|
رد: ABS خبر أبيض و زي الفل لو صحيح
<p>
اقتباس:
<p> </p> أنا مع حضرتك لكن أنا قلت انا بحب عربيتي بس المشلكة إن العربية نازل فيها لمبة ABS و الاسبيرانزا A113 أم 56 أو حتى 58 فيها ABS يبقى لما حضرتك كل ما تركب العربية و تشوف لمبة ABS حتفتكر طبعاً إن عربيتك ما فيهاش ABS زي بقية الدول العربية على الأقل لك غير كده العربية ماشاء الله لا قوة إلا بالله لازم أوق إللي ليا و إللي عليا أنا من قبل ما أجبها متحيزة ليها لكن ربنا سبحانة و تعالى قال: ( يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالْأَقْرَبِينَ إِنْ يَكُنْ غَنِيًّا أَوْ فَقِيرًا فَاللَّهُ أَوْلَى بِهِمَا فَلَا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ) سورة النساء (135) أنا قلت مميزاتها الكثييييييييييييييييييييي ر قوي يبقى القسط و شهادة الحق إني اقول (بلاش عيب) حاجة مش موجودة فيها و لا لازم أقنع الناس تشتريها و خلاص و لو حضرتك قرات تعليقات الموضوع كله حتلاقي التوكيل كاتب في موقعه في مصر عن الأمان في اللوجان إن فيها ABS EBS يبقى لما أنبه الناس إن ده مش إللي بتنزل مصر أبقى سلبية لأ ...آسفة علشان لو واحد بيحب يامرك و يعمل غرز و دائماً سوري بيلصق في أكصدمات إللي أمامه اعتماد على الفرامل ينسي و لما يشتريها يتقي ربنا على الأقل من المشاه و أصحاب العربيات التانية إللي نفسه يعمل حادثة بعربيته بالسلامة لوحدة لحد ربنا ما يهديه شهادة الحق تقتضي إني أقول العربية ممتازة لكن من فضلك ما فيهاش ABS فلو حتشتريها بس علشان ABS فكر تاني لو عجباك قوي لاقي مميزات تانية غير ABS و ده كثييييييييييييييييييييييي ييرر عربية أوروبي معفية الجمارك ليها توكيل محترم بقطع غيار أصلية حتى لو كانت غالية بس معمرة و ليها ضمان سنة ضمانها 100.000كم أو 3 سنين أيموبليزر طارة مالتي فانكشن مش موجودة غير في العربيات الحديثة إللي لا تقل عن 90ألف عالية عن الأرض و عفشة ناعمة للغاية في الطرق المصرية بخاصة صالون واسع للغاية يكفي 3 أشخاص حجم متوسط و 2 حجم بلدي أصلي إيرباج للسائق و حزام يمكن التحكم في ارتفاعه كونسول أنيق تكييف محترم كاسيت MP3&Audio (بدون تشفير في التوكيل) موتور قوي 16صباب 2 كامة 110حصان هدايا عند الالتزام بالصيانة الدورية في مكان محترم مكيف بمنتهى الذوق و الاحترام WiFi Caffee 24ساعة خدمة عملاء سنترال لوك و زجاج و مرايات كهرباء طقم مدخنين أدراج تخزين مصممة بذكاء مع إنارة تلقائية عند الفتح(بايزة عندي من يوم ما استلمتها) حقيبة خلفية 510لتر بإنارة ليلية عيوبها: بتحجز 4 شهور على الأقل في التوكيل و أقل عند الموزعين المعتمدين خامات التقفيل أقل من الأوروبي لكن جودتها أعلى من المصري قليلاً قطع الغيار مرتبطة بالتوكيل فقط لا غير أو تشتريها من الخارج بنفسك ليس بها جهاز إنذار يتم تركيبه بالطلب 1400ج نقص بعض الكماليات و الإكسسوارات الرياضية في التوكيل و صعوبة تركيبها خارج التوكيل نقص في بعض مستلزمات المتعة مثل شاشات DVD و ارتفاع ثمنها في التوكيل حوالي 4000ج و على فكرة أنا مبدأي أمر المؤمن كله خير بس لو فضلت أشكر فيها على طول لازم تخاف من كلامي لأني ساعتها حكون يا بسوق للتوكيل بس بغض النظر عن مصلحة الناس أو على الأقل أذكر عيوبها للأمانة البحتة يا بخدع نفسي و بخدع خلق الله كما في قوله تعالى : ( يخادعون الله والذين آمنوا وما يخدعون إلا أنفسهم وما يشعرون في قلوبهم مرض فزادهم الله مرضا ولهم عذاب أليم بما كانوا يكذبون ) البقرة 9 يعني من الآخر حخسر و أخسر الناس معايا الكمال لله وحده تقبل تحياتي و شكرأ لمرورك الكريم |
