رد: فيشة اوكتان اللانوس (مدمج موضوعان الاساتذه عصام غنايم واحمد علي)
 

الغريب بقى فى الموضوع ده انك لما بتظبط الفيشه صح استهلاك البنزين بيتحسن بطريقه كبيره اوى عن تجربتى الشخصيه وتجارب الناس اللى عملت الفكره دى

الكل مبسوط اوى من الاداء ومن الاستهلاك كمان

انا بكل امانه بنصح الناس اللى لسه متخوفه من التغيير انها تجرب وان شاء الله مش هتندم

النتيجه مزهله

رد: فيشة اوكتان اللانوس (مدمج موضوعان الاساتذه عصام غنايم واحمد علي)
 

أولا اشكرك على الموضوع المتميز الجبار ده و ربنا يديك على قد نيتك الجميلة

انا لسه شارى سيارة لانوس 2 موديل 2002 حالتها جميل و لكنى فوجئت بعد ما استخدمتها يوم انها بتنتش بدون سبب لا اعرفه و لمبة ال تشيك مش مضاءة و كمان بلاقى سحبها على الغيار الأول سريع اوى وجميل حتى و ال rpm لسه على 10 و حبة الاقيها مكتومة خالص حتى على التانى سألت ميكانيكى قال ممكن البوبينة بس اللى انا شاريها منه مغيرها من اسبوع بس بواحدة صينى و جربها الميكانيكى و هى شغاله و جرب الشرار منها لاقها قوية بس اجلنى الى غدا الأثنين حتى يكون فاضى بجد انا محتار و ايه العمل مع العلم انى من مدينة طنطا

هذا اولا اما ثانيا واضح انك راجل عبقرى و جامد جدا التعديل اللى انت بتقوله ممكن اعمله مع العلم انى حامشى على بنزين 92 بس اعمل التعديل بعد التضبيط و لا قبل ما اضبط البوبينة

على فكرة انا جديد تماماً فى الانوس و تعتبر اول عربية نظيفة لى بعد ما كنت راكب بولونيز 88
و كمان لو فى فرصة ارجع فى البيعى انا ناوى اجيب لانوس شيفروليه تبقى حلوة احسن من ديه ولا اظبط اللى معايا و عوضى على الله فى اللى حادفعه و رجاء تقولى تقريبا الإصلاحات ديه حتكلفنى كام

و معذرة لللإطالة

رد: فيشة اوكتان اللانوس (مدمج موضوعان الاساتذه عصام غنايم واحمد علي)
 

ربنا يبارك فيك


الف مبروك على العربيه

وطالما لسه شاريها

شيك على الاتى

1 فلتر هواء
2 فلتر بنزين
3 فلتر زيت
4 غيار زيت
5 موبينه ( الصينى فاشله ) هات الاصلى GM DAC جنيه 480
6 سلوك بوجيهات
7 بوجيهات ( NGK PB R6ES ) فتحة البوجيه 0.7 مم
8 سير كاتينه
9 سير دينامو
10 سير تكييف
11 تنضيف البوابه
12 تنضيف بلف الايدل وعمل ايدل ليرن
13 الكشف على السياره بالكومبيوتر



الف شكر على ذوقك

طبعاٌ التعديل بعد ما تظبط المشكله اللى عندك و تشيك على الحاجات اللى قولتلك عليها بشويه علشان تحس بالفرق


طبعاٌ الجديد جديد

بس لو العربيه كويسه يبقى ماشى الحال

مقدرش اقولك على سعر حاجه انا مشوفتهاش



ولا يهمك تحت امرك

المهم اكون قدرت افيدك

رد: خلاصة الكلام فى ظبط فيشة الاوكتان ( بالصور )
 

انا مش فاهم اى طرف الى طرف 00000000ايه المقصود بهذة العبارة

رد: خلاصة الكلام فى ظبط فيشة الاوكتان ( بالصور )
 

السلام عليكم اخى العزيز مهدى تحية و سلام لك
هو زى ما استاذ عصام قال لما الفيشة تبقى فى ايدك حتلاقى زى الصورة السلك الكوبرى ( الاسود ) واصل بين الفتحة الى فى النص و الفتحة الى فى احد الاجناب ( ده الوضع الاصلى ) الفكرة انك تنقل السلك من الجنب الى هو فيه للجنب التانى و تسييب الى فى النص و انا لما جربت اعملها عملى لقيتها سهلة جدا زى ما عصام موضح بالظبط و فكرة انك تتدخل حاجة رفيعة ( زى المسمار ال 3 سم ) ده علشان تزق المشقبية البلاستيك الداخلية الى ماسكة التريمنال فى مكانه فلما تزقها بالمسمار الرفيع و تشد السلك حيطلع معاك بالتيرمنال تروح مركبه فى الجنب الى كان فاضى و تركب الفيشة تانى و تعمل الايدل ليرن و حتحس بفرق فعلا ممتاز