رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

والله يا باشمهندس

موضوعك في الجون وأكثر من رائع

أنا بقى عندي مشكله مجنناني بس متعايش معاها :

معايا اينفوي 2003 احيانا تكون نقلاتها متأخره والتجميع بطيء جدا ، واحيانا بتكون ناعمه نعومه مش طبيعيه
قلت أغير زيت جيربوكس وفلتر يمكن يكون اللي قبلي مش مغيرهم
الزيت نزل بسم الله ما شاء الله جديد ( ده على كلام اللي غير الزيت ) وأنا شفت بعيني ، وبعد التغيير لم يتغير شيء من الأداء
احيانا بأحس بخبطه بسيطه في الجيربوكس لما تكون بتعمل كيك داون وبتاخد النقله الأصغر عشان تعدي عربيه أو تفادي حاجه ، واحيانا لا تشعر بأي شيء في الكيك داون إلا بقوة السحب ويكون ناعم وزي الفل

عزم العربيه نفسه بيتغير بمزاجه ، يعني اوقات باحس اني راكب امريكي فعلا ، واوقات تانيه كتير بأحس اني راكب فيات

معلشي تعبتك معايا ، بس هنا في قطر الميكانيكيه نصابيين وياريتهم بيفهموا ، انما كل واحد فاشل في بلده بيجي هنا ويفتح ورشه ويكتب عليها ميكانيكي وربك بيرزق

جزاك الله خير يا باشمهندس رومي ( والله مش عارف ايه الأسم الأول قبل المنصور فسامحني لو كنت غلطت في الأسم )

اخوك
سامر

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

جزاك الله خير وبارك لك قي السيارة العربية دي انا بعشقها جدا

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

العربية دي حساسة جدا جدا جدا ----- جدا لنقص مستوي الزيت لابد اولا التاكد من ان مستوي الزيت مش تاقص
هقول تاني هذه الاعراض ناتجة عن نقص مستوس الزيت ولابد من ضبطة جيدا في البداية - هذه السيارة حساسة جدا لنقص الزيت - زيت الفتيس طبعا
والله اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

وكمان يا استاذ سامر فيه فنيين مصريين عندك اديهم يتلفوا في حرير ومحترمين جدا وانا اعرفهم معرفة شخصية وهما خدوا كورس الفتيس الاتوماتيك وما شاء الله عليهم ذي الفل عندكوا وعملين شغل كويس وكمان الفتيس دا بالنسبه ليهم سهل جدا وبسيط - زي ما قلت لحضرتك الاول افحص مستوي الزيت بدقة عاليه عند اي ميكانيكي وبعدين حتي لو قال لك مضبوط خليه يذوده شوية ودا الحل البسيط ان شاء الله اما لو الحل دا مجبش نتيجة مع حضرتك فالحل الاخر - هيبقي فيه فك فتيس بس بلاش نسبق الاحداث --- وان شاء الله بسيطه وخير ونحياتي لاهل قطر وجميع المصريين في قطر وكل عام والامه العربية بخير
والله اعلي واعلم

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة
 

ربنا يكرمك يا باشمهندس على ردك الجميل

بالمناسبه أنا نفسي اتشرف بإسم حضرتك عشان أنا حاسس أن حيكون فيه بينا كلام كتير

نرجع لموضوعنا :

أولا : لو تديني أرقام تليفونات الناس اللي أنت بتثق فيهم هنا أكون لك شاكرا ومقدرا

وثانيا : أنا يوم ما غيرت الزيت العربيه أخدت 5 لتر بس والراجل قالي كده تمام ، وكل ما أكشف على الزيت ( زيت الجيربوكس ) طبعا والموتور سخن ، والعربيه على السلانسيه ، وبأحرك الفتيس في كل اوضاعه لمده 5 ثواني في كل وضع ، وفي الآخر بأحطه في البارك P وبعدين أقيس المستوى ، بلاقي الزيت فوق المستوى بشويه ( يعني قصدي فوث الفول ) ، مش عارف هل فيه طريق تانيه للقياس .

و لو تدلني على الناس اللي بتقولي عليهم ، حاروح لحد منهم وهو يقولي أعمل أيه .

لأني بصراحه شاكك في حاجه تانيه خالص ، وهي الPCM ، وحاسس أنه محتاج إعادة برمجه ، أو محتاج تحديث ، بس البرمجه هنا أيه ، غاليه بشكل مش طبيعي ، بالإضافه لأنك لازم تسيب العربيه في التوكيل يومين أو ثلاث أيام لغاية ما ييجي دورها ، حتى لو كنت حتنفخ العجل هوا بس .

أنا طولت عليك ، بس اخوك مهووس عربيات ، وأكتر حاجه بتعكنني لما تكون العربيه فيها صوت أو مش مضبوطه ، وبأكون في قمة سعادتي لما عربيتي بتكون تمام ، مجنون شويتين معلشي .

مستني ردك ضروري جدا

وجزاك الله كل خير