مصر موتورز مجتمع السيارات - أرجو الأفادة مرسيدس E240 elgance

اقتباس:

المشاركة الأصلية كتبت بواسطة elgohary20012 (المشاركة 628373)

أنا أسف على تأخيرى بالرد على سياتك .....ياريت لو الفئة التالتة 320iموديل 2010 أو2011 وأية أخبار الفئة الخامسة متكونش أقل من موديل 2008 أو 2009 و ياترى في منها 6 سلندر و أسعارها أية و طبعا تكون بحالة جيدة جدا و ياريت الفئتين دولت يتم مقارنتهم بالمرسيدس 240Eموديل 2000 و طبعا المقارنة فى مدى الثبات و الأمان و أقصى سرعة و جودة تقفيل سواءالمصرى أو الألمانى و أسعار قطع الغيار و مدى توفرها و أستهلاك بنزين و فى أنتظار مشاركتكم و شكرا

حضرتك هنتكلم عن ال 320 i موديل 2010وموديل 2011

موديل 2010 وموديل 2011 هم االاتنين زى بعض
موتور 2000سى سى بقوه 170 حصان بناقل حركه من 6 نسب متوسط الاستهلاك 6 لتر لكل 100كيلومتر
عربيه حديثه عائليه متوسطه .

ثانيا بى ام دبلو الفئه الخامسه
الفئه الخامسه بتبتدى من 518 الى 550
هنتكلم عن 520i محرك 2000 سى سى بقوه 170حصان بناقل حركه من 6 نسب متوسط الاستهلاك للبنزين تقريبا 7 لتر لكل 100 كيلومتر
عربيه عائليه كبيره .
مقارنه بين البى ام الفئه التالته والبى ام الفئه الخامسه انا عن نفسى هختار الفئه الخامسه فى حال ان لو سعرها نفس سعر الفئه التالته او يزيد قليلا.
ثالثا بالنسبه للمرسيدس e240 موديل 2000
هيا منها موتور 2400 سى سى بقوه 170 حصان بناقل حركه 6 نسب معدل استهلاك الوقود 11 لتر لكل 100كيلومتر
عربيه محترمه جدا عائليه كبيره
عيبها انها موديل قديم عن البى ام الفئه الخامسه يبقى انا عن نفسى لو هختار عربيه منهم هختار البى ام الفئه الخامسه عربيه حديثه عن موديل 2000 وشبابيه وعائليه كبيره .
بس المرسيدس ليه اسمه ووزنه فى السوق وخصوصا الموديل الى حضرتك بتكم عليه .
اما عن التقفيل الالماني سواء لل 3 عربيات ميختلفش عليه اتنين اما للتقفيل المصرى فبصراحه معرفش عنه اى حاجه اما بالنسبه للثبات كلهم ثبات مافيش بعد كده بس انا ارجح كافه البى ام الفئه الخامسه لانها حديثه تقنيا عن المرسيدس
اما بالنسبه للسرعه القصوى فتقريبا هما التلاته فوق ال 200كيلومتر فى الساعه
والاختيار يرجع لحضرتك فى الاول والاخر وفى نفس الوقت حسب حاله العربيه خصوصا انهم كلهم استعمال مش زيرو يعنى حسب حاله العربيه وسعرها