مصر موتورز مجتمع السيارات - دعوة عامة ( انا نازل التحرير اليوم)

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - دعوة عامة ( انا نازل التحرير اليوم) (https://www.masrmotors.com/vb/showthread.php?t=72496)

رد: دعوة عامة ( انا نازل التحرير اليوم)

اقتباس:

المشاركة الأصلية كتبت بواسطة abu_ruqayyah (المشاركة 556797)

واللهى يا استاذ atgps مادمت انا لا أسيء لأحد أو بقول كلام حرام او بعطل مصالح العباد او بخرق القانون ( ومادام مصر موتورز بديني حق كتابة موضوع وكتابة ردود) فانا حر ، ولا يا اما انا اقول انى موافقك الرأى وانك صح يا كدا يا أسكت ومش من حقى اتكلم !!
اعتقد ان الكل حر مش الثوار بس هما اللى احرار والباقي تتعاملوا معاه بديكتاتورية ولا ايه ...
:GROWIN~12:

وهل اتهام الناس بالكفر بالباطل ليس اساءه؟
انت اتهمت أعضاء 6 ابريل بانهم ملحدين ودليلك فى ذلك ماذكرته وللأسف دليلك باطل وغير صحيح فصاحبة المدونة انكرت أكثر من مرة انضمامها الى 6 أبريل وكذلك "عامر" ذكر أنه لم يكن عضوا فى 6 ابريل ولايشرفه ذلك.
وكل الناس تعلم ذلك فمثلما عرفت موضوع المدونة بالبحث فبالطبع تعرف حقيقة ذلك
ولكن يوجد بعض الناس تحب أن تكتب مرة واتنين وتلاتة فى مواضيع لمجرد التضليل
المهم انها تكون على هواهم
على فكرة أنا مش من 6 ابريل
ولكن ما هو رايك فى رمى الناس بالكفر بالكذب؟ يهمنى أعرف رايك

رد: دعوة عامة ( انا نازل التحرير اليوم)

اقتباس:

المشاركة الأصلية كتبت بواسطة abu_ruqayyah (المشاركة 556833)

والله يا atgps انا مش بحرض حد انا بس كنت بعرض الواقع من وجهة نظرى الشخصية ونفسي لا نشتم بعض ولا نخون بعض ونتقبل اراء بعض منغير تعصب وانا بحبك وبحب كل اخوانى فى مصر موتورز وبحب كل مصر والمصريين وصعبان عليا حال البلد مش اكتر اتمنى مش تبقي زعلان منى او شايل منى بشكل شخصي :balloons71:

والله ياأخى أنا مش بكرهك، أنا عايز أوصلك أن الكلمة أمانة.
أنت فى عمر أبنائى ويحزننى التسرع فى الكتابة بدون البحث والمعرفة، ليس خطأ أن أقول رأى مخالف للصواب ولكن الخطأ أن أنقل رأى أو موضوع بدون معرفتى التامة بصحته.
فالكلمة أمانة كما ذكرت لك
فاذا حضرتك قد لمست بعض الضرر فى عملك وتظن أن الثورة السبب، فتأكد أنه ضرر بسيط مقارنة بغيرك فأنا فقدت الكثير كأموال ولكنى لاأتهم الثورة بذلك ولكن أتهم عدم اكمال الثورة.
ولكنى ربحت الكثير فى أبنائى نتيجة الثورة

رد: دعوة عامة ( انا نازل التحرير اليوم)

اتمنى فعلا ان كلنا نحب بعض وما نخوش بعض او نسيء لبعض ودا اللى انا بنادى بيه وعلى فكرة انا مش بكفر حد او بقول على حد مات شهيد انا كنت بستعرض حالة من الحالات الموجودة بالفعل وعايز اقول لحضرتك معلومة واللهى حقيقية ان حركة 6 ابريل لما بتتهاجم اول حاجة واسهل حاجة بيعملوها بيتخلوا عن العضو وبيقنعوا العضو انه يعلن عدم وجوده فى الحركة لمصلحة الحركة زي بالظبط ما حصل مع اسماء محفوظ وكلنا طبعا عارفين انها منهم ولما شتمت المشير فى مكالمة تليفون على الهواء مباشرة طلعت الحركة تقول اسماء مش مننا وبرضو الاستاذ عامر اللى كان معروف جدا فى 6 ابريل طلعوا قالوا مش مننا ( المهم دا مش مجالنا لان حركة 6 ابريل لا تمثل حتى 25 % من شعب مصر) انا نفسي بس كلنا نخاف على مصر ونشوف مصلحتها فين ونعمله واننا نوصل لنقاط توافق مش اختلاف ونقدر بعض ونحترم اراء بعض

رد: دعوة عامة ( انا نازل التحرير اليوم)

عايزين رأي؟
أنا شايف أن السبب فى كل اللى بيحصل ده هو المجلس العسكرى يعنى سنة عدت ولغاية دلوقتى مفيش دولة واضحة لها معالم ومفيش أى حاجة اتغيرت كل يوم بنشوف قلة ادب وخلاص,بلطجة وسرقة للصغير والكبير والشرطة مش شايفة شغلها وإقتصاد نايم لأن مفيش دولة وحكم عسكروفى الأخير المجلس العسكرى يقولك فى الوثيقة أن لا يحق لأحد مناقشة الجيش فى شئ والمجلس الدفاعى هو اللى يحرك الجيش وكل حاجةFLASHCar

رد: دعوة عامة ( انا نازل التحرير اليوم)

اقتباس:

المشاركة الأصلية كتبت بواسطة Devill Blood (المشاركة 556890)

شوف انا رافض للوثيقة ورافض ان يكون فى اى حاجة او اى نص فوق الدستور والا ما يبقاش اسمه دستور لكن هل ترى اننا نعبر عن دا بمظاهرات فى وقت حساس جدا زى دا !!! طيب لو فرضنا ان جواب حضرت ايوا طيب يوم الجمعة دا ماكانش يكفي للاعتراض والتعبير عن الراى !!!