مصر موتورز مجتمع السيارات - تجربتى مع الفلتر الرياضى برافا 80SX

اقتباس:

المشاركة الأصلية كتبت بواسطة mr_hamed_s (المشاركة 299383)

بقالى فتره محتاج اغير فلتر الهواء لعربيتى فيات برافا 80
ففكرت وبعد بحث طويل انى اركب الفلتر الرياضى اللى الناس بتحكى عنه
وبصراحاه مكنتش متوقع النتيجة الناس كلها كانت بتتكلم عليها
صوته قووى وبيزود هورس باور وحاكات تانيه انا مصصدقتش الكلام بس لما جربت لاقيت لكلام فعلا مظبوت الفلتر اللى ركبته صينى كان عند واحد صاحبى وشاله علشان يركب الاكبر منه
بس فتح الموتور جداا وخلاه فايق. صوته عند الحرق قووى جدا حسيت انى غيرت الماكينه بعد ما حطيته انصح بيه الناس بصراحه وانشاء الله هجيب حاجه ماركه k&n او ماشابه بس احوش حبه فلوس
بس تعليقاتى الوحيده عليه
1- لازم تحرق علشان تسمع صوته يعنى فالسلانسيه صوت العربية بيبقى عادى جداا.
2- لو ماخدتش بالك هتلاقى نفسق بتحرق كتيير على الموتور علشان تسمع صوته وده طبعا مش كويس للموتور عربيتك انك تبقى ماشى بتحرق عمال عالفاضى واللى هيئدى طبعا لاستهلاك بنزين اكتر
مجمل الفلتر من التعديلات الظريفة ومش مضره للعربية وانا بصراحه اقتنعت بيه جداا
وانشاء الله اى جديد لازم هبلغكوا

الف مبروك على الفلتر وعلى تحسن الاداء ....

بس انا اعتقد انك حاسس بالفرق لان الفلتر القديم بتاعك كان محتاج تغيير ..

لان فلتر الهوا الاسبور معروف انه بيفرق حاجة بسيطة اوى (واحيانا غير ملحوظة) فى الاداء .... الفرق بيكون فى الصوت بس ...

اقتباس:

المشاركة الأصلية كتبت بواسطة mr_hamed_s (المشاركة 299403)

K&N بيبتدى من 450
الاهم انه هيقولك غير الماسوره اللى طالعه من الموتور علشان هيه بلاستيك وركب حديد علشان الحديد بتقلل الحرارة
ده كلام مش مظبوط الماسورة الحديد بتزود الحرارة مش بتققلها الاحس صمم انه يركبه على الماسورة الاصليه لو متاح

موضوع الماسورة ده غير صحيح ..

لان الماسورة بتكون مطليه من جوه بماده النيكل كروم .. ودى بتساعد فى تقليل حرارة الهوا اللى داخل للموتور (طبعا لو نوع نضيف) ...