مصر موتورز مجتمع السيارات - كل شئ عن الديفيل.

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - كل شئ عن الديفيل. (https://www.masrmotors.com/vb/showthread.php?t=26241)

رد: كل شئ عن الديفيل.

اقتباس:

المشاركة الأصلية كتبت بواسطة mansoub504 (المشاركة 205090)

موضوع جميل وعلي فكره ان منظومة العادم ممكن تحافظ علي الماتور وممكن تضعفه

تمام, لو الشكمان ضيق على حجم الموتور هيخنقه, ومش هيخليه يطلع قدرته الكاملة.

رد: كل شئ عن الديفيل.

تسلم ايدك يا باشا الموضوع بجد تحفة بس لو ممكن استفسار ؟؟ منين ممكن اشترية لسيات ابيزا و يكلف كام بالضبط الشكمان كامل ؟؟

رد: كل شئ عن الديفيل.

الشكمان كامل بيبدأ من 600 وأنت طالع حسب النوع و بلد الصنع, فيه ماركات عالمية كتير عند تجار الكماليات المستوردة لكن فوق 1500 جنيه, وفيه شكمانات أبو اليزيد وده مصنع شكمانات مصرى وليه منتجات كتير وهو أنضف شكمان مصرى مقارنة بالسعر.

المهم مواسير الشكمان تكون أوسع فى القطر علشان مقاومة الشكمان للعادم تقل.

وللأسف معرفش عنوان حد كويس, بس كل حاجة موجودة فى الحرفيين, أنزل يوم كده لو فاضى ظبط العربية فيه.

ومبروك الأبيزا.

رد: كل شئ عن الديفيل.

انا عندى نيسان صنى 2008 ايه اللى ممكن يضيفه ليها النظام ده وخصوصا ان موتورها 1600 /118 حصان وهل بيطول عمر الموتور فعلا وانا عايز حاجة ملهاش صوت لان بكره الصوت العالى جدا

رد: كل شئ عن الديفيل.

النظام بيعمل عمل فلتر الهواء الرياضى بس بالعكس, زى مالفلتر بيخلى الموتور يتنفس أحسن, النظام بيساعد على سرعة وتقليل المقاومة للعادم الخارج من الموتور وده فعلا بيزود عمر الموتور بس أسبوع مثلا مش سنين.
والنظام بالتالى بيخلى الموتور يطلع أقصى قوة ليه يعنى ممكن يزود من 2 الى 7 حصان عند مثلا 5200 لفة.

الصوت بيبقى على حسب نوع النظام, يعنى فيه نظام يطلع صوت بس وفيه بيطلع صوت وأداء وفيه بيطلع أداء بس.
والعربية العادية مابتحتاجش النظام ده كتير وخاصة أن عربية حضرتك جديدة واللعب فالعربية بيقلل قيمتها.

وعامة العربيات اللى مسقطة موتور أو مركبة تربو لازم مواسيرها كلها تتغير بمواسير أكبر علشان كمية العادم اللى خارجة.