رد: تجربتي مع الشيروكي و مركز خدمة أكثر من ممتاز ...
 

مينا باشا
الف مبروك - ربنا يديك خيرها ويكفيك شرها
الحاج كان بيفكر في موضوع الجيب دا اليومين دول - بيفكر يغير عربيته
فلو سمحت ممكن تقولنا السعر اللي انت جيبتها بيه
وايه متوسط اسعار من 95 الي 99
باعتبار انك اكيد لفيت علي جميع السنوات قبل الشراء
ومرة اخري الف مبروك

رد: تجربتي مع الشيروكي و مركز خدمة أكثر من ممتاز ...
 

شكرا لذوقك و الله يبارك فيك... (بس أنا بعت خلاص من حوالي شهر...) :)

السؤال دلوقتي... هو محتاجها لإستخدامها في ايه؟
عموما الشيروكي من شكل لحد 97 و بعدين من 98 ل 2001 شكل جديد... بعد كدا ليبرتي من 2002 ل2007 ... و أخيرا الKK ابتداء من 2008 و لحد دلوقتي...

هو محتاج أنهي شكل؟ قبل 97 ولا 99؟
لو عايز نصيحة مني خد شكل 98-2001

أسعاره بتتراوح ما بين 70-90 لو بحالة جيدة جدا الى ممتازة...
و برضه بتعتمد على كماليات العربية و عوامل تانية كتير..

رد: تجربتي مع الشيروكي و مركز خدمة أكثر من ممتاز ...
 

تسلم يا ريس علي النصيحة
انا هاخد بنصيحتك واجيب من 98 الي 2001 - عشان السعر مناسب شوية
هوا هيستخدمها كعربية نص نقل - هوا حاليا معاه الهامر المصري - الشاهين ههههههههه هوا بيقول عليها كدة
وشايف انه لو هيغير مش هيجيب اقل من شروكي - عشان تستحمل - سفر ونقل بضاعة وحاجات كدة
شكرا مرة اخري لاهتمامك
بالمناسبة - انت بعت من شهر ؟؟؟؟ طيب مش تقول جيبت ايه عشان نباركلك

ومرة اخري شكرا للإفادة

رد: تجربتي مع الشيروكي و مركز خدمة أكثر من ممتاز ...
 

هي ممتازة كعربية نص نقل.... أنا كانوا بيستغلوني أسوأ استغلال في البيت في نقل جميع أنواع البضايع :) (و طبعا شغل من أبو بلاش)

بالنسبة للبيع أنا بعت و كان عندي نية شراء لاند كروزر مستعملة... بس لسة ملقيتش حاجة كويسة...

حاليا معايا تيمبر لاند حلوة أوي... بقضي بيها مشاويري كلها.... :)

رد: تجربتي مع الشيروكي و مركز خدمة أكثر من ممتاز ...
 

عزيزى مينا ياريت تعطينى عنوان الورشة اللى اتعاملت معاها ورقم التليفون ان امكن وشكرا جزيلا