مصر موتورز مجتمع السيارات - تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز

مصر موتورز مجتمع السيارات (https://www.masrmotors.com/vb/index.php)

- Hyundai Excel - اكسيل (https://www.masrmotors.com/vb/forumdisplay.php?f=241)

رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز

اخى الكريم
جهاز الترصيص ( المتوسيكل ) بيتم ترصيص العجلة وهى راكبة بالعربية من غير ماتتفك
وبيكون شكلة فعلا زى المتوسيكل وبيتم رفع العربية عجلة عجلة وبيتم تلامس الجهاز للعجلة المرفوعة وتلف العجلة عن طريق جهاز الترصيص . والفى بيكون قاعد على الجهاز زى سائق المتوسيكل بالظبط
والجهاز دة بيكون ادق بكتير من فك العجلة من العربية وترصصها على الجهاز العادى واعادة تركبها فى العربية
وتقبل مرورى

رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز

بصراحه كلامك جميل انا معايا اكسنت 1300

العربية كانت فيها اللى بيسموها غربلة وهى الرجرجة فى العربية

عملت ظبط زوايا وترصيص

وكنت ماشى على الدائرى العربية جابت 150بدون ما اشعر

وكانت ما شاء الله ثابتة مش عايز اقولك ثبات الاكسنت احسن من الفيرنا بمراحل

رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز

اقتباس:

المشاركة الأصلية كتبت بواسطة sayed2077 (المشاركة 777673)

هو انا مش فاهم اول جمله بس عموما من خلال ما فهمته ان حضرتك واحد قالك ان الزرجينة ب 110 فى بنزينه شل
وانك تعملها عند سمكرى افضل

بس عموما انا من خلال تجربتى شايف انى لما عملتها فى البنزينه ده كان ارخص وغير كدا كمان لما بيخلص الزرجينه بحط العربيه على جهاز ظبط الزوايا وبيقيس الزوايا تانى فلما ببقى كله مظبوط خلاص كدا وبتبقى متاكد انه كله تمام 100 %

بس عند السمكرى هيبقى شغال بالمتر وطبعا عمره ما هيكون دقيق بالملى زى ما تعمل الزرجينه وتحطها على جهاز ظبط الزوايا تانى ويقولك ان خلاص كله مظبوط
غير كدا

بصراحه انا شايف انها ارخص وانضف وطريقة تعامل ادمية بكتير وبعيد عن الصنايعية وقرفهم واشتغالاتهم

:THUMB_~112::THUMB_~112:: THUMB_~112::THUMB_~112:

رد: تجربتى مع ظبط زوايا و ترصيص و عمل زرجينة للاكسيل هاتش باك 1300 سى سى موضوع مميز

اقتباس:

المشاركة الأصلية كتبت بواسطة sayed2077 (المشاركة 776396)

السلام عليكم ورحمة الله وبركاته

طبعا من ساعة ما جبت العربيه وكنت بأعانى من مشكلة صرخ الكاوتش فى الملفات و ان بعد سرعة ال 120 العربيه تترج جامد وبتبقى مراجيح المولد فبضطر اقلل من سرعتى شوية واخلينى على 100 اخرى ومبشدش عن كدا واللى كان مخلينى ااخر الحكاية ديه انى كان فيه حاجات مهمة الاول الواحد يعملها وبعدين نعمل الباقى لغاية ما جيت النهارده استعنت بالله وقولت انزل اظبط الحكاية ديه وفعلا سميت الله وروحت عند بنزينة شل اللى فى المعادى عندنا فى شارع مصر حلوان الزراعى عند دخلة الكورنيش من عند مستشفى المعادى العسكرى والمحكمة الدستورية

المهم انا بصراحه كنت بتعامل معاهم من ايام ال 128 وكان اللى شغال هناك اسمه طارق بصراحه راجل محترم واكثر من ممتاز بمعنى الكلمه

المهم روحت استنيته شوية لانه مكنش موجود لغاية ما جه قلتله انا عاوز ارصص و اظبط زوايا قالى ماشى

بدائنا ظبط الزوايا
وطلع ان العجل الامامى مفتوح روحنا ظبطناه وبعدين طلع على الكمبيوتر ان العجله الخلفية نحية السائق داخلة لجوه 1 سم
فلقيت الاسطى طارق قالى عاوزه زرجينه قلتله هتكلف كام قالى 40 جنية قلتله ماشى راح رايح جاب الزرجينه
وركبها
وديه صورة للزرجينه اثناء عملها

http://www11.0zz0.com/2012/10/11/19/943391277.jpg

وبعد ما خلصنا الزرجينه ركبنا العجل تانى وركبنا الاجهزة بتاعت ظبط الزوايا الجهاز طلع ان خلاص كدا كله مظبوط تمام

بعد ما خلصنا روحنا مودينها على كبينة الترصيص و اتحطط العربيه على جهاز كدا قام الجهاز رفعها وفكينا الاربع جنوط وحطيناهم جنط جنط على الجهاز و رصصناهم والحمد لله نجرب بعد كل ترصيصه بيبقى كله تمام

وركبنا العجل ودفعت الحساب كالاتى

30 ظبط زوايا وتربيط عفشه
40 زرجينة العجله الخلفية
40 ترصيص الاربع جنوط اسبور
يبقى الكلى 110 جنية
مع العلم ترصيص الجنوط الحديد العادية ب 5 جنيهات فقط للفرده

وقمت طالع من عندهم وطلعت على الكورنيش بصراحه كانت حاجه ممتازة مبقاش فيه اى نوع من انواع الاهتزازات اللى بعد ال 120 وجبت لغاية 140 وكان كأنى ماشى على 80 بدون مشاكل نهائيا

وللاسف كنت ممكن اجيب اكتر من كدا بس الطريق مكنش يسمح علشان كل كام كيلو فيه مطبات

وبعدين رجعت تانى من الكورنيش وخلت المعادى وبقيت اجرب الملفات بسرعه صوت صريخ الكاوتش راح نهائيا ولا كان فيه حاجه

وبجد انا انصح اى حد بيفكر يزبط زوايا او يرصص
يروح المكان ده اسعارهم رخيصه والشغل بمنتهى النضافه والسرعه

وديه بعض الصور صورتها من ايام ال 128 لما كنت بعملها هناك

ده غرفة ظبط الزوايا

http://www11.0zz0.com/2012/10/11/19/140178390.jpg

وده الاسطى طارق كان بيركب اجهزة ظبط الزوايا على ال128
http://www11.0zz0.com/2012/10/11/19/159759771.jpg

وديه غرفة غسل حوض الماتور بالكيماوى

http://www11.0zz0.com/2012/10/11/19/887902493.jpg

و
السلام عليكم ورحمة الله وبركاته

جزاك الله خيرا على الافادة