المشاركة الأصلية كتبت بواسطة mohamed ibiza (المشاركة 64749)

mercedes-benz 280se

مرسيدس..

هذه الشركة العريقة التي طالما عودتنا علي انتاج سيارات تظل تنافس علي الطرق سنين و سنين دون ان تصاب بالعجز..

فعلا عرفت معني كلمة مرسيدس لما اقتنيتها اللي سمع غير اللي شاف غير اللي جرب..

البداية كانت لما فكرنا في عربية تانية مع الابيزا خصوصا لما بدأت انا اخد العربية مشاوير ليا..

فكرنا في عدة حاجات و كنا بدأنا في التجهيز ليها فعلا..

اول حاجة فكرنا فيها كانت طبعا سيات كوردوبا 1400..بعدها سيات توليدو 1600..و كنا جهزنا المقدم بالفعل و كنا هنشتري من التوكيل

و تطلع ادامنا المرسيدس فجأة و علي وجه السرعة و كانت ملك لواحد صاحب والدي كلمة في التانية طب نشوفها تاني يوم كنا عندها في التبين كانت مركونة هناك لمدة 3 اشهر..و شفتها و قلبي اتخطفptmnlo123per1106

عربية طول بعرض نجمة المرسيدس تزينها و تزغلل عيون اي واحد يقف ادامها فتحت الباب اللي استغربت من ثقل وزنه (صاج زمان)

و اقتحمت صالون السفينة الالمانية العريقة..

و لقيت رغم انها من جوه فيها حبه تظبيط الا انها جميلة جدا و هي كالاتي من الداخل:

1-عدادات كبيره و سهلة الرؤية سرعة:240كم-rpm-ساعة-عداد للزيت-عداد استهلاك البنزين-امبير قياس البنزين و لمبة البنزين علي شكل مثلث)

2-طبعا بدور علي الهاند بريك و اكتشفت انها تحت عند الرجل الشمال و فيه يد لسحب الهاند لونها اسود عليها علامة p

-الصالون كله مصنع من الجلد او الفوم البيج و الاسود و مش مثبت بكلبسات او قطع بلاستيكيه القطع اللي في الصالون كلها مثبته بمسامير نيكل و شكلها مش وحش علي الاطلاق حتي الكراسي جلد لونها بيج و فرش الابواب كذلك و التابلوه

3-الفتيس به عدة نقلات:
-p وهي نقلة البارك لما تكون العربية مركونة يتحط الفتيس علي البارك

-r الرجوع للخلف

-n متموره

-D وضع القيادة الاول العادي

-3 وضع القيادة الغريب اللي بيحول العربية و تحس انك راكب مانوال short shift العربية بتتحول و عزمها بيشد جامد جاد و الار بي ام بيعلي و تلاقي تسارع و تجميع غريب مش ممكن تتصوره من عربية بالحجم و الوزن ده(1880) كيلو

-2b النقلة دي انا قلقان اجربها لحد دلوقتي لكن اتقالي انها زي الغرز
-------------------------------------------------------------------------------------------------------
الكماليات:-
1-طبعا التكييف سخن و بارد و في وضع الاوتو يخلي التكييف يظبط نفسه علي حالة الموتور كل ما الموتور لفاته تزيد التكييف يشد

2-كراسي كهربا ليها اوضاع كتير تتعدل فيها سواء الضهر لوحده او الكرسي نفسه لوحده عن طريق زراير موجودة في الابواب

3-4 ازاز كهربا

4-الاريال بتاع الراديو بالكهربا

5-الراديو اللي هو المفروض ستالايت لان العربية دي كانت جمرك مش نسخة مصرية بس الحمد لله مسروق !

6-فتحة السقف (كهربا)

7-لمبة حزام الامان تفضل تنور لمدة 30 ثانية تقريبا اول ما تفتح العربية

8-لمبات في الابواب باللون الاحمر و لمبة نور الصالون ذات الاوضاع المتعددة اللي بتطفي بعد اغلاق الابواب ب 30 ثانية و مزودة ايضا بلمبة نور صالون للكنبة الخلفية

9-اماكن التخزين:طبعا الابواب الامامية في pockets كبيرة و في مكان ورا عصاية الفتيس مستخبي كده و مكان ادام عصاية الفتيس و درج التابلوه و بالخلف تحت الزجاج الخلفي في 2 اماكن تخزين كبار

10-مسند يد ما بين الكرسيين الاماميين
------------------------------------------------------------------------------------------------------
تفاصيل المحرك:
2800 سي سي
6 سلندر
12 صباب
182 حصان
240 نيوتن
انجكشن
طرمبه بنزين كهربا بتدي بقوة (5 بار)
المحرك الكود بتاعه:126 الابيض
6 بوجيهات (شمعة واحده)-6 لتر زيت موتور-10 كيلو زيت فتيس.
-------------------------------------------------------------------------------------------------------
اسعار قطع الغيار:
----------------
1-علبة شكمان الماني اصلية جديد:450 جنيه

