رد: بيكانتو ولا هيونداى I10 ولا شيفروليه سبارك , افيدونى
 

بيكانتو 2012 :
واسعة جدا من جوا لدرجة ان واحد صاحبى 188سم قعد و فرد رجله على الآخر فى الكرسى اللى قدام و كان لسه فى فرق كمان و اما قعد ورا كان مرتاح و كان فى فرق بينه و بين الكرسى شوية و امكانياتها : 4 زجاج كهربائى - 2 اير باج - باور - سنتر - 1300cc - جنوط - تكييف - 84 حصان - فوانيس شبورة - مرايات ضم - مرايات كهربائية - اشارة فى المرايات - الكراسى اللى ورا بتتطبق - فرامل abs
الأسعار :
مانيوال 72000
اوتوماتيك 82000 بخاضية steptronic و دى فى الغالب فى العربيات الألمانى
هيونداى i10 :
عربية لمواصفات بنات و كويسة و مريحة جدا فى قعدتها و تشيل 3 فى الكنبة مرتاحين
امكانياتها :
تكييف - باور - سنتر - 4 زجاج كهربائى - 1100cc - قدرتها 68 حصان - فوانيس شبورة - مرايات ضم و تحكمها كهربائى
الأسعار :
مانيوال 66500
اوتوماتيك 73000
سبارك 2012 :
واسعة من جوا و شكلها و تصميمها تحفة و مريحة جدا
امكانياتها :
تكييف - باور - سنتر - 1200cc - جنوط - 4 زجاج كهربائى - مرايات كهربائية و ضم - 72 حصان - فوانيس شبورة - فرامل abs
الأسعار :
مانيوال 72000
اوتوماتيك لا يوجد فى مصر للأسف
ارجو انى اكون افدتكم SLAM

رد: بيكانتو ولا هيونداى I10 ولا شيفروليه سبارك , افيدونى
 

جزاك الله خيرا بالتأكيد استفدت من كلام حضرتك ..
انا كنت مصنفة التلاتة دول بنفس الترتيب ده
اولا بيكانتو , ثانيا i10 , وفى الاخر السبارك
وبعد الكلام ده أتأكدت ان اعجابى بالبيكانتو فى محله , طبعا بغض النظر عن سعرها اللى يفور الدم ..
والسبارك استبعدتها ..
جزاك الله خيرا

رد: بيكانتو ولا هيونداى I10 ولا شيفروليه سبارك , افيدونى
 

انا شخصيا باحب العربيات الكبيرة عن الصغيرة بس مش عارفة ليه البيكانتو داخلة دماغى اوى رغم سعرها العالى ..
انهاردة اتصلت بجودى موتورز وقلت اسأل على البيكانتو الi10 , الاستاذ اللى رد عليا ربنا يبارك فيه ويجازيه خيرا قالى البيكانتو 2012 ب74000 و83000 , والi10 ب66000 , ده بالنسبة للمانيوال , طبعا ده الكاش , لكن لو هانتكلم على القسط هانلاقيه داخل فى ال100000 وزيادى فى حتة عربية مينى لا راحت ولا جت , الأخ الله يكرمه مستغلى سعر البيكانتو زى حالاتى وقالى فى عربيات تانية سيدان وعائلية وحلوة وفى نفس الاسعار واقل كمان وده اللى نصحنى به , انى طالما هاجيب عربية بالسعر ده يبقى الكبير احسن , سألته على عربيات فى نفس الأسعار دى قالى الفيرنا عاملة 67000 , والرينو لوجان 1600 سى سى نفس السعر ودى اللى نصحنى بيها اكتر واحدة , الأفيو 77000 , فسألته على السيلاريو قالى ب66000 ..
ده اللى حصل .. حاليا بدأت أميل للوجان على اعتبار انها ماركة كويسة , لكن السؤال بقى , مش كل ما السى سى بتاع العربية يكبر كل ما تسحب بنزين اكتر ؟ يعنى معنى كده ان اللوجان بلاعة بنزين زى الفيات132 , وبعدين نفسى أعرف , لما العربيات السيدان دى اسعارها ليه العربيات المينى اللى المفروض تكون ارخص بالغلو العالى ده؟ نفسى اعرف ايه الحكمة من كده ؟ وهل لو فكرت فى اللوجان او حتى الفيرنا او اى سيدان هايبقى احسنلى ؟ ولا البيكانتو متفوقة عليهم فى ميزة معينة مثلا عشان كده غالية؟

رد: بيكانتو ولا هيونداى I10 ولا شيفروليه سبارك , افيدونى
 

ارشح النيو سبارك
تصميم رائع من الداخل والخارج
السعر 72000
في المقابل في عربيات اوسع وتعتبر عائليه اكتر ومحركاتها اقوى في نفس الفئه السعريه مثل الفيرنا واللانوس
وبالتوفيق

http://i43.tinypic.com/ddyt7b.jpg

http://i43.tinypic.com/34pc5tv.jpg

http://i41.tinypic.com/2vi1jr9.jpg

رد: بيكانتو ولا هيونداى I10 ولا شيفروليه سبارك , افيدونى
 

السبارك اكتر حاجة عاجبانى فيها شكلها , بس على ما اعتقد ان البيكانتو سعتها تقريبا 1 وشوية لتر لكل 100كم , يا ترى صح ولا لأ؟ ولو فكرت اجيب سيدان او عربية عائلية فى متوسط الاسعار دى هايكون ايهم الأفضل؟