المشاركة الأصلية كتبت بواسطة hazem_khidr (المشاركة 326263)

اول مره اشوف الموضوع دا دلوقتي تصور؟؟
ربنا يخلي شريط المواضيع الجديد :)
نيجي للمهم
احم احم...
العربيه من الجنب ما زالت تحمل ارث البيتلز الاصليه
و بالاخص النوافذ الزجاجيه المقوسه مثل الاطراز الاصلي
خط السقف و الزجاج الخلفي ايضا يحمل نفس التصميم العريق
اما عند النظر بزاويه جانبيه للمقدمه نري انها تحمل نفس تصميم البوجاتي فيرون
خصوصا لبروز غطاء المحرك عن الرفاريف الجانبيه.
لكن ما استغربته هو حجمها المبالغ فيه
علي الرغم من ان الموديل الحالي يصنع علي قاعده عجلات جولف 4 او جولف 5

شكرا سامح باشا علي الخبر

المشاركة الأصلية كتبت بواسطة AboNoRa (المشاركة 326279)

والله وانا زى حازم لسه شايف الموضوع دلوقتى وياريتنى مشوفته YAKHBR

بصراحة السمكرى اللى عمل فيها الشغل ده عايز قطع ايدة ddd:

كده بقت ضفضعه مش خنفسه ANAA7TG

المشاركة الأصلية كتبت بواسطة اسد (المشاركة 326325)

البيتلز دى كانت ايام زمان فى التلاتينات
وفضلت المانية محترمة حتى السبعينات
اذا حاولت تحييها احيي الاول اللى مات
راح زمن كان كله خيرات فى خيرات
ولم يعد باقى عندنا الا الحسرة والذكريات
سر البيتلز كان فى قوة الموتور ياحضرات
اللى كان بيبرده العشق والهوا بالتوربينات
والصوت المدوى وفرقعة الشكمانات
والصيانة لاتذكر الا بتغيير الفلترات
والبنزين اللى تقوله اخلص يقولك ابوك السقا مات
وصاج الرفارف اللى كانت بتخاف منه القطارات
تقولى يعملوها بشاسيه جولف وجيتا ولا حتى باسات
اقولكم البيتلز دى كانت ايام زمان ايام الفتة فى البرامات
وكان وكان وكان وكان زمن صحيح كان بتاع باشوات
احنا دلوقت فى زمن الناس بتموت فيه بالسراطانات
زمن مظلم مظلم مظلم بتتزور فيه الانتخابات
والشعب لو اعترض يموت وييجى شعب تانى مالوش فى الحبشتكنات
المهم بفاخمته يفضل وتولع الدنيا بال فيها والله يرحمك ياسادات
انت اللى جبته وحكمته فى شعب الكنانة ايام الانتصارات
ده كان حلمه مش اكترمن سفير فى لندن مع الاكسلانسات
قدرك يامصر تفضلى تعانى وتحلمى بيوم الممات
يوم ماكل اللى عذبك يروح ومعاه الذكريات
وتفرحى فرحة ماشوفتيهاش من ايام زمان وكان كان وكان
مع تحيات عاشق البيتلز الولهان

المشاركة الأصلية كتبت بواسطة nktis (المشاركة 326896)

شغل المان عربيه خرافه قديم وحديث....تقبلوا مروري