مصر موتورز مجتمع السيارات - ممكن أعمل صيانة الألف والعربية عاملة 500 كم ( قبل الميعاد ) ؟

مصر موتورز مجتمع السيارات (https://www.masrmotors.com/vb/index.php)

- Tiggo (https://www.masrmotors.com/vb/forumdisplay.php?f=189)

رد: سؤالين ارجو الرد عليهم قبل بكره الصبح

اقتباس:

المشاركة الأصلية كتبت بواسطة أحمد فاروق سيد (المشاركة 417773)

ومازلت أري ... أن الأفضل هو عمل الصيانة قبل السفر

خاصة وهو طريق طويل والعربية محتاجة تربيط عفشة وخلافة

معلومة
لا يفضل تشغيل التكييف قبل الألف الأولي
داخل المدينة لعدم إرهاق الموتور
أنما فى الطرق المفتوحة فلا مانع

طبعا مع كامل احترامي لحضرتك استاذي الغالي
بس في واقع العربيه
الموتور بيكون متلين في المصنع و متغيرله زيت و اساسا زيت الموتور الي مكتوب عليه 10 الالف بيكون في الاصل يتحمل 22 الف يعني الالف ده يتحمل لحد الفين ولا داعي للقلق
ومع ممارستي في التعامل مع العربيات الزيرو لا تختلف كتير في التعامل او التاثير علي اداء العربيه
يعني في واقع الامر " عادي جدا لو شغلت التكييف في اول الف ومش هيحصل اي تاثر نهائي علي الموتور وعادي برضو لو قرصت علي الموتور وعلي الفرامل و اتعاملت مع العربيه عادي "
والله و الله العربيه ولا بتتاثر لانها بالفعل متلينه في المصنع الرئيسي
مفيش موتور بيطلع الا اما بيتلين في المصنع
الي بيتكتب في الكتالوجات علي التلين دي عمليه حمايه و حرص لا اكتر ولا اقل عشان يبقي وصل لاكتر حالاات التلين والحمايه للموتور
زيها زي حالات التحميل علي المساعدين
لازم يكتب كده عشان يبقي عامل الي عليه و يلبسك الغلط لو اتعاملت انت عكس الي مكتوب
فتره اول الف لو فيه عيب في الموتور في التصميم لازم يظهر في الالف دي عشان كده عاملنها فتره تليين

" التوكيلات مع كامل احترامي ليها ..... اشتغلات .... عمليه ربح لا اكتر ولا اقل "

رد: سؤالين ارجو الرد عليهم قبل بكره الصبح

الصيانة اعملها قبل السفر
السيارة جديدة و متبخلش عليها و اهو يبقى مكشوف عليها و تبقى مطمن قبل ما تضرب مشوار بالحجم ده و خصوصا المكان اللي انت رايحله مفيهوش صيانه

الديفيندر انا عندي كنت مركبوا قدام و ورا الامامي كان مكسي ربر و فعلا كان مفيد لكن لما جيت ارخص اضطريت اشيل الامامي و عدالي اللي ورا
الديفيندر فايدته في الخبطات البسيطة و الترييح بيحمي الاكصدام الفيبر لانه ضعيف و بيتكسر علطول و مبيرجعش زي الاول
بس المشكلة في المرور فلو حتركب ركب ورا و ركب الونش

رد: سؤالين ارجو الرد عليهم قبل بكره الصبح

ريح نفسك من القلق ده كله يااستاذ اشرف وتوكل على الله وسافر بالسلامه انا عن نفسى عملت صيانه الألف والعربيه عامله 1260 كيلو بالظبط لأنى كنت فى اسكندريه ومستعجل روحت وجيت ومعملتش صيانه فى اسكندريه وانا مسافر وكنت مستلم العربيه قبل السفر بأسبوع واحد

رد: سؤالين ارجو الرد عليهم قبل بكره الصبح

أبو الاسعااااااااااد.. تليين الموتور فعلا في المصنع.. بس دا من غير اي احمال.. يعني الماتور فقط لا غير.. مش وزن عربية ووزن اشخاص وتكييف.. ووووووووووو

وطبعا هي في الاول وفي الآخر.. مسألة عادة واتعودنا عليها .. بس دا مينمعش انك تبدأ تقرص خفيف خفيف بعد 500 كيلو مثلا.. وخصوصا في موديلات الاسبيرانزا..

رد: سؤالين ارجو الرد عليهم قبل بكره الصبح

نفس اللي عملتوا بس بالمقلوب..

روحت القاهرة ورجعت اسكندرية وبعدها عملت صيانة الألف..