مصر موتورز مجتمع السيارات - في حاجة بتسحب كهربا من البطارية والعربية مبطلة

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - في حاجة بتسحب كهربا من البطارية والعربية مبطلة (https://www.masrmotors.com/vb/showthread.php?t=79294)

رد: في حاجة بتسحب كهربا من البطارية والعربية مبطلة

اقتباس:

المشاركة الأصلية كتبت بواسطة kholio85 (المشاركة 615579)

والله يا اخي الصقر الجارح احب اقولك اني جربت نصائح اخي سمير عياد
اخر ما وصلت اليه اني في 6 فيوزات من اللي في الكبوت لما بشيلهم مع بعض
صوت التكتكة بيروح بس برده اللمبه بتنور " اللي متوصلة علي التوالي مع موجب البطارية "
لكن لما بجرب اشيلهم واحد واحد صوت التكتكة مش بيروح
كمان لاحظت ان في بعض الفيوزات معمول ليها كوبري
يعني سلك نحاسي متوصل بين سلكي الفيوز " وده ف اكتر من فيوز"
كمان الولاعة عندي كهربتها عالية جدا - السخان بيسخن جامد جدا ف ثواني
وكمان جبت ام بي ثري عن طريق الولاعة اللمبة بتاعته بتتحرق بسرعة جدا
انا هغير طقم فيوز كامل للعربية كلها وفي كهربائي الناس بتشكر فيه جنبي في صقر قريش - المعادي
هروحله وربنا يسهل اول ما احل المشكلة اكيد هنشر الحل لتعم الفائدة

احب اضيف ان لي جار مهندس كهربا لكنه مش متخصص في السيارات قالي انه الاغلب الاعم هيبقي في سلك عريان ملمس في الشاسيه وغالبا هيكون المرش
لانه سلك كبير وماشي ف كل حته ف العربية
عموما اول ما اوصل لحل هنشره ف الموضوع هنا وشكرا لكل من كلف نفسه عناء الرد

وشكر خاص جدا للاخ سمير عياد علي نصائحة الغاليه

والله يا أخي kholio85 أنا بردو كنت بقول من الأفضل انك تروح لكهربائي متخصص أحسن لأن واضح ان عندك مشكلة في الكهربا عندك..بالذات لما قولت:

اقتباس:

كمان لاحظت ان في بعض الفيوزات معمول ليها كوبري
يعني سلك نحاسي متوصل بين سلكي الفيوز " وده ف اكتر من فيوز"
كمان الولاعة عندي كهربتها عالية جدا - السخان بيسخن جامد جدا ف ثواني
وكمان جبت ام بي ثري عن طريق الولاعة اللمبة بتاعته بتتحرق بسرعة جدا

وبعدين غلط ان الفيوز يتعمل له سلك نحاس المفروض ان الفيوز لما يبوظ يتغير على طول..لأن كده لاقدر الله لو حصل قفلة ولا حاجة الفيوز اللي معمل له سلك نحاش مش هيفصل وممكن يسيح لك علبة الفيوزات أو ضفيرة الأسلاك.
بس نصيحتي لك تروح لواحد فاهم شغله عشان مايلعبش في الكهربا بتاعت العربية.
وبلغنا الأخبار أول بأول عشان نكون معاك. :CONGRA~238:

بالتوفيق.

:01FDAB~189:

رد: في حاجة بتسحب كهربا من البطارية والعربية مبطلة

اقتباس:

المشاركة الأصلية كتبت بواسطة الصقر_الجارح (المشاركة 615747)

وبعدين غلط ان الفيوز يتعمل له سلك نحاس المفروض ان الفيوز لما يبوظ يتغير على طول..لأن كده لاقدر الله لو حصل قفلة ولا حاجة الفيوز اللي معمل له سلك نحاش مش هيفصل وممكن يسيح لك علبة الفيوزات أو ضفيرة الأسلاك.
بس نصيحتي لك تروح لواحد فاهم شغله عشان مايلعبش في الكهربا بتاعت العربية.
وبلغنا الأخبار أول بأول عشان نكون معاك. :CONGRA~238:

بالتوفيق.

:01FDAB~189:

أنا بأكد على نصيحة "الصقر الجارح" وبطلب منك اول حاجه تعملها بدون تفكير إنك تتخلص من الفيوزات المحروقة على الفور و تحط فيوزات بدون تشعير
أنا مش قادر أقولك مدى خطورة الفيوز المحروق المشعر دا ممكن يسيحلك ضفيرة العربيه كلها ويعمل حريقة لا قدر الله
وربنا يسترها معاك و تقدر تحل المشكله في أقرب وقت:010104~171:

رد: في حاجة بتسحب كهربا من البطارية والعربية مبطلة

اخواني انا متشكر جدا لاهتمامكوا جميعا والنهارده ان شاء الله هروح لكهربائي
وياريت لو حد يعرف كهربائي كويس يدلني عليه حتي لو بعيد شوية مش مهم

اما الفيوزات ال 6 اللي اخي سمير عياد كان بيسأل عنهم فهم اللي تحتهم خط
20ِِA ILLU 10A ILLU (RH) -1
25A HI Beam 10A ILLU (LH) -2
10A comp 10A Head RH -3
10A Horn 10A Head LH -4
15A Fuel 20A Head Hi -5
15A FRT-fog DIODE -6

وياريت لو الاخ سمير عياد يقلنا وظائف الفيوزات دي ايه لاني مش فاهم منها حاجات كتير زي illu و head rh وlh , hi
وما معني كلمة diode اللي في مكان الفيوز الاخير

كمان في بعض اماكن عندي مفيهاش فيوزات هل ده مظبوط ولا الفيوز ضايع\
ولو في اماكن مش المفروض يبقي فيها فيوزات يا تري ايه هي الاماكن دي
اسف للاطالة
وشكرا

رد: في حاجة بتسحب كهربا من البطارية والعربية مبطلة

و الله اعلم ممكن يكون المالك السابق للعربية كان عامل تعديل للإضاءة الامامية و فوجات و يمكن زينون و الشغل مكنش مظبوط و خرب الضفيرة

illu و head rh وlh , hi

lh معناها شمال
hi معناها العالى
rh معناها يمين
head فوانيس امامية
illu اضائة
diode موحد اتجاه تيار كهربا

يا ريت الماكن اللى مفيهاش فيوزات تقول اسمها لان طبيعى اللانوس فى مصر مش راكب فيوز ال abs و airbag

رد: في حاجة بتسحب كهربا من البطارية والعربية مبطلة

طب المكان اللي بيتكتب عليه diode بيتحط فيه فيوز ولا لا
ولو بيتحط فيه فيوز بيبقي كم امبير لانه مش بيكتب جنب الكلمة دي كم امبير
في الغالب الاماكن اللي مش فيها فيوزات هما مكانين مكتوب عليهم diode
ومكانين بتوع ال abs و defog ويمكن ال airbags مش متأكد