مصر موتورز مجتمع السيارات - هتجن :استهلاك البنزين صدمنى !!!

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - هتجن :استهلاك البنزين صدمنى !!! (https://www.masrmotors.com/vb/showthread.php?t=114483)

رد: هتجن :استهلاك البنزين صدمنى !!!

اقتباس:

المشاركة الأصلية كتبت بواسطة Vanditta (المشاركة 892572)

فول وصفر العداد واطلع مشوار 80-100 كيلو طريق مفتوح وفول تانى وشوف خدت كام لتر
كدة دى اقرب طريقة لحساب الاستهلاك

عايز اقولك عربيتى بتعمل من 180-200 كيلو فى الصفيحة (فى الزحمة وبنقل على 3-4 ار بى ام على طوول )
جربت اهدى طريقة السواقة شوية ومشوارين رايح جاى بتاع 100 كيلو 80 فى المية منهم طريق سريع وحسبت الاستهلاك لقيت العربية عملت معايا بتاع 300 كيلو فى الصفيحة

عربيتى 1000 سى سى 3 سلندر

شكرا يا استاذ فانديتا عالرد والاهتمام
ان شاء الله هبقى انفذ نصيحة حضرتك

رد: هتجن :استهلاك البنزين صدمنى !!!

انا يا جماعه زودت الزيت لانه كان ناقص شويه
وامبارح زودت الكاوتش وظبت الهوا على 35 واكتشفت ان الاربع فرد كانوا أقل من 20 هل ده يكون ليه دور كبير فى الأستهلاك ده ؟

رد: هتجن :استهلاك البنزين صدمنى !!!

طبعاً نقص الزيت
وفرق مقاس الكاوتش الكبير له اثر كبير على استهلاك الوقود
ولكن هذا لا يمنع من خطوة اجراء الفحص التى اوصى بها الاعضاء الكرام سابقاً

رد: هتجن :استهلاك البنزين صدمنى !!!

اقتباس:

المشاركة الأصلية كتبت بواسطة محمد فيصل (المشاركة 893251)

تمام يا استاذ محمد شكرا عالرد والاهتمام
انا دلوقتى ظبت الزيت والكاوتش وهبطل اسخن العربيه كتير عالفاضى مع تغير طريقه سواقتى
وهستنى اشوف الشهر ده البنزين هيعمل معايا قد ايه لو حصل فرق كويس يبقى الحمد لله
لو المشكله فضلت موجوده والاستهلاك برده عالى ساعتها هتطر أسفا انى اروح للميكانيكى وطبعا هقوله على كل الحاجات اللى الأخوه الاعضاء اتكرموا وقالوها والحمدلله الواحد كده بقى عنده فكره ويقدر يتكلم مع الميكانيكى ويحسسه انه فاهم
بجد شكرا لكل الاعضاء المحترمين اللى مش بيبخلوا بكلمه ولا معلومه على حد

رد: هتجن :استهلاك البنزين صدمنى !!!

اقتباس:

المشاركة الأصلية كتبت بواسطة ahmedraafat00 (المشاركة 893248)

لما ترجع للموضوع اللي قلتلك عليه ده: "30 نصيحة للتوفير في الوقود"

هتلاقيه بيقوللك إن نقص 3 PSI من الكاوتش بيزود استهلاك البنزين 10%

يعني على كلامك... استهلاك البنزين زايد مش أقل من 40%

بردو لو كل تنقلاتك جوه البلد في الزحمة على طول.. يبقى مبدئيا كده فيه زيادة في استهلاك البنزين ممكن توصل لحد 45%

يعني تقريبا كده... الاستهلاك عندك زايد عن المعدل الطبيعي بحوالي 90% بدون أي مشاكل ميكانيكية في العربية!!!

...