مصر موتورز مجتمع السيارات - تعليم صيانة السيارات

اقتباس:

عربيتي اكسيل 1500 اوتوماتيك ( لو شغلت التكييف هلة هيهبط العربيه اكتر مع الاوتوماتيك ولا عادى حيث انه 1500 سيسي )

شغل ياباشا التكييف وخد راحتك

مادام نازل مع العربيه كتصميم ملحق على حمل المكنه

والمكنه حملها مظبوط

فماهو الضرر من تحميل التكييف على المكنه

دا حتى

ترك التكييف بدون تشغيل خطأ فنيا

بيؤثر على كفاءة دورة التكييف سواء ككمبروسور أو مروحة تكييف أو مكونات أخرى بدايرة التكييف

اقتباس:

1- بالنسبة للبطارية الجافه صاحب محل قالى ان لو الدينامو باظ او قطع بيبوظ البطارية الجافه هل ده حقيقي ؟؟؟

الحقيقه الكلام ده مش سليم

وبرضه أسأله

قوله أيه السبب ....يمكن معاه حجه فنيه ...........!!!!!!!!!!!!!!

اقتباس:

2- انضف الريداتير ازاى

بمتابعة تغيير مية التبريد بصفه دوريه وبالذات لو كنت بتستعمل ماء عادى من الحنفيه

اقتباس:

وهل الفتيس له ريداتير اخر بخلاف الريداتير اللى فى صدر العربيه الواصل بالقربه

لو بصيت على ردياتير السياره

حتلاقى عليه أربع خراطيم

2 بقطر كبير .............خاصيين بالمكنه ( 1 شمال علوى + 1 يمين سفلى )

2 بقطر صغير ..............خاصين بدخول وخروج زيت الفتيس ( أسمها خراطيم هيدروليك )

بالنسبه للخرطومين الصغيرين

واحد بيودى زيت فتيس ساخن لتبريد جوه سربنتينه صغيره على اليمين بتاع رادياتير المكنه

والتانى بيرجع الزيت بعد ماتم تبريده بواسطة سربنتينة زيت الفتيس

( الأثنين مصممين داخل أطار واحد ولكنهما فى الحقيقه سربنتين واحده لتبريد مية المكنه والأخرى لتبريد زيت الفتيس )

اقتباس:

وهل للفتيس الاتوماتيك فلتر منفرد يتم تغييره وكل اد ايه

أى فتيس أوتو بيكون فى داخله طلمبه زيت لزوم تشغيل الفتيس

على مدخل الطلمبه

لابد من وجود وسيله لتنقية الزيت من الرواسب قبل دفع الزيت للفلف بودى ( بيسموه الخريطه فى السوق )

ممكن بأه تلاقى وسيلة تنقية الزيت عندك عباره عن فلتر على جنب الفتيس من أسفل

وممكن تكون وسيلة الترشيح عباره عن مصفة ترشيح ( شبه الأسفنجه ) وموجوده من الداخل ومش باينه قدامك

أذا

مكان وسيلة تنقية زيت الفتيس من الشوائب قبل ضخه بالطلمبه بتعتمد

على نوع الفتيس وطريقة تصميمه

وبشكل عام وبصفه تقريبيه

لو عاوز آداء صح من الفتيس الأوتو

غير زيته وفلتره ( كل 60 ألف تقريبا )

اقتباس:

3-واطمن ع الفرامل ازاى ( من خلال الزيت ولا من خلال العفشجي واقوله ايه )

أنا أقصد ضمان جودة الآداء الفرملى

بمعنى

ميكونش فيه فرده فراملها محمله عن التانيه

ده بتعرفه أزاى

ممكن مع رفع السياره بيتم أختبار مدى سهولة حركة العجل ( للأطمئنان على الفرامل )

وفى نفس الوقت بتطمن على جودة آداء بلى العجل لدوره الموكل إليه

كل ده لتجنيب أى عوامل تعرقل سحب السياره

اقتباس:

4- نظافة الشكمان يعنى اروح لبتاع شكمانات اقوله يعمل ايه مثلا ارجو التوضيح ( اوقات بشم عادم فى التسخين )

أحسن وسيله لترويق الشكمان

هو الأعتياد على السفر ( ولو مره شهريا ) بمشوار لايقل عن 400 كم ( رايح جاى )

فعدم الحركه بالسياره وتحجيم مشاويريها بيجعل الشكمان يعج بالملوثات الكربونيه

والتى بدورها تعوق سريان العادم

وبالتالى تعوق سحب السياره