رد: ممكن اعرف سبب استهلاك البنزين بمعدل 145 كم فى الصفيحة
 

حضرتك روح للميكانيكى تانى و خليه يظبط تاكيهات ويكشف على طلمبة البنزين

رد: ممكن اعرف سبب استهلاك البنزين بمعدل 145 كم فى الصفيحة
 

طلمبة البنزين انا لسه مغيرها من اسبوع جديدة ايطالى
بالنسبة لخراطيم البنزين الحمد لله مفيش منها اى تسريب ومفيش ريحة بنزين داخل او خارج العربية
بالنسبة للتاكيهات انا معرفش عنها اى حاجة

انا جبت منظف الكربراتير من حوالى شهر ولن الكرابراتير فضى ولا يوجد اى اثر للون احمرار

رد: ممكن اعرف سبب استهلاك البنزين بمعدل 145 كم فى الصفيحة
 

اعتقد ان الزملاء الافاضل قد قتلوا الموضوع بحثاً ، ولكن من واقع التجربة الشخصية اليك الآتى :
1- تغيير ابرة الكربراتيربإبرة جديدة من نوع جيد لأن الابرةعليها دور كبير جداً فى فصل البنزين عن الكربراتير عند عدم الحاجة الية والابرة عندك مش وحشة قوى بدليل ان العربية مش بتشرق منك لكنها مش حلوة قوى فى نفس الوقت لأن معدل احكامها فى القفل بيكون ضعيف وبالتالى هناك دخول بنزين بصفة مستمرة ولا تشعر بة لأنة بيتحرق وانت ماشى .( ثمنها 10ج نبتدى بيها ونشوف) وهاتها ايطالى
2- فى حاجة اسمها جوانات المانفو ودى بتبقى بين مجموعة الكربراتير وجسم الموتور ولو تلفت بتشفط هوا وتاكل العربية بنزين ولا يمكن السلانسية يتظبط وبالتالى لازم تاكل بنزين .( طقم الجوان ب 10ج مصرى )
3- ودة الاحتمال الأبعد وهو اسطوانة الدبرياج لو فيها تفويت او تآكل بتأكل العربية بنزين كتير ولو حتى مكنتش بتعمل دردرة.
ولو تقدر تشترى كربراتير جديد ايطالى يبقى الموضوع انتهى واذا لم ينتهى يبقى باقى الخطوات التى كتبتها لحضرتك ، وارجو ان تكون مفيدة وطمنى على الأخبار

رد: ممكن اعرف سبب استهلاك البنزين بمعدل 145 كم فى الصفيحة
 

النهاردة الصبح وانا رايح الشغل ماشى فى صلاح سالم ودخلت بنزينة موبيل عشان افول الراجل قالى البنزين بيقع على الارض
يعنى مجرد ما يحط المسدس البنزين بيقع من تحت العربية عند كاوتش الكوع الى تحت الزور
روحت لميكانيكى جنب الشغل عندى فى النزهة الجديدة واتضح انى الكوتشة مقطوعة خالص وغيرتها الحمد لله
هل المشكلة دى ممكن يكون ليها علاقة بموضوع استهلاك النزين ولا ملهاش علاقة

رد: ممكن اعرف سبب استهلاك البنزين بمعدل 145 كم فى الصفيحة
 

علاقة اكيدة جداً لأن كدة فى تسريب جامد وان شاء الله الموضوع كدة انتهى