مصر موتورز مجتمع السيارات - لو سمحت ؟؟؟؟ إركن فى مكان تانى

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - لو سمحت ؟؟؟؟ إركن فى مكان تانى (https://www.masrmotors.com/vb/showthread.php?t=69942)

رد: لو سمحت ؟؟؟؟ إركن فى مكان تانى

اقتباس:

المشاركة الأصلية كتبت بواسطة الدملاوي (المشاركة 532814)

بص يا أخي أنا شغلي في المهندسين
وجيت مرة ولقيت مكان أركن فيه بسرعة على غير عادة اللف نصف ساعة عشان ألاقي مكان أركن فيه كل يوم
المهم لسه بدخل عشان أركن لقيت واحد طلع من تحت الأرض يقولي البيه اللي واقف هناك ده جاي يركن
أبص على البيه ده ألاقيه راجل كبير في السن وواقف من غير عربية بس جاي بسرعة على المكان
وفي نفس الوقت لمحت عربية ملاكي واقفة في منتصف الشارع ومشغلة أنتظار
قلت بس يبقى دي عربية البيه وجاي عشان يركن وهو كده يبقى سابقني سلاموا عليكوا يا رجالة وخدت بعضي ومشيت أحتراماً لأقدمية الوصول
المهم قعدت ألف من هنا لهنا مش لاقي مكان خالص عشان أركن فيه ..... فجأة لقيت البيه اللي مرضدتش أركن عشانه بيركب عربية راكنة وتمام وبيلف عشان يروح المكان اللي خلاني سبته ليه
مقلتش غير لا حول ولا قوة ألا بالله وبصتله بصة معبرة ومشيت
لو أنت مكاني هتعمل أيه؟؟؟؟؟؟؟؟؟

لا حول ولا قوة إلا بالله والله الواحد زعلان من اللى الناس بتعملة مش عارف الخلل مين بالضبط هل من بعد الناس عن الفقه بالدين لذلك معظمهم جهلة بالادب والاخلاق بس احسن حاجة انك فعلا مكلمتوش وبصتلة بس يمكن يحس انة عمل حاجة خطا

جزاك الله خيرا على المشاركة

رد: لو سمحت ؟؟؟؟ إركن فى مكان تانى

انا اكتر حاجة بتنرفزني الحجارة الكبيرة بتاعة الرصيف
كل واحد يخلع حتة من الرصيف و يحطها امام بيتة عشان محدش يركن مكانة حتي لو كنت هتركن 5 دقايق و ماشي.
انا لما بقرف قوي بقوم نازل شايلها و راكن و اللي يولع يولع.
منا ممكن يكون معي والدتي (سن كبير و لازم انزلها عند دكتور مثلا وللحظ السئ الدكتور في نفس عمارة الباشا الي حاطط الحجر)

رد: لو سمحت ؟؟؟؟ إركن فى مكان تانى

اقتباس:

المشاركة الأصلية كتبت بواسطة heshamcar (المشاركة 532953)

الموضوع دة مستفز جدا انا الجمعة قبل اللى فاتت سمعت الشيخ فى الخطبة وهو نحسبة على علم ولا نزكى على الله قال : انة الحكاية دة حرام ومن يفعل ذلك سيُسئل عنها أمام الله يوم القيامة لانة بذلك تعدى على حق من حقوق المسلمين
جزاك الله خيرا على المشاركة

رد: لو سمحت ؟؟؟؟ إركن فى مكان تانى

موضوع جميل يا مؤمن و جاي على الجرح
أنا حاحكي قصة بسرعة و عايز رأيك و رأي باقي الأعضاء
يوم الأربعاء الماضي كان عندي ميعاد في باكوس - و ما أدراك ما باكوس - و باكوس لمن لا يعرفها خصوصا شارع السوق مأساه بكل ما تحمله الكلمة من معاني من بلطجة وسد الطريق بالباعة الجائلين و و و و حدث و لا حرج
المهم
كان صلاة العصر قربت و الاذان أذن و الاقامة قربت و عديت شارع السوق بالعافية و بادور على مكان أركن فيه ...
مأساه لحد ما لقيت ركنة على ناصية شارع جانبي ضيق بجوار باب محل أظنه خاص بمستلزمات السبوع و خلافه و ظننت أنه لن يضايقه خصوصا أن المنطقة مزدحمة جدا و غالب الناس تسير على الأقدام
و كمان كان ليه باب تاني على الشارع الرئيسي !!!
يعني المفروض إن مفيش مشكلة
و خليني أفكركم , أنا متأخر و صلاة الجماعة حاتروح عليا ....
لقيت واحد طالع لي من جوة المحل و السيناريو إياه بتاع أكل العيش و الفول و الكلام الخايب دة
أنا في العادة مبحبش المشاكل و بكبر دماغي و في الغالب بمشي
بس المرة دي متأخر
اتكلمت معاه بالذوق شوية
و هو بمنتهى الالحاح بابتسامة صفراء تحمل اليقين من طردي من مكان اباؤه و أجداده
معلش يا بيه علشان فيه عربية بضاعة جاية !!
كل دة مش مشكلة
المشكلة الكبري إن الحاج صاحب المحل بيبرطم من جوة
خليه يركن في مكان تانييييي الشارع كله مش عاجبهههههه جااااي يركن أدامي خلييه يغور ( أو حاجة شبه كدة )
طبعا عملت مطنش و اثرت السلامة و عدم الدخول في عراك خصوصا أنه المفترض إنه راجل كبارة ( المفترض )
ذهبت و الدماء تغلى في عروقي ..
الخلاصة
حاولت الركن في جراج و لم برضى إلا بأخذ المفتاح فرفضت
حاولت الركن في شارع ضيق بجوار رصيف عالي و كنت باتكلم في الموبايل خبطت الرصيف في عتبة العربية ( العتبة اتعجنت ) ,,, حسبي الله و نعم الوكيل
و الأدهى و الأمر فاتتني صلاة الجماعة و صليت جماعة ثانية و هذه أكبر مصيبة و الله
حسبي الله و نعم الوكيل

رد: لو سمحت ؟؟؟؟ إركن فى مكان تانى

اقتباس:

المشاركة الأصلية كتبت بواسطة alymonir (المشاركة 532982)

لا حول ولا قوة إلا بالله معلش عوضك على الله يعنى مش عارف امتى سينتهى سيناريو دة محل أكل عيش يعنى انا جاى اركن رخامة مثلا ما انا اكيد جاى لمصلحة وماشى على طول
حسبى الله ونعم الوكيل ربنا يرحمنا