رد: عايز رأيكم فى ال BYD ضرورى
 

النهرده الصبح قابلت واحد صديق صيني , قلت لما اسئله إيه رايه في الموضوع , علتله اييه رأيك في العربية الصيني والله أنا هقولكم هو قالي إيه بالضبط

Chinese people prefer foreign cars !!!!
سألته شفت العربية دي ولا دي ولا دي قالي بص احنا فيه مصنع اشترى volovo غالبا كان بيتكلم على اسبرانزة قالي هو ده المشهور عندنا لكن غير كده اعتقد عربيات مش مشهرة

صديقي العزيز لييه تجيب كوري مستعمل ماهو اللي أنا فاهمه إن سعر BYD نفس سعر الفرنا ولا اللانوس زيرو , ياسيدي طيب مكن سؤال بسيط واقف كده أي تاكسي اسبرانزة واسئله رايك إيه في العربية طبعا فيه ناس مش هتحب تقولك احنا لبسنا في الحيط وفي ناس هتكون صادقة معاك.

رأي الشخصي اشتري قطاع الغيار قبل متشتري العربية يعني الفرنا بكل عيوبها عاملة زي el-128 في التسعينات أو حتى لغيت دلوقتي عربية عند البقال وفيها كل مشاكل أي عربية تانيه وكفاية إنك يا سيدي لما ربنا يفتحا عليك بيعها هتجبلك سعر كويس تحته في عربية تانية BMW بس ابقى افتكرنا ساعتها. لكن الصيني دي لو جيت تبيعها تفتكر هتجيبلك كام من سعرها الأصلي ؟؟؟؟؟؟؟؟؟؟؟؟؟؟؟؟؟ وضيف على كده لو ماركة توكيلها لسة بيجس نبض السوق.

أنا الدايو زاز دي كانت واقفة عليه بـ35 ألف سنة 2001 لما بعتها نزلت 22 ألف 40% من سعرها تقريبا ودي نسبة عليَّ في حسابات السوق. المهم مش هطول عليك واجيبلك الخلاصة

1- عاوز تجيب عربية العمر واستعمالك خفيف خفيف ومش ناوي تغير في el-10 سنين القادمين وعاوز شوية كماليات الصيني هيكون اختيار كويس بس شوفلك توكيل تقيل مايعزباكشي.
2- عاوز تجيب عربية زيرو حلوة متور جامد تكييف هايل , خليك في الكوري بالترتيب فرنا, صاجة, لانوس وبعدين لجان كلهم عربيات مشورة توكيلات تعبانة بس عريقة في السوق. وابتدي حياتك بيها وابقى غير بعدين لما ربنا يفتحا في وشك

أتمنى لك الاختيار السليم واستخير ربنا , وربنا يعملك اللي فيه الخير.

رد: عايز رأيكم فى ال BYD ضرورى
 

[quote=lolo koko;185594]طمنى اية الاخبار ؟؟؟ استقريت على انهى نوع من السيارات اللى فى مصر ام الدنيا .... طمنى ... ولا انت مش عايز نباركلك ... على العموم مبروك مقدما

رد: عايز رأيكم فى ال BYD ضرورى
 

هو اقتراحك الاولانى هو ده اللى انا بفكر فية للاسباب اللى انا ها قولها لحضرتك .
اولا : انا عندى ثلاث اطفال والرابع جاى فى السكة ان شاء الله ... علشان كدة انا بدور على عربية واسعة شوية .. مش زى الفيرنا او ال لانوس طبعا ... علشان لو حبيت اخرج انا والاولاد ما نبقاش متضايقيين من حجم العربية من الداخل*
ثانيا : انا استهلاكى ضعيف جدا جدا فى استخدام السيارة ... يعنى انا كنت بغير زيت العربية فى الاكسيل اللى عندى على 2000 كم على ثلاث شهور تقريبا ويمكن اكتر شوية *
ثالثا : وده اللى ها يجنينى ان العربيات الصينى فيها اوبشن كتييييييييييييير وعاجبنى جدا وخاصتا ال m11 ، 516 ، ، byd f3 gil وخصوصا ان سعرهم متقارب دلوقتى ب 63900جم ،69900 جم ، 66000 جم بالترتيب السابق *
رابعا : انا مش ناوى اغير العربية اللى هاشتريها لانى انا مش غاوى بيع وشراء ... وتلاقينى عشرى قوى فممكن العربية تقعد معايا على الاقل 10 سنين *
المهم انا طولت عليك ما تزعلش ... بس الموضوع ده رخم جدا ومضايقنى جدا وانا مايل 90 % للعربية الصينى للاسباب دى
قولى يا بطل لو انت مكانى ها تعمل اية ؟؟؟؟؟؟؟؟؟؟؟؟
منتظر ردك ومشاركات الاخوه الافاضل ... يا ريت ماحدش يبخل علية بوجهة نظرة
وشكرا

رد: عايز رأيكم فى ال BYD ضرورى
 

ألف مبروك يا باشا على الطفل القادم ويتربى في عزك إن شاء الله, اللهم بلغك بره يا رب :GROWIN~12:
انا لو مكانك و فى كلمة واحدة هجيب فرنا أو لانوس وابقى ازاباتلوهم شوية كماليات بعدين وانصح حضرتك بقراءة مواضيع الدينامو بتاع السبرانزة - ومتقوليش 3 أطفال مش هيعرفوا يعدوا في عربية !!! ده السيات بيعد فيها 5 !!! هاهاهاها...

أنا أرشحلك الفرنا ولو إنت مش عاوز خالص كوري عندك الساجا , أهي برضك محترمة و فيها كماليات حلوة ولو أنا شايف موضوع الكماليات ده 4000 جنيه وتعمل اللي إنت عاوزه وتركب GPS كمان وكمان هاتها اوتوماتيك ماهي بـ-69000 يعني مش بعيده عن الرانج بتاعك.

اللهم اني بلغت اللهم فاشهد وقد اعذر من انذر وابعد عن الصيني وغنيله, واديك مجرب الاكسسيل وعارف إنها عربية زي اللوز ومصر مفيش عربية فيها مابتتلاتش قصدي يعني تلاقيها سليمة أو واحد بيسلم عليها. حضرتك فكرت مثلا لو عيل بن حلال ماشي في الشارع كده وحب يسلم على الباب بالبرجل هتجيب باب تاني منين ولا هتصلحه فين, ولا واحد ابن حلال كسرلك فانوس وراني مثلا هتجيبه منين وبكام.ptmnlo123per154

بالمناسبة كمان في معرض اوتماك الأخير في واحد كان بيتكلم على توكيل الامل وإنه عمل مشكلة مع واحد كان بيتفرج على العربية, تفتكر ليه واحد خايف إنه يلمس العربية , طبعا أكيد علشان العربية فيها انة ... ده el-BMW بيسيبها مفتوحة على عنك يا تاجر.ptmnlo123per1146

طيب علشان متعبكشي أكتر من كده
فرنا - ساجا اوتوماتيك وخليك في المتجرب وسيبك من الكماليات اللي مش هتنفعك ولو كان فيه خير مكنشي رماه الطير ptmnlo123per122

رد: عايز رأيكم فى ال BYD ضرورى
 

ده اخر حاجة اقراء الموضوع ده و انت تفهم قصدى××××××××××××××
الراجل اتعزب فى اى قطع غيار و توكيل تعبان و عربية فسكانة