2-مساعدين امامي جديد اصلي:450 جنيه

3-كارونه استيراد:1200 جنيه

4-6 بوجيهات بيرو الماني شمعه واحدة:45 جنيه

5-فلتر زيت:30 جنيه (فلتر حشو)

6-فانوس اشاره الاصفر:40 جنيه تركي

7-وش فانوس خلفي صيني:120 جنيه

8-طرمبه بنزين الماني اصلية من التوكيل:1100 جنيه

9-طرمبه بنزين صيني بضمان سنة:290 جنيه

10-طرمبه بنزين بوش صنع التشيك:560 جنيه

11-طرمبه بنزين بوش الماني اصلية بالدامبر او المنظم بفلتر بنزين بوش اسباني:250-300 جنيه

12-ازاز ادام بختم مرسيدس صنع السعودية:480 جنيه>>اخدته ب 400

13-الحلية الفرومايكا اللي حولين الفتيس:100 جنيه

14-مروحة الموتور الفيبر و دي الاصل بتاعها هي نازلة فيبر ب 60 جنيه اما المروحة الالمونيوم الكبيره بتاعت ال 560 ال 8 سلندر ب 100 جنيه و في ناس بتبيعها ب 150 جنيه

15-طرمبه الميه اعلي سعر سمعته ليها في شارع فيصل بالكامل كان 125 جنيه>>جبتها ب 110 جديدة سوق اوروبي

16-سير مروحة lemforder الماني 20 جنيه

17-سلك اسبراتير بالفيشه الاخضر:100 جنيه

18-بطارية 90 امبير حسب النوع

19-شبكة امامية بالنجمة:300 جنيه

20-موبينا بوش الماني استيراد 120 جنيه

21-فلانشه كردان اصلية بنجمة المرسيدس استيراد 80 جنيه

22-اوتوماتيك مارش الاصلي استيراد:50 جنيه

23-فلتر زيت فتيس مايلي الماني:55 جنيه

24-مساعدين موتور بيتحطوا تحت تشوفهم من الكبوت تحت الموتور عشان الاحساس بأهتزازات الوحش اللي تحت الكبوت يبقي منعدم ب 70 الواحد استيراد هما 2 مش اكتر

25-كلمة 280se ب 40 جنيه صيني

26-الرشاشات الاصلية بنجمة مرسيدس استيراد الواحد ب 40 جنيه و هما 6 رشاشات و مش رشاشات كهربا

27-طقم رشاشات جديد 700 جنيه

28-كتاوت طرمبه البنزين او بمصطلح اخر (الراليه): 180 جنيه

29-مساعدين ادام-بارات دركسيون-مساعد دركسيون-بيض شاسيه-كاوتشات سوست)1475 جنيه

30-جوان كرتيره:35 جنيه

31-جوان غطا تاكيهات بالكاوتش:110 جنيه

32-شاكوش اسبراتير:55 جنيه

33-فلتر تانك:85 جنيه

34-بلف موزع (خاص بموزع البنزين):20 جنيه

35-غماز بالضفيره جديد:40 جنيه

36-اربه مياه المساحات:80 جنيه

37-موتور اربه مياه المساحات lemforder الماني:80 جنيه

38-كبالن ورا:1000 جنيه للواحد

39-كونصول كامل:350-400 جنيه

40-طقم ابواب:1000 جنيه !!

41-موتور كامل بالفتيس:6000 جنيه

42-تريجر بوكس:350 جنيه

43-رادياتير استيراد اصلي بالوشين فوق و تحت behr الماني:600 جنيه

44-مكنة الازاز الكهربا الاصلية استيراد:200 جنيه
-----------------------------------------------------------------------------------------------------
طبعا انا مغيرتش كل ده انا بس عندي حب استطلاع فا بجيب الاسعار من التجار للعلم بالشئ
-----------------------------------------------------------------------------------------------------

بعد تجربة اكتر من عام مع المرسيدس (سنة و شهر الا 3 ايام)ptmnlo123per154

العربية ممتازة الي اقصي الحدود اعتمادية ثبات اداء فعلا مرسيدس غير علي رأي سام رام:HAPPY_~211:


و ان شاء الله هحطلكوا صور لكل الكلام ده بس هي فيها تظبيط من جوا بس هحطلكوا الصور برضه عشان الموضوع يبقي مكتمل لان فكرة الموضوع جتلي و انا اعد فا قولت اعمله يا رب يعجبكمptmnlo123per122