رد: زياده أسعار البنزين
 

لا بجد إحنا لو سكتنا يبقى احنا يعتبر يننتحر
عشان نخلي واحد شرم.... يعمل فينا كدا

رد: زياده أسعار البنزين
 

عاوزين الموضوع ده يتنقل للعام

رد: زياده أسعار البنزين
 

ايوه ياريت يتنقل للعام علشان كل مشتركى المنتدى نشوف

كده مش هينفع
أحنا نسيب العربيات بقى فى البيت و نمشى احسن
و فى نقطه تانيه كده كل أسعار السيارات ذات محرك 1600 المفروض سعرها ينزل
و اكيد السيارت ذات المحركات أقل من 1600 سعرها هيرتفع جدا جدا

و نفسى اعرف حاجه تانيه
هيا الحكومه مش بتاخد جمارك
معندناش مشكله خلاص شيلوا الجمارك من على السيارت زى باقى الدول المحترمه و ارفعوا الدعم عن الوقود و ان شاء الله احنا هنترفع معاه برضوا

لنا الله

رد: زياده أسعار البنزين
 

والله عندك حق دا العربية تدخخل الجمرك عاملة 25 الف تخرج عاملة 80 الف

رد: زياده أسعار البنزين
 

وبالنسبة للناس اللي بتقول نقلب العربيات غاز
اولا مصر فيها حوالي 5.8 مليون عربية تخيل لو 2 مليون عربية بس قلبوا غاز ايه اللي هيحصل ؟؟
هل الحكومة هتضمن ان مفيش اي ازمة في توافر الغاز ؟؟
هل الحكومة هتضمن وصول الغاز لل27 محافظة ؟؟
هل الحكومة هتضمن انه ميبقاش في سوق سودا للغاز ؟؟
وانا مش عارف ايه ذنب اللي جايب عربية فوق ال1600 سي سي
ذنبه انه بيدفع ضريبة اكبر من ضريبة ال1600 ؟؟؟
ذنبه انه بيدفع جمارك فوق تمن العربية مرتين تلاتة ؟؟؟
ذنبه انه ركب عربية محترمة ؟؟
وياريت بلاش سياسة التخلف في معاملة السيارات
يعني واحد جايب عربية ب100 الف الحكومة تقول دي عربية فارهة وغالية وصاحبها ميستاهلش دعم
طب ما العربية اللي ب100 الف الحكومة خدت جمرك عليها اكتر من 50 الف جنيه دا غير الضرايب ورسوم المبيعات والتنمية وحاجات تعبر عن جهل وتخلف الحكومة اللي ربنا بلانا بيها
وكفاية اوي ان العربيات اللي مصر بتنزل باقل مواصفات
بتنزل باقل وسائل امان
بتنزل باقل جودة
يعني لو حد ركب عربية صيني (اللي الناس بيقولوا عليها زبالة ) في مصر وركب نفس العربية بره مصر هيحس ان اللي بره مصر دي عربية الماني مش صيني (مع احترامي للسيارات الصينية)
والكلام دا ينطبق على كل الانواع الكوري والياباني الخ
ولو الحكومة عايزة ترفع الدعم عن البنزين عادي بس في مقابل كدا ترفع حاجات تانية
ترفع الجمارك والضرايب الغبية دي ومتبقاش في ضرايب ولا جمارك زي باقي الدول
ترفع من مستوى الطرق المصرية
ترفع من مستوى الخدمات الامنية علشان موضوع سرقة العربيات والبلطجة
ترفع من مواصفات العربيات وتخلي مواصفات العربيات اللي تدخل مصر مواصفات عالمية