رد: ABS خبر أبيض و زي الفل لو صحيح
والله لو بطة بلدي بس غنياني عن سرقة التاكسيات لأركبها و لو وصت في 3 ساعات مشوار بتاع ربع ساعة من غير لا تكليف و لا كوز ليف و لا حتى فرخة جركسي قرعاء يا رب باركلي فيها و يتمتع بيها الورثة كمان بصحة و عافية بعد بركتك في عمري أنا و أهل بيتي
FLASHCar ركبت مع سواق اليوم قالي العربيات بتاعت ـــــــــــــور بتنزل فيها عداد أنا كنت عارفة من سواق تاني إني العداد ده فيه حوالي 6 - 7 زراير فيها زرار غلهي يتكهرب كل إللي يستعمله يا رب و ياخد شحنة من المارش بيعد 6ج أو البونديرة و بينقل 40قرش بدل 25قرش أنا كربت مشوار و رب العزة يومي بـ 3.75 إلى 5.5 في عز الزحمة في شارع شبرا دفعت 10ج للسواق حار و نار في جتته هوا و عياله و كل من يقبل على نفسه سرقتنا قادر يا كريم يا رب ما تحوجني غير لنور وجهك و لا تعطيني حتى لا تسمع دعائي و أجعل لساني رطباً بذكرك و شكرك و أعني على حسن عبادتك و أرزقني بالحلال و طهرني و زكيني و الحمد لله رب العالمين و سلام على المرسلين |
رد: ABS خبر أبيض و زي الفل لو صحيح
اقتباس:
خليك في لوجي لو ABS مش مهم ليك و استنى يمكن نصيبك يلطع في أحلى لوجي في مصر و يمكن كلامنا في الموضوع ده يخليهم في دفعتك يركبوا ABS أو يشيلوا موضوع ABS من الموقع و لو إنها مواصفات عالمية بتفرضها رينو العالمية عليهم لكن حكاية إنه ما بيقلش أنها مافيهاش ABS ده مش حلوة زي ما سألته هو الفتيس ستبترونك قالي لأ سكت و قلت ماشي يمكن بسال على لبان تشكلتس و لا حاجة و يمكن سمعها ABS و لا مساعدين و لا طنابير و لا أي حاجة الشهادة لله كلمني علشان يأكد بيانات العقد و اللون و يقولي الحجز من 4 - 5 شهور على أقصى تقدير و يمكن علشان ما أظلمش يكون ماجاش في بالهم إني حجزاها على أساس أنها ABS زي سانديرو لأني رحت كذا فرع ليهم في مصر و اسكندرية و كذا موزع أتفرجت عليها كويس عندهم و عرفت اسعار كل العربيات و تقفيل كل واحدة لحد ما حجزتها و قلتله أنت رحت في الحتة الفلانية و قابلت فلان زميلك و شفت كذا و قابلت فلان زميلك و قالي كذا و في اسكندرية فيه كذا و كذا و مركز الخدمة في الحتة الفلانية فيه كذا و أكلت دماغه ربنا معاه بقى فيمكن أفتكر أني فكيت العربية و ركبتها تاني و عارفة كل مسمار حكايته إيه فيمكن أفتكر إنهم قالولي مش عاوزة أظلم لسه أمامنا 20سنة لحد ما نبني جيل مش بينسى تفصيلة صغيرة و الخطأ البشري وارد حصل خير عموماً أمر المؤمن كله خير و لعل الموضوع ده يكون وراه فايدة للجميع بأمر الله عموماً لوجي ممتازة بدون ABS و لا EBD و جراية و إللي حعتمد على الفرامل و نظام التوقيف حيعمل حادثة مؤكدة لأنه حيستهتر و يكبر دماغة و ينام خليك في لوجي بس أسال لو حبيت تركب ABS حتتكلف كام و رد علينا مش خسارة فيهم الفلوس خالص |
رد: ABS خبر أبيض و زي الفل لو صحيح
اقتباس:
انا معايا بردو اسبيرانزا و لما سالتهم في التوكيل علي حوار 6 سماعات ده قالولي اكيد 6 امال احنا كدابين يعني قولتلوا طب تعالا عدهم فطلع اني هما قصدهم علي ال 2 اللي في القايم من جوة دول :fun_36_1_51[1]::fun_36_1_51[1]: |
رد: ABS خبر أبيض و زي الفل لو صحيح
اقتباس:
http://www.youtube.com/watch?v=xd5KDvXbE3M |
| الساعة الآن 09:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017