مصر موتورز مجتمع السيارات - عيوب لادا 2107 ادخل فوراً

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - عيوب لادا 2107 ادخل فوراً (https://www.masrmotors.com/vb/showthread.php?t=19385)

رد: عيوب لادا 2107 ادخل فوراً

عيب أخر مهم للسيارة اللادا متعبة فى السواقة فى الجو الحر الشديد و خصوصا فى الأماكن المزدحمة أما على الطريق السريع مريحة فى السواقة و لكنها بتعوم بعد سرعة 120 كيلو متر

رد: عيوب لادا 2107 ادخل فوراً

اقتباس:

المشاركة الأصلية كتبت بواسطة adel sadek (المشاركة 202374)

انا اشتريت لادا 2107 زيرو من الوكيل شركة الامل موديل 2009تجميع محلى – وبصراحة اخدت اكبر مقلب فى حياتى.- سيارتى القديمة 131 موديل 1979 كانت برقبتها بالرغم من انها كانت عاملة فوق 200 الف كم.ffice:office" /><o:p></o:p>
بالاضافة ال عيوب السيارة التى سبق ذكرها من باق الاعضاء اضيف التالى:<o:p></o:p>
- التجميع المحلى سيء للغاية بالنسبة للابواب و تقفيل غطاء الشنطة <o:p></o:p>
- بعد اقل من شهر حدث تسريب للزيت من علب الزيت فوق الماستر و الدبرياج ناتج عن شرخ فى اسفل العلب عند المخرج - وذلك لان الوكيل يسخدم خراطيم فرامل بتيل من الخارج وهى غير مرنة بدرجة كافيه وتسبب شد على الصباع الخارج من العلبة و على مدخل الماستر و تسبب شرخ فى قاع العلبة او خروج صباع الماستر من مكانة وتسرب الزيت. وقد راجعت التوكيل وتم تغيير علبتى الزيت واعادة تثبيت مدخل الماستر و رفضوا تغيير الخراطيم و تكرر نفس الشئ عدة مرات . اخيرا قمت بنفسى بتغيير الخراطيم بنوع مطاط سهل الانحناء ولكن سعرة اغلى شوية لكن من يومها المشكلة اتحلت ووفرت ثمن الزيت الى بيروح فى كل مرة. حل سهل و بسيط لم يستطع مهندسى الشركة التوصل الية لان محدش عايز يفكر.<o:p></o:p>
- بعد اقل من ثلاثة شهور سمعت طقطقة فى الجانب الايمن ولما رحت للتوكيل قالولى ان تم اللازم ولكن تانى يوم لقيت الطقطقة هى هى. رحت للميكانيكى بتاعى قال لى دة عادى لانهم بيركبوا نوع رخيص من البيض فى العجل وقالى امشى علية شوية وبعدين نغيرة بنوع احسن علشان التوكيل ما يتلككش عليك.<o:p></o:p>
- كل مرة تروح التوكيل تعمل حسابك ان اليوم ضايع – انا بروح حوالى السعة 10 صباحا واخرج من هناك حوالى الساعة 4 دة بالاضافة الى المعاملة السيئة من مهندس الاستقبال واسمة محمد لانى لازم استناة لما يفطر ويشرب الشاى علشان يدخلنى - ولو اعترضت هتبقى عربيتك اخر واحدة تطلع<o:p></o:p>
- اوعى تشترى العربية بتكييف – هو صحيح تكييف جيد لكن توزيع الهوا ردئ جدا لانة يتم تركيبة محليا فى ورشة برة المصنع بجسر السويس لكن بالطريقة البلدى وليسbuilt in زى العربيات المحترمة - لكن المشكلة فى الجزء الخاص بتحريك الاكسيراتير لزيادة سرعة المحرك عند تشغيل التكييف , حيث انة يفقد عملة فى حالة المسافات الطويلة نتيجة السخونة وعندها تجد المحرك يطفي لوحدة – فى هذه الحالة امامك حليين اما تطفى التكييف و تموت من الحر او تستخدم الشفاط فى تعلية المحرك وامرك للة فى شوية بنزين زيادة<o:p></o:p>
- تنك البنزين صغير اعتقد انة بالكاد بياخد 30 لتر ان لم يكن اقل – يعنى لو رايح مرسى مطروح خلى بالك من محطات التموين لحسن تتسوح.<o:p></o:p>
- العربية بتسخن لدرجة انة فى ايام الحر الشديد وفى طريق السفر على سرعة عالية الاقى برضة المروحة بتشتغل و دة بياثر على شحن البطارية<o:p></o:p>
مرة تانية انصحك اوعى تاخد المقلب الى انا اخدتة لانى مسمعتش كلام اللى نصحونى http://www.masrmotors.com/vb/images/icons/great.gif
واللى مصر على لادا انا مستعد ابيع عربيتى ب 45000 جنية و عوضى على اللة مع انى معملتش غير 3500 كم فقط
<o:p></o:p>

