المشاركة الأصلية كتبت بواسطة احمد على 1999 (المشاركة 432868)

طالما العربية امريكى
بالنسبة للشكمان وارد يكون مزود بعلبة بيئة (كتاليزر) الى هو بيحول اول اوكسيد الكربون لثانى اوكسيد الكربون علشان البيئة متضرش فغالبا المادة المحفزة الى جوة العلبة بتسيح مع الزمن و تقلل مساحة المقطع فدى محتاجة لو موجودة تتفك و يتبص فيها و حيبان لو لبتدت تسيح و لا لسة سليمة و كده كده لغيها و استبدلها بماسورة عادية بيبقى مفيد للعربية بس مضر للبيئة

هو فيه فعلا علبه البيئه بس دي بتبقا مليانه كربون (بيتسرق من العربيه اول متخش الجمرك بيتباع لوحده ب 500 جنيه - فبيتبقي شويه حصي صغيرين بيعدوا يجروا جوا الشكمان)

و برضه احتمال كبير تكون مزودة ب egr لان معظم الولايات الامريكية فارضة على مصنعى السيارات وسائل الحفاظ على البيئة كلها و فى ناس كتير فى مصر و ساعات فى امريكا (بس فى امريكا لو اتقفشوا سنتهم سودا) بيفكوا خرطوم الفيكم بتاع الصمام ده علشان يزودوا قدرة الماتور لانه فعلا بيقلل من قدرة الماتور بس ساعات لغيه بيزود الحرارة شوية و ممكن بالذات مع بنزين بلدنا العربية تسقف

طب معلش الصمام دا موجود فين - يعنى عايز اعرف ملغي ولا لا


اما موضوع المطب فبسهولة حد يبص من تحت على سلامة وضع الحساس
بس سؤالى هو قبل المطب مكنتش بتسقف و بعده ابتدت تسقف؟


انا قبل ماكل المطب كنت ماشي بالعربيه ومبصتش علي الريداتير وسخنت جدا وقعدت تسقف وعديها بيوم اكلت المطب طبعا كل دا حصل في اول اسبوع اشتريت العربيه يعنى معرفش احددلك بالضبط التسقيف من امتى

بس تقريبا هو زاد بعد مغيرت فلاتر وسيور - فنا شاكك في سير الكتينه يكون مزود مش مظبوط

المشاركة الأصلية كتبت بواسطة احمد على 1999 (المشاركة 436174)

مفيش تعب و لا حاجة كفاية زوقك :14369D~149:

ياباشا دنتا اللي كلك زوق


طيب لو فعلا كانوا سرقوا المادة المحفزة من علبة البيئة الشكمان صوته حيعلى يعنى العلبة بترن

العلبه الكبيره فيها حاجات بتجرى (نقريبا عايزه تتفك وتتنظف)


بالنسبة لصمام البيئة الى هو ال egr ده ااقرب وصف ليه انه شبه منظم الانبوبة و طالع منه خرطوم فيكم رفيع لو العربية مزودة بيه المفروض بيبقى راكب من فوق و متوصل بشكل ما مع فرن الشاكمان فاتكد ان الخرطوم الرفيع مش مفصول

طب هاقوم ابص كدا وربنا يسهل


طيب لما العربية سخنت هل كانت جابت جوان وش سيلندر و الوش قفع و لا لحقتها و كان ايه سبب ارتفاع الحرارة يعنى حضرتك كنت قولت انك مشيت من غير ما يكون فيها ميه طيب كان ايه سبب اختفاء الميه و هل لسة الميه بتنقص

بص هو انا سمعت صوت تسقيف جامد جدا في العربيه قدرا لاقيت مؤشر الاحراره بيعلى وقرب علي red zone بس الحمد لله لحقتها وقفت علي جمب لحد مابردت وقعدت امشي واقف وهكذا (انا كان معايا جوليت فمكنتش بزود ميه غير في القربه الرئيسيه بتاعه الميه انما في الاكسنت المفروض بزود في القربه والريداتير نفسه ودا عرفته بعد الموضع متحل ) طبعا المراوح مكنتش شغاله علشان الريداتير فاضي وكمان فيوز المراوح ضرب - حاليا غيرت الفيوز وغيرت الميه خليتها خضرا والحمد لله مفيش اي تسريب خالص والموضوع كويس الحمد لله



و التاكد من صحة تركيب السير سهل جدا اى ميكانيكى يتاكد

دى لسه هروح ان شاء الله اكشف واشوف


على فكرة انا خدت بالى ان حضرتك من بورسعيد لانى بورسعيدى اساسا

اهلا وسهلا بيك انا فخور جدا بيك وانى عرفت شخص محترم زيك



للاسف البنزين بتاع بورسعيد كله بيسقف (بلاحظ معظم العربيات بتسقف بسببه)

دا بسبب ان اغلب العربيات عندنا بتفول 80 - يامحولين غاز


انا قبل ما اجى من اسكندرية بملى العربية على الاخر علشان متطرش امون من هناك و ارحم بنزينة esso الى قبل منفذ الجميل جرب فول من هناك و يا سلام لو عندهم 95 و لو معندهمش فول 92 و حط octane booster
لو التسقيف راح يبقى العيب من بنزين البلد