مصر موتورز مجتمع السيارات - العربية سخنت أنا خايف جدأومش عارف أعمل أية برجاء المساعدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة gogofreedome (المشاركة 269397)

السلام عليكم ورحمة الله
الحكاية هى أن العربية سخنت منى ووصلت لغاية الأحمر روحت مبطل التكيف راحت الحرارة ابتدت تنزل روحت للميكانيكى راح غير طرمبة المية علشان كانت بتنقط قولت أروح لميكانيكى تانى علشان اطمن روحت لواحد تانى فك البوجيهات لقى فى صدا على الشمعة وقالى دا جوان وش سلندر بصراحة انا اتخضيت روحت مغير البوجيهات وقلت يمكن البوجيهات هى الينوعها وحش وركبت غيرها لقيت العربية صوتها هدى وحسيت أنها أظبتط روحت لميكانيكى تالت قالى لوالشمكان بينزل مية لما بتزود يبقى وش أو فى مية على الزيت أو زيت على المية الحمد لله مفيش مية على الزيت أو زيت على المية بس POLICEEالشكمان بيترتش مية بس مش كتير يعنى ميش بتدلق مية لا بترش معنى دة اية ياريت حد يرد عليا ولكم جزيل الشكر
أه العربية لادا سمارا 2007

ولى عندك سؤال تقريرى

هل وضع الميه الخارجه من الشكمان حاليا زى زمان

قبل تعرض المكنه لأرتفاع فجائى فى الحراره ووصول التدريج على مؤشر الحراره

إلى الوضع الخطر الأحمر ..................؟

لما تجاوب على السؤال ده

حتعرف على طول

ماهو الواجب عليك أجراؤه ( حفاظا على مكنة سيارتك )

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة samirayad (المشاركة 270485)

لا كده الكلام يخوف

ومعناه فيه شوية كبس بيهربوا لمية التبريد وبيرفعوا الحراره

كنصيحه عامه

جرب تكشف على البوجيهات تانى

لقيت عليها آثار صدأ تانى

يبقى ما باليد حيله

ولازم تغير الجوان

___________________

وأحساسى الفنى بيقوللى أن الجوان عندك بأه غير صالح حاليا

على فكره

أنا عندى العربيه لسه عامله 23 ألف كيلو

ومن يوم ماجيبتها

مفيهاش موضوع طرطشة الميه الوارده فى موضوعك

موضوع الميه ده أساسا بيعتمد على مدى رطوبة الهواء الموجود داخل الشكمان

ليس أكثر من هذا

بصراحة يابشمهندس أنا بقيت مش عارف ومحتار أنا بردو زى أحساسك دة والميكانيكى بردو نفس الكلام بس القضية اليمخوفانى هل دة يأثر على العربية هى عامله 50 الف كم وبقالها 3 سنين وأنا أول يد عاليها
السؤال : هل ممكن لو فكيت وش السلندر وطلع مفيش الميكانيكى يغير الجوان ولا يركب القديم ؟
السؤال الثانى : تغير الجوان يعيب العربية ؟
وعموماً انا حطيت كرتونة تحت العربية علشان أتأكد أنها مفيعاش تسريب من أى حاجة وبكرة انشاء الله هتابع طول اليوم قربة المية ولو لاقيت فى نقص فى القربة هتوكل على الله وأحل وش السلندر فى الأجازة لو لاقيت مفيش نقص مية خلاص يبقى الحمد لله وأقعد ساكت .

رد: أنا خايف جدأومش عارف أعمل أية برجاء المساعدة

اقتباس:

السؤال : هل ممكن لو فكيت وش السلندر وطلع مفيش الميكانيكى يغير الجوان ولا يركب القديم ؟

دور على الجوان الأول وهاته معاك قبل ماتتخذ أى أجراء

على فكره

ماينفعش الجوان القديم يتركب تانى نهائيا ( حتى لو كان شكله سليم )

مع جوانات وش السلندر

طالما حتحل ............يبقى لازم جوان جديد

اقتباس:

السؤال الثانى : تغير الجوان يعيب العربية ؟

أطلاقا ....ومفيش أى مشكله نهائيا

اقتباس:

وبكرة انشاء الله هتابع طول اليوم قربة المية ولو لاقيت فى نقص فى القربة هتوكل على الله وأحل وش السلندر فى الأجازة لو لاقيت مفيش نقص مية خلاص يبقى الحمد لله وأقعد ساكت .

ده الحل الأمثل وخلاصة القول

بعد ما تتأكد تماما من عدم تواجد سبب ظاهرى لنقص المياه معاك وده بيبان من خلال الفحص الظاهرى ( الرؤيه الثاقبه داخل الحوض وأسفل المكنه )

رد: أنا خايف جدأومش عارف أعمل أية برجاء المساعدة

اقتباس:

المشاركة الأصلية كتبت بواسطة samirayad (المشاركة 270492)

مرة من سنة كدة كنت عند ميكانيكى التوكيل وكان معاه مهندس من التوكيل وكنت بشتكى ان المية بتنقص وكانت العربية دايرة بقلها كتير وسخنة والمروحة مكانتش بتفصل الميكانيكى قال دا عادى علشان الحر والهندس قال دا جوان علشان الشكمان بيجيب مية والعربية سخنة بس بعد شوية أكتشفت أن القربة مشرخة وغيرتها وبردة المية بتنقص بس مش كتير يعنى كل يوم أو أتنين نص كوباية وكانت بتسخن(92 :95 وهى على الطوالى والمروحة مبتفصلش خالص لا على السلانسية ولا على السريع لافى الصيف ولا فى الشتاء لغاية لما سخنت وجابت العلامة الحمراء

رد: أنا خايف جدأومش عارف أعمل أية برجاء المساعدة

حقولك على محاوله مش بطاله

روح للميكانيكى وأعمل المحاوله دى قبل موضوع الحل

قوله أنا عاوز أشد على رباطات وش السلندر شويه بترتيبها الهندسى الصح

وجرب المكنه بعد الرباط على مسامير الوش

ممكن ده يجيب معاك نتيجه كويسه ومتحتاجش تحل الوش

دى مجرد محاوله وأنت ونصيبك