مصر موتورز مجتمع السيارات - نوبيرا ولا لانوس ولا فيرنا

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - نوبيرا ولا لانوس ولا فيرنا (https://www.masrmotors.com/vb/showthread.php?t=4799)

رد: نوبيرا ولا لانوس ولا فيرنا

و انا كمان باعتذر ،، مقدما

رغم اني شايف مقلناش حاجة غلط

عادي يعني بنصحح معلومات لبعض و بنفيد بعض

و اؤيد بوب و سام رام في معلوماتهم

رغم انها مش معلومات الصراحة محتاجه تأكيد

ده احنا بنتكلم في اكتر تلت عربيات منتشرين في مصر

و بيطلعوا مع الشيبسي

يوووه شيبسي تاني

علي فكرة يا سام رام باشا انا مش شايف اي حاجة تضايق خالص في حكاية الشيبسي دي

ده كناية علي انتشارها

امال لو حد قالك شبه الكشك

او شبه الحلة من غير ودان

او شبه المكواه

او قالك بينو فارينا كان مصممها بعد ما ضرب سيجارة بنجو ،،

ههههههههههه

رد: نوبيرا ولا لانوس ولا فيرنا

يا عم بنراضي الزبون ...
انا كل اللي مضايقني في موضوع الشيبسي انه بصراحه بقى وحش اوي ... مزيت و كله بقع بني والكيس منفوخ على الفاضي
ما هو لو كان عدل زي البرنجلز مثلا مكنوش نزلو معاه حاجه ... لازم هديه علشان الناس تشتري
وبغض النظر عن استهبال الوكيل و انعدام وسائل الامان الا الحزام ... العربيه جمييييييييلللللااااا ... و ربنا يباركلي فيها
وبينن فارينا مصمم العربيه حلو ... بس الظاهر صمم البودي اوت لاين وسابلهم التفاصيل - تقريبا كانت مقاولته سكتشات بس فعمل تصميم على اد فلوسهم
او يمكن صممها بعد ما ضرب سيجاره بيرلنجو ...
على العموم هيا دلوقتي بقت شبه الميكروباص
واللي فعلا شبه المكوه تبقى الاتوس و كان اسمها كده فعلا اول ما نزلت عربيه مكوه
واهو كله محصل بعضه ... بيب بيب

رد: نوبيرا ولا لانوس ولا فيرنا

السلام عليكم ورحمه الله وبركاته يا جماعه بعد الكلام اللى انتم قلتوه ده انا مقدرش ازعل ومشكورين جدا على معلوماتكم بس انا برده زعلان منك يا بوب وانا من بورسعيد ف النظام عندنا هنا مستورد من الخارج عندنا عربيات مش عندكم لان نظام المنطقه الحره يسمح لنا بكده وانا جربت النوبيرا وقلت ده رايى مش معلومه يعنى فى معلومه تكون
( دى هى هى دى بس اكبر منها شويه ) طبعا لا ههههههههههههههههههه بس المهم انا سقتها مستمتعتش بسواقتها واللى عندنا فعلا اتأكدت فى لانوس موديل 2002 كورى ودى اخر حاجه شفتها وكمان فى نوبيرا 1500 cc اذن اختلاف الرأيى والمواتير لا يفسد للود قضيه ومع الاسف ومع الالم انا قررت عدم دخول المنتدى فتره بس لما فتحت وشفت الردور الجميله قلت انا عمرى مهتأخر يوم عن المنتدى ومتزعلوش منى اقول تانى انا من بورسعيد ومعندناش نظام المصرى هنا كله كورى عدا التاكسى الفيرنا فيفي هندى والله اول مره اعرف بس حرام تكون العربيه دى هندى الى حد ما جميله وانا والله قلت رايى الشخصى عن تجاربى واسف اذا كنت سويت خلاف مع احد بدون قصد

رد: نوبيرا ولا لانوس ولا فيرنا

هههههههههههههههههه مشكور سام رام بس اللانوس مش شبه المكواه
بس

عربيتك بالله عليك مش شبه المكواه بس عربيه بسم الله ماشاء الله جميله جدا ربنا يباركلك فيها

رد: نوبيرا ولا لانوس ولا فيرنا

اقتباس:

المشاركة الأصلية كتبت بواسطة hazem_khidr (المشاركة 20413)

اولا لو فيه كلمه ضايقتك يا استاذ محمد احنا اسفين
بس حقولك علي كام حاجه انا متاكد منها
1.اللانوس من 98 و هيا مصري و ابو الفتوح كان بيجمعها و الحجز عليه كان لمده بتصل ل 6 شهور و ب 38 الف انا فاكر كويس
و مافيش اي لانوس دخلت مصر كوري الا عن طريق المنطقه الحره (زي عربيات المعاقين كده)
و العربيات دي بتعرفها انها كوري لو ما فيهاش غماز الاشاره في الرفرف
2.النوبيرا كان فيه منها 1500 فعلا بس النوبيرا 1 و دي برضه مانزلتش توكيل لان التوكيل علي ما بدأ ينزل كان الشكل بتاع النوبيرا 1 اتلغي و نزل النوبيرا 2 للانتقادات الكتير علي شكلها من سنه 98
3.النوبيرا 2 اللي في مصر كلها من التوكيل كلها مصري و 1600 الا برضه اللي جايه من المنطقه الحره و دي برضه كلها 1600 مافيش منها 1500.
4.الفيرنا الفيفا دي هندي و دا اول موديل نزل من الفيرنا بعد الاكسنت علي طول لكن غبور هنا كان بيجمع الاكسنت و لما بدأ ينزل الفيرنا كان الشكل الجديد نزل فجمع الشكل الجديد و حب ينافس نفسه و ياخد قطعه من كعكه السوق كما يسمونها فراح استورد الفيرنا الفيفا بموتور 1500 و الفيرنا التجميع المحلي بموتور 1600.
كل الكلام دا انا واثق منه 100% و لو عاوز نتناقش اوك مافيش مشكله

يا ريت تأكدلى المعلومه ان العربيات النوبيرا2 1600 مش 1500 الكورى لان اللى عرفته انها 1500 ولما ركبت العربيه دى مرتحتش والف شكر على معلوماتك المفيده وانا من بورسعيد مره 3 يعنى المنطقه الحره فقط معندناش توكيل الا تويوتا و تقريبا هوندا وغبور امر طبيعى