|
رد: إستطلاع: ها تنزل الميدان يوم الجمعة 27 /5 ولا مش نازل
اولا كده انا مش فلول ونزلت في كل ايام الثوره من اولها ومش بخاف وبنزل كمان من ورا اهلي علشان كنت شايف ان البلد دي محتاجه صوتنا يطلع وصوتنا يوصل ونبطل كلمه خليني ماشي جنب الحيط اللي خلتنا نسكت 30 سنه انا بقي قررت مش هسكت بس في نفس الوقت اشتغل انا اول مره ابقي مش متحمسه لفكره النزول يوم الجمعه عايزين نشتغل عايزين نبني مصر بقي انا مش مع العفو ومش عايزاه وعندي استعداد اني انزل بس بشرط مش هروح اردد شعارات وارجع تاني يوم اشوفها مش بتتحقق اتفرجوا علي اليابان يا مصريين بيعملوا ايه علشان يقوموا باقتصاد بلدهم بعد الزلزال حولوا ملعب الكوره والسله لفصول علشان يعوضوا اللي فاتهم اما احنا عاملين نقول ناجل السنه دي لا لا هناجل الامتحانات بس انا عايزه اشوف واقع شغل عمل اقتصاد قوي عايزه مصر تقوم احسن من الاول وطول ما احنا هننزل التحرير ونقعد نهتف وبعدين نرجع مبسوطين وكلنا تفائل وتاني يوم نلاقي كنيسه بتولع وناس بتموت مصرييين اثبتوا للعالم انه لما بينطق ويتكلم ما بيعرفش يسكت انا عايزه اننا نتكلم ونحتج ونعتصم وفي نفس الوقت نشتغل ينفع ولا لا |
رد: إستطلاع: ها تنزل الميدان يوم الجمعة 27 /5 ولا مش نازل
والله واحد كان بيقول فكره حلوه تيجى كل واحد بدل مانعمل ثورة نشتغل يوم الجمعة ببلاش كمشاركة مننا للدولة مهو كلنا بنقول بنحب مصر
او ممكن ننزل كلنا بعد صلاة الجمعة كل واحد ينظف اما منزلة يعنى فى خلال يوم مصر هتكون انظف من اوروبا :14369D~149: |
رد: إستطلاع: ها تنزل الميدان يوم الجمعة 27 /5 ولا مش نازل
الأجواء قبل ثورة الغضب الثانية
بتفكرني تماما بأجواء الإستفتاء و إختلاف الناس عليه |
رد: إستطلاع: ها تنزل الميدان يوم الجمعة 27 /5 ولا مش نازل
اقتباس:
انا معاك جدا - انت عارف لو يوم الغضب التاني اللي ناويين يعملوه دا كانوا قالوا علية يوم تحسين الاخلاق المصري او يوم القضاء علي التعصب او يوم نظافة مصر (والنظافة اللي انا اقصدها هنا من كل حاجة ننظف سلوكنا وافكارنا وجهلنا) كنت اول واحد نازل وكان اللي يقعد في بيتة هتهمة بالخيانة لكن الجمعة دي انا بجد حاسس ان اللي لة مصلحة في افساد ثوره25 يناير هوا بس اللي حينزل - وربنا يسترها علينا |
رد: إستطلاع: ها تنزل الميدان يوم الجمعة 27 /5 ولا مش نازل
ايه رايكم بقي في الناس اللي نزلوا النهارده .؟؟؟
|
| الساعة الآن 06:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017