رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

الف شكر على الموضوع المفيد دة
كنت عايز اسأل على تكلفة الغاء الشراعة اللى فى البابين اللى قدام علشان يبقى زى 128 موديلات التسعينات وشكرا .

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

على فكره يا جماعه انا عندى مشكله فى 128 مجننانى وياريت من الخوه الافاضل ان يفيدونى وهو ان صوت العربيه بيعلى وانا ماشى معا انى لسه مغير الاسطوانه بتاعت الفتيس علشان كده ودلوقتى بقيت لما ادوش دبرياج وهى وقفه على السلنسيه ممكن العربيه تبطل وساعت لما اجى اغير وانا ماشى العربيه بتهدى قوى اول ما احط رجلى على الدبرياج مش عارف العيب فين ياريت حد من الاعضاء الافاضل يفدنى دى مشكله ايه باالظبط وخاصه الصوت العالى وعلى فكره صوتها وهى على السلانسيه هادى جدا وكل سنه وانتو طيبيين

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

بص يا اخى اعتقد علشان تعدل الابواب هيكلفك جامد ومش هيبقى زى الاصلى فالحسن تبيع البابين اللى عندك وتكمل على تمنهم وتجيب اتنين بتوع 128 معدل و السعر اعتقد من 500 وانت طالع للبابين والله اعلم
اخوك فى الله سيد

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

بالنسبة لمشكلة الصوت ممكن يكون كذا حاجه ممكن يكون الزيت مش حلو او نوعيه مش كويسه او لو نوعيه كويس يبقى عمره انتهى خلاص وممكن مثلا لو كله مظبوط تكون طرمبة المياه بتشاور عقلها عندك علشان لما بتدوس بنزين والطرمبه خلاص قربت تبوظ بتلاقى فيه حشرجة جامده طالعه من الطرمبة

وبالنسبة لحوار ان العربيه بتبطل فده حلها ان حضرتك تروح عند ميكانيكى شاطر ينضفلك الكربورتير والاسبراتير ويظبطلك الكهرباء وتغير فلتر بنزين وان شاء الله مش هتبطل تانى الا بعد فتره وبيتنضفوا تانى وبردوا استشير الميكانيكى فى كل حاجه
والله اعلى واعلم
اخوك فى الله سيد

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
 

أنا فهمت من كلامك يا أخ Sayed إن المساعد اللى تم تركيبة إستيراد؟ صح كدة؟؟
وياترى أتأكدت بنفسك من المساعد قبل تركيبة أنه مكتوب عليه Made in Germany
لأنه لو بالسعر ده 140 يبقى كويس جدا جدا وبالتركيب كمان
أحنا عندنا فى الفيوم لو لقيت المساعد الإستيراد بيكون أغلى من الجديد يعنى بيصل لــ 250 جنية

هل الميكانيكى هو اللى اشترى المساعد بنفسه؟
ولو هشترى مساعد إستيراد أزاى أتأكد من حالته؟؟

وكل عام وأنت بخير