رد: تيدا ام صني
 

رد: تيدا ام صني
 

رد: تيدا ام صني
 

والله أنا آسف على الرأي الصادم للبعض بس أنا فعلا لا أفضل التيدا إطلاقا على اللانسر.
مع أن:

1. التيدا أفضل في التسارع والتجميع.
2. التيدا أحدث في الماتور وأفضل.
3. التعليق في التيدا والصني ماعنديش بيهم معلومة ممكن الخبراء يقولولنا كل نظام منهم وإحنا نقرر إذا كان فيهع فرق ولا الإتنين ولاحد.
4. التيدا أوسع في المساحة الداخلية.
5. التيدا أفل في مساحة الشنطة لو كانت هاتش باك ولو كانت سيدان برضو أقل في المساحة.
6. تصميم التيدا السيدان تحس إنها عربية ولزقولها شنطة.
7. الهاتش باك شكلها مقبول ولاكن برضو تحس إنهم مأفورين في الكشافات الأمامية.
8. الكشافات الخلفية الأخيرة مش فاكر بدئت تنزل من إمتى بقت أحلى من الي قبليها.
9. أصلا فكرة إني النيسان تنزل موديل 1600 وفيه موديل تاني 1600 فكرة غبية ولاكن هما كانوا منزلين التيدا دي على إنها فئة أقل من الصني ومش عارف إزاي.
10. التيدا إتزانها فعلا أخف من الصني والله العظيم عن تجربة, بتجري وبتجمع بسرعة وسرعاتها زي ماقلبك يستحمل وخفيفة جدا بعد الـ 140 والسقف عالي والهوا بيأثر جدا على إتزانها.
11. تقفيل التيدا الداخلي لا يسر عدو ولا حبيب وفكرة إستخدام البلاستك السيلفر سيئة للغاية وخاصتا بعد وضعه بماساحات كبيرة بالمنظر دا تحس إنك راكب لعبة اطفال.
12. لكونصول الوسطي الي مش موجود بين الكراسي بيديلك إحساس بالرحابة وهيا فعلا واسعة بس كمان فقيرة من جوا.
13. كراسيها عالية وتحس إنك قاعد على كراسيي ماتركس والعلو بتاع السقف وهوا دا سر وسع التيدا.
14. إنارة العادادات البرتقالية مش بتعجبني بصراحة باي سيارة أيا كانت.
15. إستهلاك بنزين اهدى من الصني ولاكن تظل كل مواتير النيسان أكثر المواتير الياباني إستهلاكا للوقود مقارنتا بنظائرها اليابانيين (مش بقولكوا أفقرهم تكنولوجيا)

عموما فكرة ايهما أفضل دي بترجع للثقافة أنا شخصيا متأثر بثقافة اني الصني زيها زي الكرولا وليها شعبية افضل منها كمان.
التيدا عربية جميلة وعملية لاكنها لا تقارن مع الكرولا ولاكن بالعكس تقارن مع الياريس.
لو رجع بيا الزمن لورى هشتري الصني لو أنا لسة بشتري من جوة نيسان لاكن عندي إحتمال كبير ما أشتريش نيسان أصلا نظرا لأنها أفقر الشركات اليابانية تكنولوجيا.
الفكرة إني الصني أو التيدا عربيات تفتقر للتكنولوجيا.
لو إنتا شاب وبتهمك العربية الجرّاية هات تيدا هاتش باك لو إنتا أسرة وعدد الأفراد كتير هات تيدا سيدان.
لو إنتا بتحب الرصانة والشكل المقبول والسيار الإعتمادية ياعني جايب عربية تورثها هات صني وهتبقى بتجري وماسكة نفسها وعائلة وكله بنفس الوقت.

رد: تيدا ام صني
 

هو الراجل ده جبلك من الاخر الصراحه بس على فكره سمعت ان التيدا 2012 نازله تقفيل هندى على فكره مش يابانى والوكلاء ممكن يعملك فيها خصم مسموح ليه لغايه 4 الالاف جنيه فى الفئه الكامله كنوع من التشجيع عشان سوقها ميهبطش

رد: تيدا ام صني
 

كلامك صح واضح انك فاهم وكمان بتعرف تركب سياره شكلا ومضمونا انت كده جبت من الاخر شرح رائع ومجهود عظيم