مصر موتورز مجتمع السيارات - محتار اوي وخايف اوي

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - محتار اوي وخايف اوي (https://www.masrmotors.com/vb/showthread.php?t=119733)

رد: محتار اوي وخايف اوي

اقتباس:

المشاركة الأصلية كتبت بواسطة ahmed_eng2001 (المشاركة 923081)

متابع :THE_PR~18:

طيب يا باشا قولنا كلمه طالما متابع نعرف رأي حضرتك ايه في الحوار

رد: محتار اوي وخايف اوي

اقتباس:

المشاركة الأصلية كتبت بواسطة ramy safwt (المشاركة 924212)

اتكل على الله لادا نيفيا طالما كده و مبروك مقدما بس اختار لون حلو و ابقى روشنها على مزاجك بقى

كنت بقولك تحوش لحد 17 بس كده خلاص و ابعد عن ال 28 بأى حال من الاحوال لأنها بتكون عامله زى القطط كل شوية تصرف تصرف تصرف و مش بتكبر ولا بيبان عليها :)

معلش تعتبك معايا تقصد ايه بـــ " بس كدا خلاص " يأست من اقناعي ولا بحثت ولقيت النيفا افضل ولا ايه بالظبط ؟ ومعلش سؤال رخم رأيك اجيبها رخيصه 7 او 8 الاف واظبطها انا ولا اشتريها متظبطه في حدود 15 وهل هيا تستحق المبلغ دا ولا افاصل وانزلها لحد كام ؟؟؟

رد: محتار اوي وخايف اوي

اقتباس:

المشاركة الأصلية كتبت بواسطة elsalamony_love (المشاركة 924423)

طيب يا باشا قولنا كلمه طالما متابع نعرف رأي حضرتك ايه في الحوار

متابع يعنى مهتم بالموضوع .... و معنديش معلومات كفاية علشان اشارك بيها
فمن الاحسن انى اسمع اراء الاعضاء علشان استفيد

على العموم ..... انا بحب العربيات العالية و عربيات الدفع الرباعى .... بس معرفش كتير عن النيفا ... غير انى سمعت صوتها و هى ماشية جانبى ... معجبنيش ... وجهات نظر
و الشنطة الخلفية ضيقة جدا .. و الموتور ال1600 مينفعش للدفع الرباعى ... ده غير انها مش ثابتة على الارض فى الجرى

انما قطع غيارها رخيصة و بسيطة فى الصيانة و حجمها الخارجى معقول جدا ... و الناس بتقول انها حمالة اسية

ربنا يوفقك للأصلح :THUMBS~220:

رد: محتار اوي وخايف اوي

ال 32 متظبطه ب 17 و 17 و نص انا كنت لسه شايف اتنين على دوبوديزل

الروسى عربية محترمه و كفاية ان الجيش بيديها للقادة بتوعو لحد دلوقت قريبى لواء فى الجيش و معاه العربية دية و هيا بتنزل بموتور خاص للقوات المسلحة جبار لكن لما بيخرب بتلاقى المواتير اللى موجوده ضعيفة فأنت لو ناويت خلاص هاتها و رخص 3 سنين و بعدين اقلب الموتور بتاعها و حط موتور ابن حلال يعنى لو جبتها ب 7 و جبتلها موتور ب 4 و حطيلتك الفين فى الخدمة على عفشته
مش تغييرها بس تخدم القطع المهلوكه كلها يبقى هما ال 15 اللى كنت هتدفعهم فى المتظبطه جاهز

ما تجرب تنزل سوق السيارات و تشوف و تسمع يمكن تلاقى حاجه غير ما كنا متوقعين كلنا النية بتاعة الواحد احيانا بتوقعه فى عربيات لقطه و احيانا بتلبسه فى الحيطة فأنوى خير و انزل اتفرج عجبتك حاجه صورها و حطها هنا و ربنا يسهل

رد: محتار اوي وخايف اوي

والله يا جماعه انا مش عارف اشكركم اد ايه والله والله محروج منكم من كتر الازعاج بس معلش اعذروني انا في العربيات صفر على الشمال الا سؤال لطيف هو فين سوق العربيات دا يا باشا اصلى انا من سوهاج مش من القاهره :joy23: