مصر موتورز مجتمع السيارات - الحيرة هتموتنى انقذونى

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - الحيرة هتموتنى انقذونى (https://www.masrmotors.com/vb/showthread.php?t=62171)

رد: الحيرة هتموتنى انقذونى

اقتباس:

المشاركة الأصلية كتبت بواسطة yahiaashraf (المشاركة 468571)

بالنسبه للاسبيرانزا فكل الموديلات فاشله بكل المقايس
احسن موديل فى الاسبيرانزا a113 ده بامانه اللى عاوز يجيب اسبيرانزا يجيب النوع ده

منين فاشلة فى كل الموديلات ومنين احسن موديل فى الاسبرانزا A113
انت بتناقد نفسك
ولا عاوز تطلع عيوب ومش عارف
ما فيش حكم مطلق على اى شىء فى الدنيا
يا اخى حرام عليك

رد: الحيرة هتموتنى انقذونى

يا باشا انا بقول عن كلام الناس اللى مجربه مش انا اللى بقول وبعدين انا مش بحب افتى فى حاجه مش عارفها الا لما اكون متاكد 100 100
و بعدين انا مش بطلع عيوب و لا حاجه و بعدين ده المندوبين عن الاسبيرانزا فى المصريه للسيارات لما بقولهم عن مثلا اللوجان و الساجا و الاسبيرانزا يقولى لو نفس السعر يبقى مثلا اللوجان او الساجا
و بعدين نفسى افهم حرضتك بتقول حرام على ايه

انا بقول راى زى اى واحد يعنى و كل واحد ليه حريته الشخصيه
و جزاكم الله كل خير

رد: الحيرة هتموتنى انقذونى

اخى الكريم مندوبين المصرية للاتصالات دول سيلز بس يعنى ممكن ما يعرفوش اى حاجة فنية هما شغلتهم كلها يعرفو يبعو بس انما كلامهم مش مسلم بية ولا حاجة .....عادى يعنى اى حاجة فى اى حاجة وكلة اكل عيش
وبعدين لو تعرف ان فى اللوجن حاجات فى العفشة بـ 3500 جنية وقصة ملهاش اول من اخر يعنى ولحد دلوقتى قطع غيارها غالية جدا لواحد هاياكل عيش من العربية
عارف الفكرة فى اية
اما واحد بيدخل يسال عن حاجة اكيد مش قادر ياخد قرار وعاوزنا نساعدة
اللى بيحصل بقى ان معظم الاستفسارات بتلاقى كل الردود متناقضة
انا باثر السلامة وبتكلم فى صلب الموضوع وفى حالتنا دى راجل بيسال عن 3 عربيات ما سالش عن غيرهم لازم الاجابة تكون على اد سؤالة
طب منا كان ممكن اقولة مثلا الـ لادا عربية تشتغل 24 ساعة فى اليوم وتاكسي كتير بس لا كدة هابقى انا لخبطتة
انا ساعات اجاوب فى منتدى الصيانة مثلا وناس تقول راى غير اللى انا قلتة مع انى بكون متاكد من كلامى بس بسكت عشان العضو ما يحصلوش زحمة فى دماغة
واخيرا انا بعتزرلك وحق على لو كنت زعلت منى او ما زعلتش المهم تسامحنى وخلاص

رد: الحيرة هتموتنى انقذونى

يا باشا مفيش زعل و لا حاجه انا كنت بقول نصيحه علشان ميتفاجئش لما يشترى على العموم جزاك الله كل خير

رد: الحيرة هتموتنى انقذونى

شكرا للجميع على مساعدتى فى الموضوع دا انا قررت ان شاء الله اجيب اسبرنزا بعد كلامكو وبعد ما شفت قطع غيرها بقت مليه البلد ثم انا كدا كدا هرتبط بالتوكيل علشان احافظ على السياره وكان يهمنى شئ والحمد لله الاسبرنزا تفوقت فيه الثبات علشان بسافر مرتين فى الاسبوع + العلو عن الارض علشان شوارع مصر العظيمه الى بقينا الدوله رقم واحد فى المطبات التى تكسر اى عربيه وانا اعطى الاسبرنزا تفوق فى ذالك سعر اعادة البيع لا يهمنى انا هجيبها قسط وهشتغل عليها وبعد الخمس سنوات ربك يحلها وسعتها ممكن اجيب عربيه تانبه جديده برده وانقل النمر واحول دى ملاكى علشان استهلكها خلاص هتكون تعبت ودا معيار العربيات الجديد 5 سنين بس سؤال لعشاق الوحش 516 ايه افضل مركز صيانه تبع التوكيل علشان ان شاء الله هستلم السياره اخر الاسبوع وايه الحجات الى لزم اخلى بالى منها ديما فى الاسبرنزا او العيوب الشائعه وللعلم انا دى او مره هبقى سواق تكسى انا طول عمرى مطور ومبرمج فا ماليش فى العربيات اسوق اه لكن امور فنيه ابيض فله شمعه منوره على راى عمرو اديب