رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)
انا افتكر قبل ما تيجي الأرمادا كنت بدعي عليهم كتيييييييير
بس من ساعة ما جت وانا الحمدلله بعرف اخد حقي :biggrin: انا دايما ماشي على انوار الشبورة الصغيرين اللي تحت فقط لا غير (زي الصورة الرمزية كده) سواءا كنت جوة مدينة او على طريق سفر حتى بس أكون طريق عرفو ومشيت عليه قبل كده الانوار دي الحمدلله بتكفيني ولو ان الحج والحجة لما بيسافرو معايا رأيهم انهم مش كفاية طبعا زي ما في أخ فاضل قال، في لغة اشارات في طرق السفر معروفة للجميع، وحتى لو واحد أول مرة يسافر بيفهمها بسرعة بردو مش موضوع كبير يعني دي بتبقى أول خيار بالنسبالي لو حد مدايقني بالنور بتاعه اما بقى لو نفضلي تبقى امه داعية عليه :biggrin: لما بيكون جي من ورايا، بزحلق نفسي من على الكرسي شوية لقدام، فمستوى راسي ينزل 2 او 3 سم، وبالتالي نوره اللي ضارب في المرايا ميضربش في عيني بمجرد ما يعديني تبدأ بقى مرحلة الإنتقام :biggrin: بدوس على العربية شوية عشان ابقى قريب منو، ساعتها الكاشافات بتعتي (اللي هيا مطفية اساسا) بتبقى في وش الإزاز الخلفي بتاعه بالظبط، وعينو ماتشوف إلا النور. بشغلها فجأة بأعلى حاجة فيها واسيبو يتصدم شوية (العربية عندو من جوة بتقلب ظهر)، وبعد كده ابدأ أرعشله بالراحة وبعد كده اخلي الرعشة دي سريعة جدا ولا فايبريشن التلفون، من الاخر باكل عليه عيش:khd: بالنسبة للناس اللي جايين في وشي من الناحية التانية، 99% منهم بيطفي نوره لما بقلبو نور، واللي مبيحترمش نفسو منهم بسيبله العالي شغال واستخبى انا ورا العمود بتاع هيكل العربية الأساسي، في الاخر بيضطر يطفيه برضو |
رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)
اولاً ما هى اضاءة الزينون تقصد بيها الزئبق ولا اية ؟ بس فى اضاءة فعلا بتخايل فى العين جامد جدا لرجة عدم الرؤية .
|
رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)
والله أنا كنت مركب زنون بس لأني عندي مشكلة في عيني ولاكن لما الطريق بيكون رايح جاي بطفي و أنا مخلي الراجل يركبهولي بيضرب عاى الأرض.
|
رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)
اقتباس:
انا بعمل كده برضه :D:D واهو الواحد بيتسلي في الطريق وبيحلل الفلوس اللي جه بيهم الزينون :D:D |
الساعة الآن 11:20 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017