أتفق معاك تماما في نقطة خراطيم التيل دي وكانت عندي نفس المشكلة فعلا
وبالاضافة لتغيير الخراطيم فيه حل تاني انا عن نفسي عملته لما زهقت من حوار البوز البلاستيك اللي دايما بيتكسر في ماستر الفرامل خصوصا لأن وضعه عمودي
غيرت الماستر كله بماستر فيات البوز بتاعه نايم مش عمودي :)
من ساعتها مفيش حاجة اسمها تسريب زيت عندي

موضوع التكييف ده برضو نقطة مهمة فعلا لأنه وجوده زي عدمه نظرا لعدم وجود اي توزيع للهواء البارد اصلا وده كلام مظبوط جدااااااا
موضوع الطقطقة ده انا وضحته قبل كدة ومتنساش تخلي بتاع العفشة يركب جوز بيضات تحتاني مش فوقاني وتحتاني وبيتهيألي هو أكيد عارف المعلومة دي

رد: عيوب لادا 2107 ادخل فوراً

اقتباس:

المشاركة الأصلية كتبت بواسطة littlepharoe (المشاركة 127876)

أنا معايا لادا 2107 مصرى موديل 2005 و كنت شاريها زيرو بصراحه عربية قويه وتتحمل الأستخدام الشاق خاصة المطبات و صاج قوى و استهلاك جيد للبنزين و أسعار قطع الغيار ممتازه.أما من ناحية العيوب مع التفكير العملى لا يوجد بها عيوب للذى يريد سيارة عمليه تؤدى الغرض بكفاءه و لكنها لا تناسب الأشخاص اللذين يبحثون عن الشكل الحديث و الكماليات و الرفاهية يعنى باختصار اللادا عربيه عملية ممتازة بالنسبه لسعرها.

هو حضرتك بتتكلم ازاي

اللاد القديمة الروسي اللي بينحتوها من الحديد ومتورها الروسي القديم وعفشتها وتقفيلها بتاع بلادها هية دي اللادا اللي حضرتك تقصدها متينه وبتاعة شغل وحمالة قسية وصاجها جامد

لكن متجيبش الكلام ده لعربية حضرتك اللي هية تقفيل مصري صاج براميل ارديء الخامات ارديء تقفيل عيوب الدنيا والاخرة في العفشة والنكتة الباور والتكييف اللي مالهومش لازمة اصلا

ياراجل دي موديل 2003 و2005 والباروما بتاكل فيها انت عايز ايه اكتر من كدة

ياريت ياجماعة نتكلم عن اساس معرفة وخبرة وواقعية

رد: عيوب لادا 2107 ادخل فوراً

اقتباس:

المشاركة الأصلية كتبت بواسطة dr.death (المشاركة 209873)

والنكتة الباور والتكييف اللي مالهومش لازمة اصلا

الباور بتاع اللادا 2107 المصري زي أي باور هيدروليك ممتاز وعادي جداً وأنا جربته بنفسي
وهذا عن تجربة
لابد أن نكون حريصين في النقد لأن هذه النصيحة أمانة
مينفعش أنقد كل حاجة بدون تحديد لمجرد أني أحذر من عربية
المفروض أقول اللي ليها واللي عليها

رد: عيوب لادا 2107 ادخل فوراً

اتفق معاك ان البور يعتبر معقول - لكن كم العيب اكتر بكتير من اى ميزة

رد: عيوب لادا 2107 ادخل فوراً

اقتباس:

المشاركة الأصلية كتبت بواسطة ahmed1981 (المشاركة 212945)

الباور ده يعتبر هاف بور او بمعني جهاز مساعد في الدركسيون علشان يخلي التقل اللي فيه خفيف شوية ويريح اللي بيسوق لكن!!!!!!!!!!!!

قطر الدوران زي ماهو يعني ايه يعني لو جبت عربيتين لادا واحدة باور والتانية لاء ووخليتهم يلفو لفة كاملة هتلاقيهم بياخدو نفس قطر الدايرة اللي بيعملوها

طبعا ده تهريج يبقي كدة مفيش بور في العربية اللي فيها بور

( طبق بقطكو طبق في طبق لادتكو)

نفس فكرة الدوجان البور كدة الدركسيون اخف من الدركسيون اللي مش بور بس نفس قطر ا لدوران

احنا بنسميها مجازا بور

لك مني جزيل الشكر والاحترام

رد: عيوب لادا 2107 ادخل فوراً

مشكوررررررررررررررررررررر رررر