مصر موتورز مجتمع السيارات - اخوكم و حيران و محتاج مساعدة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - اخوكم و حيران و محتاج مساعدة (https://www.masrmotors.com/vb/showthread.php?t=48791)

رد: اخوكم و حيران و محتاج مساعدة

انا انشاء الله هاصور العربية و اجبهلكوا بس ربنا يستر على المنتدى هههههههههههههه

رد: اخوكم و حيران و محتاج مساعدة

ربنا يعوض عليك اخى الكريم وتتحل كل مشاكلك باذن الله

رد: اخوكم و حيران و محتاج مساعدة

لسلام عليكم ورحمة الله
ويارب ييسر لمصر الخير والرشاد
عربيتي اكسيل 1500 مو 95
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي

السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟

مستنى ردودكم المفصله القيمه باذن الله تعالى
ولكم جزيل الشكر والامتنان

رد: اخوكم و حيران و محتاج مساعدة

هو روديه يعني ايه ؟ و يعني ايه فورش اللي بتبقي في الدبرياج ؟

رد: اخوكم و حيران و محتاج مساعدة

اقتباس:

المشاركة الأصلية كتبت بواسطة eng_ahmed_90210 (المشاركة 369351)

هو روديه يعني ايه ؟ و يعني ايه فورش اللي بتبقي في الدبرياج ؟

ده معنى الروديه

http://www.masrmotors.com/vb/showthread.php?t=40496

____________

وفورش الدبرياج

بتكون عباره عن شوكه ذات شكل هلالى لسحب البليه وقت تفصيص مكونات

الدبرياج بالضغط على دواسة الدبرياج