراتو من مهندس صيانة بالتوكيل

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - عيوب ومميزات السيراتو من مهندس صيانة بالتوكيل (https://www.masrmotors.com/vb/showthread.php?t=31594)

رد: من الآخر... سيراتو سيارة ممتازة أم سيارة سيئة؟؟؟؟؟؟

ليه تشتري عربية الناس بتكلم عليها

رد: من الآخر... سيراتو سيارة ممتازة أم سيارة سيئة؟؟؟؟؟؟

اقتباس:

المشاركة الأصلية كتبت بواسطة ahmedashraf (المشاركة 489806)

أنا وكتير زيي بنحاول ناخد قرار شراء سليم, وده هيكون إزاي من غير أخد راي أهل التجربة والخبرة. لكني والكل أكيد ملاحظ إن تضارب الراي واسع جدا على السيارة سيراتو. طبعا أتنا مش منتظر إن الكل يتفق أو يختلف عليها, لكن مش ممكن تكون سيارة بالإنتشار ده والنجاح ده فى مصر (الإنتشار دليل على النجاح, ولا إيه؟) وميكونش فى رأي غالب شوية حتى عن التاني.

قصاد كل واحد بيقول إن العربية ثباتها ممتاز, واحد تاني بيقول الثبات سيء جدا. وقصاد كل واحد بيقول سيارة آمنه فى السرعات العاليه, واحد تاني بيقول إنها سيارة الموت والحوادث.

من ملاحظتى إننا )المصريين) بقينا نسوق بسرعات عاليه جدا وغير آمنه, يعني لما الواحد يقولك (أنا مليش فى الجرى) يكون يقصد إن آخره ١٦٠ !!! ده غير الغرز والملفات اللى على السرعات دي,. فهل يبقى العيب فينا وفي سواقتنا ولا العيب فى العربيات؟

مهو أنا مش متصور إن شركة زي كيا (وسيبكو من عقدة الياباني بقى) هتنزل عربية فيها عيوب فنيه فى الثبات, بس همه مكانوش يعرفو إن فيه ناس ممكن تعمل غرز على ١٤٠. أساسا مظنش إنهم يعرفو حاجه إسمها غرز أصلا.

فياريت نسمع ردود موضوعية فى المسألة دي. أنا واحد اخري على طريق سفر ١٢٠ وبسوق بعقل جدا لأن معايا فى العربية أغلى ناس عندي ( مراتي وعيالى) فياريت نحط العاملين دول مقياس لردودنا على سؤالين محددين:

١- هل سيراتو سيارة مناسبة وصفقة جيدة لأسرة صغيرة وأسلوب قياده هادئ وسرعة قصوى ١٢٠-١٣٠ كم, ولا غرز ولا يحزنون؟

٢- موضوع نشوفية العفشة - هل هي فعلا ناشفة للحد ده (خصوصا ال SX عشان جنط ١٧)؟ ولا الناس تقصد ناشفة بالنسبة لعربيات تانيه. وعموما هل النشوفية دي مزعجة لدرجة إن الواحد يندم على شراء العربية دي؟ يعنى العربية بتكركب وتخبط فى المطبات كأنى راكب لادا يعنى؟

معلش طولت عليكو أوي, بس الحيرة فى الموضوع ده صعبة أوي, دي أول مره أركب زيرو ومش عايز أندم

أسهل طريقه فعاله هي انك تسأل ملاكها " جيرانك او أصحابك اللي عندهم سيراتو" أو تأجرها يوم كامل وكوّن فكرتك الكامله عنها

رد: من الآخر... سيراتو سيارة ممتازة أم سيارة سيئة؟؟؟؟؟؟

انا ركبت السيراتو لوقت قليل معداش الساعه انطباعي عن العربيه بموضوعيه كان كالاتي
العربيه حلوه جدا معاك في ثباتها لحد 130 او بالكتير 140 ومعرفش بعد كدا
العفشه جيده جدا
طبعا سياره كماليات كتير ورافاهيه عاليه اوي وانصحك كما نصحك الاستاذ PoweRPassioN انك تاجر العربيه يوم واحد وتجربها فيه بنفسك عشان تقطع الشك باليقين
وربنا يوفقك لما فيه الخير

رد: من الآخر... سيراتو سيارة ممتازة أم سيارة سيئة؟؟؟؟؟؟

انا من رايى تجيبها جنط 16 عشان النشوفية بتاعت العفشة اقل من ال 17
العربية دى انتشرت بغباوة بس بردو اكتر العربيات اللى بتتباع كسر زيرو
هل حضرتك حتجيبها وكيل ولا خليجى؟؟
و سعرها كاام؟؟؟

رد: من الآخر... سيراتو سيارة ممتازة أم سيارة سيئة؟؟؟؟؟؟

اقتباس:

ليه تشتري عربية الناس بتكلم عليها

ياعم هو أنا هتجوزها :smileW4: شوف أ / محمد أصل الناس بتتكلم عالفاضى والمليان, وزي ماقولت إحساسي إن في كتير بيقيمو بشكل غير موضوعى, بس.

اقتباس:

أنا فعلا فكرت فموضوع التأجير ده.

رد: من الآخر... سيراتو سيارة ممتازة أم سيارة سيئة؟؟؟؟؟؟

اقتباس:

المشاركة الأصلية كتبت بواسطة mohamed selem (المشاركة 489932)

طيب إللى حضرتك جربتها كانت جنط ١٧ ولا ١٦ ولا ١٥

رد: من الآخر... سيراتو سيارة ممتازة أم سيارة سيئة؟؟؟؟؟؟

اقتباس:

المشاركة الأصلية كتبت بواسطة M.3laa (المشاركة 490167)

المشكلة بس إن الجنط ال١٦ موديلها EX يعنى مفيش ABS ولا إيرباج للراكب الأمامي ولا فتحة سقف ... إلخ

ولسه مش عارف خليجي ولا توكيل, محدش يعرف موضوع إنك تدخل الخليجي صيانة فى التوكيل؟ بس عموما أنا حاسس إن كواليتى التوكيل مش فارقة عن الخليجي, ممكن بعض الكماليات فقط. مش زي هيونداي غبور (تلاقيه مركبلك الألارم والكاسيت هنا فى عربية غاليه زي الإلانترا ٢٠١٢) أنا عجبانى الأكسنت أر بي بس خايف من التوكيل.