رد: جبت لانوس 2011 بقالى يومين وعندى اسأله كتير
اقتباس:
الموضوع فعلا شكلهبقه وسواس بس من كتر العيوب والله انا حاسس انها عربيه موديل 95 ... طب عاوز اخد رايك فى شويه حاجات بما انك معاك نفس العربيه - كنت بركب الدايو زمان كان التانى بيجيب 90 ولسه فيه بتاعتى دى صوتها بيبقى عالى جدا والتانى لسه على 40 ياعنى ال rpm بيجيب 35 والسرعه 40 لسه - وانا على التالت فى صوت ونه من المكنه شبه الشاهين كده او زى ما تكون راجع لورا - نفس الونه دى وانا واقف لما ادوس دبرياج تروح اشيل رجلى يجى الصوت تانى ( على التالت بيبقى الصوت اعلى ) - العجله اليمين ورا فيها حاجه غلط زى ما يكون المساعد ضارب بتخبط فى المطبات ومش زى الشمال خالص - ازاى المرايا الشمال مسطحه -- ممكن اغيرها ؟ -الكبون فيه حته فى الدوكو لونها مختلف عن العربيه زى حته مسيله تحت الطبقه اللى بتلمع حجمها حوالى 2سم فى 4سم فوق الكشاف اليمين - فرش الابواب بيزن - دايما حاسس انى شادد مقطوره ورايا والعربيه نفسها مقطوع - حاسس ان البنزين بيطير بيخلص بسرعه جدا كل دى مشاكل حقيقيه مش تهيؤات ولا حاجه بس الغريب انها فى عربيه زيرو مكملتش اسبوع وجايبه 150 كيلو ، دا الواحد لما بيجيب عربيه زيرو على الاقل من الفرحه مش بيحس بالمشاكل فى الاول ، وانا حسيت بالحاجات دى من اول يوم؟؟ بذمتك هيبقى ليا نفس افرح ؟؟؟؟؟؟؟؟؟؟؟؟؟؟؟ |
رد: جبت لانوس 2011 بقالى يومين وعندى اسأله كتير
اولا الف مبروك ربنا يكفيك شرها لاكن يأخى ارجوك ماتزعلش نفسك وان شاء الله كل المشاكل ديه أيدها فى ورقه وشيلها فى التابلوه وعند عمل صيانة 5000 اعرضها على مهندس الصيانه وهما هيعملوها دى كلها تظبيطات بسيطه وطمنا عليك بعد كده على فكره موضوع 1000 ده بينصح بعدم استخدام التكيف عند1000 الاولى وربنا يباركلك فيها ويجعلها أدم الخيرعليكROSE4U
|
رد: جبت لانوس 2011 بقالى يومين وعندى اسأله كتير
منا مش هعرف استنى لحد صيانة ال 5000 دى لسه كتير اوى .. كمان ساعتها هبقى اتجننت من العيوب دى كلها (( فى عربيتى - الزيرو - )) المشششششششششششكله انها زيرو والله ، او زى ما تكون زيرو MAD
|
رد: جبت لانوس 2011 بقالى يومين وعندى اسأله كتير
روحت النهارده سالت على ازاز المرايه الشمال المسطح دا لقيت الجديد الاصلى برضه مسطح .. محدش يعرف ازاز من اللى بيجيب الصوره بعيده للشمال ؟؟؟؟؟؟؟؟؟؟؟؟؟؟؟؟؟؟؟؟؟؟
|
رد: جبت لانوس 2011 بقالى يومين وعندى اسأله كتير
اقتباس:
الحل السحرى انك تروح لاى حد من بتوع الاكسسوار وتجيب مرايتين صغيرين مدورين بضهر لصق وتلصقهم على المرايتين من اطرافهم وادعيلى http://i757.photobucket.com/albums/x...1011182303.jpg |
الساعة الآن 11:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017