رد: ايهما تفضل ولماذا المانيوال ولا الاوتوماتيك
 

بالرغم من أنى معايا شاهين ( مافيش منها أوتوماتيك طبعا D:)

بس بحب الاوتوماتيك جدااااااااااااااااااااااا اا

هو مشكلته لو اتعطل بس ودى بالصيانة المستمرة والاحساس بالعربية والمحافظة عليها تبقى تمام

أنا كان معايا مرسيدس 230 موديل 82 معدلة بالمكنة السوداء والفتيس اتوماتيك زجزاج

وكنت بعمل بيها كل اللى بعمله بالمانيوال وأشد كمان (فرق قوة الماتور )

لو عايز تشد بتسقط غيار أو تدى مفاجئ والذى منه

وفى النهاية مصر عايزالها أتوماتيك علشان الطريق واقف على طوووووووووووول

رد: ايهما تفضل ولماذا المانيوال ولا الاوتوماتيك
 

انا بالنسبة لى معرفش حاجة اسمها متعة القيادة يمكن لانى من بيتنا للطريق السريع 10 دقايق بالظبط وبالتالى عينى لاترى الا الاسفلت
وبصراحة كده اللى تتحملنى تبقى عربية لانى بطلع الجبل احيانا وبنزل الصحرا وامشى مدقات صعبة فالاوتوماتيك فى الطرق دى وخصوصا لو رملة تقيلة شوية (غرز) لان سواقة الطرق الرملية والصحراروية مختلفة شوية ولازم يكون ماشى اولانى بس وده مش هتحكمه فى الاوتوماتيك
ثانيا وده منظر شفته بعينى جاى فى طريق اسمه طريق الجيش من بنى سويف للقاهرة وده طريق لسه مش معروف اوى وسرعته القصوى 120 ومعليهوش ولا لمبة (مقطوع يعنى )وتخيلو الا قى عربية عطلانة بسبب ان صاحبها ممعاهوش صليبة يفك العجل (غلطان طبعا) ولان الطريق مقطوع فاضطر يشغل الانتظار وانوار العربية علشان اللى جايين يشوفوه ولما وقفت جنبه وغيرنا العجل بيدور مدارتش الببطارية نامت
زقة يارجالة
قالو اتوماتيك متتزقش (عيب قاتل)
وانا ممعاييش وصلة وسبتهم ومشيت وممكن يكونو باتو للصبح
المفيد بقى
مبتطلعش من المدينة يبقى اتوماتيك بتسافر بالاتوماتيك لانك كييف اتوماتيك يبقى تكشف على بطاريتك ومعدات فك وتركيب الكاوتش وغيره ومتمشيش طرق صحراوية مسافات طويلة وخصوصا بالليل
مانيوال افضل بالنسبة لى لانها بتتحمل الخدمات الشاقة بتاعتى
اما الاخ اللى بيسال عن النيسان والاوبترا
فالنيسان اوسع وموتورها اقوى (118حصان)الاوبترا (107حصان) وده بيفرق فى السحب مش التسارع يعنى عندك عدد افراد اوزان تقيلة النيسان متحسسكش بيهم لكن الاوبترا تقل شوية
لكن بيقولوووو الاوبترا اشيك مع انى مش فاهم اشيك ليه
وبعدين الحاجة اللى يعملولها اعلانات كتير تخاف منها لانهم بيبقو عايزين يخلصو منها والله اعلم

رد: ايهما تفضل ولماذا المانيوال ولا الاوتوماتيك
 

المانيوال اروع طبعا بس مش فى كل الاوقات السواقه فى القاهره عايزه الاوتوماتيك والواحد يشترى دماغه

رد: ايهما تفضل ولماذا المانيوال ولا الاوتوماتيك
 

رد: ايهما تفضل ولماذا المانيوال ولا الاوتوماتيك
 

بصراحة انا اليوم اللى بسوق فية مانيوال بيبقى يوم مطلعلتوش شمس
الاتوماتيك رفاهية لية ما استمتعش بيها