رد: مفاجاة تويوتا Toyota Etios و احلى صورها
أولاً: نشكر الأخ الفاضل اللي تعب و نزل مواصفات العربية دي
ثانيا : الشكر لجميع الأعضاء اللي علقوا على العربية و أنا نفسي فيه حاجات مش عاجباني في تصميم العربية زي المقابض بتاعة الأبواب - ضهر الشنطة اللطش السادة - فتحتين التكييف فوق بعض في التابلوه دي عمري ما شفتها في أي ملاكي قبل كده لكن أكيد المصمم اللي عمل كده -الله يهديه - عنده فكر معين - قوايم الشنطة في الهاتشباك مش مكسية و لون البودي ظاهر من جوه.. لكن لما قريت المواصفات لقيت إن العربية مش وحشة قوي و للأسباب الآتية:- - الأمان 1- العربية فيها ِABS و EBD أساسي لأعلى فئتين. 2- فيها إيرباج للسواق و الراكب الأمامي أساسي لأعلى فئتين. 3- إيموبليزر لكل الفئات. - الرفاهية:- 1-تكييف لكل الفئات. 2- درج تابلوه بخاصية التبريد لكل الفئات (غريبة جداً لسيارة رخيصة). 3- سنتر -باور- زجاج كهرباء-... إلخ. المهم إنها مش لادا مع إحترامي لجميع ملاكها و عشان ما حدش يزعل مش دوجان 1994 و لكنها تويوتا بمعايير معينة لسوق محدد بمعايير تصميمية صالحة فقط لهذا السوق فقد تكون فتحتين التكييف اللي فوق بعض دي مقبولة جداً في الهند مثلاً و قد يكون الشكل عموماً مرحباً به في أسواق بعينها . و هذا لا يمنع إن تويوتا لن تجرؤ تعرضها في أوروبا أو أمريكا مثلاً و لكنها تظل تويوتا بالحد الأدنى من معايير تويوتا المقبولة لسوق محدد - أرجو ألا أكون طولت عليكم و تحياتي |
رد: مفاجاة تويوتا Toyota Etios و احلى صورها
:Bravo::Bravo::Bravo:
|
الساعة الآن 07:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017