مصر موتورز مجتمع السيارات - مهم جدااااَ .. اللوجان المانيوال واللوجان الأتوماتيك 2013

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة حسام البورسعيدى (المشاركة 724335)

بص يا باشا بالنسبة لموضوع فرق المواتير ده .. فموتور الـ 16 صباب مع الفتيس الاتوماتيك هيبقى الاداء قليل شويه فهيكون متقارب مع موتور الـ 8 صباب بفتيس مانيوال وهيبقى الفرق مش كبير اوى ...

فنصيحه لو غاوى مانيوال خليك فى المانيوال وخصوصا ان مفيش اى فرق فى الاوبشنز بتاعت العربية غير الفتيس فقط لا غير .. على الاقل هتوفر فرق السعر ما بين الاتنين .....

أستاذ حسام كل عام وحضرتك والأسرة بألف خير وربنا يجعلها أيام سعيدة علينا وعليك وعلى كل المسلمين .
أنا فعلأ استخرت ربنا ورسيت على المانيوال وخصوصا أنى بحب سواقة المانيوال أكتر من الأتوماتيك وبحس فيه أنى قادر بأذن الله أنى أتحكم اكتر فى العربية وأنى أنا اللى سايقها مش هى اللى سايقانى واللى ساعدنى بصراحة أكتر فى الأختيار بعد فضل ربنا هو تعليق قرأته لحضرتك قبل كده فى المقارنة ما بين المانيوال والأتوماتيك من ناحية فرق الطاقة اللى بيضيع مع الفتيس الأتوماتيك وحاجات زى كده فبتخلى الفرق مش كبير ....ألخ
كمان فى موضوع قرأته قبل كده لأحد الأعضاء اللى كان معاه مانيوال وأشترى أتوماتيك وكان بيقول أن العزم ضعيف مش زى المانيوال وصوت الفتيس الأتوماتيك فى النقلأت ......ألخ

أنا بس مش عارف أجيبها منين فى القاهرة بسعر كويس .. الكل ماسك فى ال 72 ألف ومكلبش ومش عاوز ينزل خالص !!!!!!!!!!!!!

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة Dr.Mustafa (المشاركة 723587)

في البداية أحب أقولك ربنا يهديك للي فيه الخير ليك يا رب ..

- هو موضوع الصبابات ده هيأثر مع السحب والشد ؟!!

اللي أنا شفتو إن سحبها كويس جدا في المانيوال
و أصدقائي معاهم اللوجان 2010 و مشتكوش لحد الآن من النقطه دي

- هل موضع ال 8صباب ده هأيثأر على العربية مع التكيف ويخليها تقيلة فى طلعتها ؟

التكييف مع أي عربية بيأثر على السحب بشكل عام مش بس الطلعة

الفرق ان في الأوتوماتيك في حاجة لطيفة .. الكيك داون ( لما تدوس

على البنزين على الآخر ) مع التكييف بتفصل الكومبروسر بتاع التكييف

عشان تدي حضرتك العزم كامل ..

و بالنسبة لاستهلاك الأوتو انا معرفوش بصراحة عشان مفتيش ..

لكن الأستاذ ahmedashraf معاه لوجان أوتو و ممكن يفيد حضرتك أكتر

ملحوظة صغيرة : المانيوال فيها مالتي فانكشن زي الأوتو بالظبط

و موديلات 2013 كلها نازل فيها USB و BlueTooth

بغض النظر بقى مانيوال أوتو .. لوجان و سانديرو كمان

كلام حضرتك مظبوط بس انا عرفت ان مش كل موديلات 2013 نزلت بالاضافات فى الكاسيت وفى ناس استلمت 2013 بالكاسيت mp3 وشكراااا