رد: محتار ما بين 128 ولا مازدا 323
 

رد: محتار ما بين 128 ولا مازدا 323
 

اولا المقولة دى طلعت على مازدا 626 و 929 عشان المكنة كبيرة 2000 cc و ملقتش قبول كبيير
اما 323 مو 82 كان الجيش منزلها ومنتشرة جدا هنا ف اسكندرية و قطع غيارها متوفرة ومش شايف انها غالية ولا حاجة ,,,, قارن بين الفانوس اللي لل128 و اللي للمازدا هتلاقي فرق كبييير وهتلاقى الاصلى كمان

انا معايا 323 مو 88 ,,,, اولا اوسع جدا ممكن تشيل 4 ورا بس يكونوا رفيعييين هههه و شنطة مفيش كدة و طبعا مش هقولك على ال 128 لما تركب و لو رجعت ضهر الكرسي ورا حبة وجيت تسند دراعك ع الشباك هتلاقى الشباك قدام و المازدا 1300 Cc ومش بتاكل بنزين و زى ما معروف عن اليابانى حمااااااااااااااااااااااا اال آسية , لمدة شهر كل يوم مشوار 200 كيلو وتمشى على 110 , 120 , 130 بعد كدة بتتهز عندى قواعد موتور متاخدش ف بالك بس هى بتجييب اكتر وشش و السحب بردة جيد , ال 128 عمرها ما هتجييبك ع الطريق السريع و لو 128 قربت منك هتلاقيها متظبطة يا هتسمع احلى صوت مكنة عالية تحس انها بتموت

للعلم العربية خليجي , تكييف , معتقدش فى 128 بتكييف
موضوع ال4 نقلات هو مش فارق لان اول ما بتحط رابع بتجيب معاك من 60 وانت طالع ....
الثبات جيد جدا ف الغرز و الحركات " مرة فى المعمورة بجري و فوجئت بيير اخدت يمين شمال وكنت على 100 و عدت بسلام , ف المنحنيات جيد بس لو السرعة زيادة هتحس انها هتعوم

بس فى عيوب طبعا العربية اطول من 128 ف الاول لازم تاخد على ابعادها و بعد كدة عاادى
واطية شوية من قدام لو قابلك جبل هتحك فيه , انا رفعتها و كله تمام
مفيش عداد rpm
بس.... و بالتوفيق فى اي من الاختيارين

رد: محتار ما بين 128 ولا مازدا 323
 

مقولة المازدا فاسدة دي من أسخف ما افتكس المواطن المصري، زي ما تقول كدة هي ماشية على الوزن والقافية بس، لكن الياباني ياباني، والمازدا عربية جميلة فعلا

رد: محتار ما بين 128 ولا مازدا 323
 

ال128 هي كمان حمالة اسية
العربية قطعت من مصر لبور سعيد من غير راحة والله العربية مسخنتش خالص وعداد الحرارة كان في مكانه

رد: محتار ما بين 128 ولا مازدا 323
 

اتوكل علي الله وخش علي مازدا احسن بكتير