|
رد: هل ممكن تركب عربية صيني
طبعا عربيات يمكن الاعتماد عليها العربيه معايا وداخله علي سنه ويوما بعمل بيها من 70 ل 90 كيلو والحمد لله اللهم لا حسد ماشتكتش منها ولو في مسمار وكذلك اخويا ابو الاسعاد وبالنسبه للاستاذ المحترم اشرف ياريت تمسك لسانك شويه وتراعي مشاعر الزملاء منعا للمشاكل والمشادات وخصوصا دي مش اول مره وتقبل مني كل تقدير واحترام ولكل وجه نظر انا كان عندي بالتدريج فيات 125 لانسر 90 ريجاتا 86 فيات 132 بيجو 504 الغاليه هيونداي اكسيل واخيرا الغاليه انجلون وافضلهم الانجلون دون منازع وبامانه شديده برجاء عدم الحكم علي شئ قبل التجربه |
رد: هل ممكن تركب عربية صيني
انا مع الصينى
مقتنع بية على فكرة الكورى كان كدة فى البداية والناس كانت بتخاف تركبة وبرضو اليابانى فى السبعينات كان الناس بتفضل الفايات والبيجو والامريكانى وتخاف من اليابانى الصينى ها ياخد وقتو وها ينتشر بس لو فى رقابة على الوكلاء بص يا عم سعيد موضوع الفيل ان العربية الانسر الى بى 105 الف وفيها نص ابشن الاسبيرنزا ام 64 الف لان التوكيل حرامى العربية تمنها كام فى الخليج بس احنا بيندحك علينا ونقول يابانى لان سعرها الطبيعى 60000 عرفت الفيل فين فى عقلنا يعنى مثلا انا بدور على عربية دلوقتى بلاقى الاسعار مبالغ فيها جدا ولو حد حط سعر العربية صح تخاف منو تقول معيوبة وهية سليمة هوة كدة الفرق بين الصينى واليابانى عربية غالية على الفاضى لمجرد السمعة وتقبل مرورى ياسعيد يا خويا وادعيلى بعربية حلوة علشان اشوفك فى مقابلة الفيوم :14369D~149: |
رد: هل ممكن تركب عربية صيني
انا شخصيا كنت عايز اجيب التيجو بس لما روحت سوق السيارات لاقيت كل الاسبيرانزا اللى معروضه سعرها نازل جدا و حالتها متهانه اوى بالرغم ان عمرها سنه واحده
و بصراحه كانت اكترهم بهدله الاسبيرانزا ال 620 على العكس اليابانى الموديلات الاقدم كانت واقفه وحششششششششششش هنا قررت الغى فكره كل ما هو صينى او حتى كورى من دماغى و جيبت النيسان صنى اللى معايا حاليا و برضه احب اعلق ان موش معنى ان الصينى رخيص انه وحش و الكورى اغلى انه كويس الالنترا فى الخليج سعرها اقل من الصنى بفارق موش قليل بالرغم من انها فيها وسائد هوائية و كماليات اعلى بينما فى مصر الوضع معكوس لسبب واحد اسمه جشع التوكيلات و بالتالى السعر فى مصر فقط موش مقياس |
رد: هل ممكن تركب عربية صيني
اقتباس:
|
رد: هل ممكن تركب عربية صيني
سم الله الرحمن الرحيم اخوكم عصام الجارحي اخصائي اجتماعي ويا ريت تسمحولي ان اشاركم الراي وان كنت اريد تناول الموضوع من زاويةاخري ولكني لن اخرج بعيدا عن الموضوع للاسف اننا عندما نريد ان نقيم موضوع اونشارك في موضوع كهذا الموضوع الذي نحن بصدده نبني جميع اراءنا او معظمها علي ما يسمي بالخبرات السابقة وان كنت لا اقصد بالخبرة هنا فن اجادة شخص معين لعمل ما ولكن الخبرة التي اقصدها هي تكوين راي او فكرة تشكل اتجاة عام ناحية شئ ما قد يكون هذا الشئ شحص او بلد او او او..الي اخره من الاشياء التي يمكن ان نبني اتجاهها اتجاه يبني لنا خبرة تكون هي اساس ارائنا حول اي اثارة لهذا الشئ في اي مكان وعلي الرغم من امكانية تغير مضمون الشئ الذي كون الخبرة الا انه من الصعب او ليس من السهوله تغييرهذه الخبرة وبالتالي تنصب معظم الاراء وتظهر معاكسة تماما لمضمون نفس الشئ العكسي وعلشان متسرحوش مني اوضح اكتر كلمة صيني وكلمة ياباني (واكتفي )كلا منهم وبناء علي مضمون كلاهم سواء سلبي او ايجابي كون لدينا خبرات شكلت اتجاه ناحيتهم فكلمة يا باني هي كلمة عندما تسمعها يتابدر الي الذهن سريعا خبراتنا التي تشكلت مسبقا عن ان هذا الشئ الذي يحمل لقب ياباني انه متين وجيد وبالتالي الراي سوف ينصب في هذا الاتجاه اي ان هذا الشئ غاية في المتانة والقوة والروعة وفي الحقيقية هذا الراي نتج عن خبرة سابقة مؤدها مضمون ارتبط هو ايضا بالقوة والمتانة والروعة دون ان يكون الراي ناتج عن الاستخدام الفعلي لهذا الشي او تجربته ومعرفة هل فعلا متين او قوي ام العكس اي ان الفكرة تكون مسبقا حتي ان صاحب الراي يقول راية دون التجريب الفعلي ولكن بناء علي خبرة والامر كذلك بالنسبة للصيني فكلمة صيني مرتبط معها ضعف ورداءه وقله اتقان وهذا ايضا بناء علي خبرة سابقة كونت اتجاه ان كل ما هو صيني هو ردئ فسماع كلمة صيني ممكن ان يثار حولها مجموعة ردود مبنية علي الخبرة السابقة عن اي شئ يحمل كللمة صيني دون التجريب الفعلي لهذا الشي ولكن ماذا اذا تغير المضمون هل ترون انه من السهولة تغيير الاتجاة والاجابة هي انه ليس مستحيل ولكنة صعب ومحتاج وقت وتجريب وبنا اتجاه جديد وعلشان اثبتلكم كلامي نجيب سيارتين صيني اسبرانزا مثلا ونغير معالم عربية ونجعلها وكانها يابانية ونقول انها ياباني وناخد اراء الناس فيهم ومع ان الاثنين واحد الا ان اللي واخده الصبغة اليابانية هتكون افضل ولو وضعنا لها مية الف جنية والتانية ستين الف بس هتتفوق ايضا لانها يابانية ودة وفي النهاية الراي بني علي خبرة سابقة حول ما هو صيني وما هو ياباني وليس بناء علي جودة او رداءة السيارة التي هي محل النقاش عايز اقول اننا لازم نغير من اتجاهتنا واننا لا نبني راي بناء علي خبر سابقة ولكن نبنية بعد التجريب والاختبار لان في الوقت الحالي سرعان ما يتغير المضمون فليس كل ما هو ياباني جيد وعلي العكس ليس كل ما هو صيني سئ وللعلم انا بتجول بين المنتديات الان لانني بصدد شراء سيارة تقسيط وتكون سعرها مناسب بالنسبة لي يعني وبقيت ميال شوية ناحية اسبرانزا a113 في حدود امكانات موظف غلبان مثلي وشكرا لسعة صدركم لي بالمشاركة |
| الساعة الآن 06:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017