مصر موتورز مجتمع السيارات - معلومات عن موتور جاك بي كلاس jac b15

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - معلومات عن موتور جاك بي كلاس jac b15 (https://www.masrmotors.com/vb/showthread.php?t=29719)

رد: معلومات عن موتور جاك بي كلاس jac b15

اقتباس:

المشاركة الأصلية كتبت بواسطة Devill Blood (المشاركة 312928)

هذا لا يصح يا عزيزى الراجل بيقول رأيه ولم يمس سمعة السيارة بسوء بل يتكلم عن سعرها وهو حر ولا داعى للحساسية المفرطة وفعلا الصينى لم يثبت نفسه بعد والجاك بى15 لم أرها حتى الأن فى أى شارع "والله على ما أقوله شهيدا"بعكس عربيات ذى الأسبيرانزا أو الجيلى أو البى واى دى بدأنا نرى له ملامح

أخى العزيز : اولا تحياتى ليك
ثانيا أخويا عبدالله اللى هو سايلنت مان من أعز حبايبى هنا فى المنتدى . وانشاء الله حانلتقى قريبا . وخلافنا فى الرأى فى البدايه وطد علاقتنا وصداقتنا فى النهايه .
أما عن السياره ال بى كلاس او بى 15 . فهى بتنزل الى كل دول العالم بكميات محدوده جدا حتى الآن وذلك لتلبية احتياجات سوق الصين المحليه أولا . أما باقى الماركات اللى سيدتك ذكرتها فهى انتشرت لأنها أصبحت كلها تجميع مصرى . مع العلم ان الصينى أثبت نفسه بجداره فى السوق المصريه والشارع المصرى والدليل على كده انه شغال فى الأجره زى المحرات ليل نهار . والعربيه اللى تثبت جداره فى الأجره تبقى اكيد وحش قوى فى الملاكى .
وتحياتى ليك .

رد: معلومات عن موتور جاك بي كلاس jac b15

اقتباس:

المشاركة الأصلية كتبت بواسطة Devill Blood (المشاركة 312929)

أى ده أى ده المحرك بيتصنع فى الصين ودى مجرد هندسة عكسية
والصين ليست بلد عالم تالت عشان متقدرش تصنع ماتورها ,فكوا بقى من عقدة اليابانى دى

الصين فعلا مش دول عالم تالت . وغزت اسواق العالم كله من الأول الى التالت . بس تكنولوجيا الموتور هى اللى يابانى . ميتسوبيشى ( فرد من أفراد عائلة الموتور الميتسوبيشى )

رد: معلومات عن موتور جاك بي كلاس jac b15

ياريتنا زى الصين

دا إحنا حالتنا طين

ومفيش حاجه فيها فالحين

غير فى الحداقه والشغل على البنى آدمين

على الرغم إننا كمصريين

عنهم فى الذكاء ممتازين

بس تقول لمين

أستغفر الله العظيم

رد: معلومات عن موتور جاك بي كلاس jac b15

ايه الجمال ده ياكبير .....ولابيرم التونسى ......والله انت نورتنا اليومين دول يا بشمهندس سمير وياريت تشرفنا على طول علشان نستفاد بعلمك وخبرتك فى مجال السيارات.....تقبل تحياتى

رد: معلومات عن موتور جاك بي كلاس jac b15

بيرم التونسى مين يادكتره

دول شوية زجل

من بتوع

الشاعر : أحمد فؤاد نجم