رد: نفسي اشتري 128 موديل جديد ياريت تساعدوني
 

مش هأرد عليك غير بجمله واحده على كل إللى قولته

ربنا يباركلك فيها و يملاها لك بركه و يكفيك شرها

الكلام بقى مش ليك ,الكلام خلص معاك لحد كده, كلامى مع صاحب الموضوع :)
- أنا معايا لادا يعنى أخت الـ 128 مش بأقول إنها عربيات وحشة و أبعد عنها لعيب فيها, العربيات دى من أكثر العربيات نجاحاً فى السوق المصرى بدليل المبيعات و الأنتشار و و و
بس المهم دلوقتى (الحاله الجيدة جداً) و دى إللى بقت نادرة و إحنا بنتكلم على أساسها, يعنى لو حاجه لقطه جات فى طريقك, تخطفها حتى لو أغلى شويه, بس تكشف عليها صح.
المشكله زى مقال أخى مستر أسترا , العربيات دى تعرضت لعدوان غاشم لسنوات من صنايعية بيفتوا بدون علم و قطع غيار مضروبه و طرق مكسرة و دى حاجات تهلك أى (دبابه) مش عربيه ملاكى.
أنا كنت رشحتلك الماروتى علشان موديل أحدث, يعنى أعطالها أقل و لسه متبهدلتش أوى, بس لو حضرتك مفيش رغبه ليها, يفضل القرار قرارك و الحاله هى إللى تحكم.

1100 سى سى كربراتير واسبراتير اليكترونى وسير كاتينة جنزير هتكون ممتازة للمبتدئين !!فورد فيستا بلاش 1300 بتاعتها نهائى لمشاكلها المكلفة جدا والمتكررة !!
 

ford fiesta 1.1L 1994:Bravo:

http://www.fordownersclub.com/forums...2_12_26615.jpg

http://img.modifiedcars.com/c/h/36/14040_4225.jpg
1100 سى سى كربراتير واسبراتير اليكترونى وسير كاتينة جنزير هتكون ممتازة للمبتدئين !!فورد فيستا بلاش 1300 بتاعتها نهائى لمشاكلها المكلفة جدا والمتكررة !!:Bravo:

رد: نفسي اشتري 128 موديل جديد ياريت تساعدوني
 

مستر استرا فيه لينك لشركة فودافون بيشرح نفس المشكلة بتاعتك انما انا عن نفسي مجربتهاش علشان كدا مش هقدر افتي فيها اوي http://www.vodafone.com.eg/vodafonep...81289118994165
وتحياتي لحضرتك وفعلا مشكلتك دي بتواجه ناس كتير لدرجه ان كل معارفي لغوا الاشتراك بالنت و بأجهزة الكمبيوتر حتي !!
اما بالنسبه للأخ الفاضل اللي رد على كلامي فبتهيألى ردك الاخير ده كان اولى ترد بيه من الاول على صاحب الموضوع والمفهوم من كلامك ان المشكلة مش في العربية نفسها يبقى مشكلة الميكانيكي وده يبرأ العربية من الاتهامات الموجهه ليها .. ملحوظة نصيحتك بماروتي لواحد لسه بيتعلم جديد كفيلة اني افهم ردودك كدا سببها ايه ! تحياتي للجميع

رد: نفسي اشتري 128 موديل جديد ياريت تساعدوني
 

ومعلش يا جماعة انا اسف جدا على طريقة كلامي وخصوصا الأخ زينجو علشان انا حاسس انه اتضايق من كلامي واحنا هنا اصدقاء واخوات وملناش غير بعض بعد ربنا .. على فكرة انا اتعرض عليا العربيتين الماروتي و 128 وصليت استخارة واخترت ال 128 وربنا اثبتلي ان اختياري صح لما قيمتهم الاثنين في الحوادث وانت عارف انه شر ولابد منه واكيييد انت عارف النتيجه بتاعه الماروتي في الحوادث وانت عارف ان اللي بيتعلم جديد لابد ليه من حادثة او اتنين على الاقل فمش هيبقى موت وخراب ديار يعني واخيرا انا بكرر اسفي لو حضرتك زعلت من كلامي وبعدين يا سيدي من اللادا لل 128 يا قلبي لا تحزن ما احنا في الهوا سوا .. تحياتي

رد: نفسي اشتري 128 موديل جديد ياريت تساعدوني
 

حضرتك أنا عند رأى بأن الـ 128 عربيه تعبت و صعب يلاقى حاجه حلوه دلوقتى و ده كلامى من الأول و هيفضل رأيى أمام أى حد من أسرتى بيفكر فيها.
حضرتك معاك (حالة شاذة) مينفعش نحاسب كل العربيات الـ 128 عليها
إحنا بنبص عالحاله العامه و هى إللى تقول إن الـ 128 تعبت جداً و بقت كل شويه عند صنايعى شكل, و صاحب الموضوع بيقول لسه مبتدئ و مش عاوز حاجه تبهدله, يبقى طبيعى أقوله إبعد عنها لأن الغالب إنه مش هيلاقى حاجه حالتها كويسه.
ثانياً أنا بأرشح الماروتى لعدة أسباب, موديل حديث, أجزائها من اليابان و تجميع الهند, قطع الغيار و الصيانه أسعارها قليل, أبعادها صغيرة لأى مبتدئ سواقه, و ميكانيكا بسيطه. (مع العلم إنى مش صاحب شركة سوزوكى و لا حاجه)
و بلاش التعصب لموديل ما أو نوع محدد أو شركة بعينها ربنا يباركلك
مليون مرة نقول ملناش أى مصلحه فى ترشيح موديل أو عدم ترشيح الآخر غير حالة السوق و الموجود فيه بوجه عام.
و النصيحة فى الأول و الآخر لوجه الله