رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار
 

للمرة المليون انا بقول ان اللي بيحدد العمر الافتراضي للعربيات هوا طريقة الاستخدام
وثانيا قطع الغيار الاستهلاكية اللي بتتغير كل شوية (الفلاتر والسيور وتيل الفرامل) بتتغير على حسب الاستخدام برضه
وعلى فكرة بخصوص الاعطال اكيد حضرتك عندك فكرة عن اعطال السيارات الالمانية وما ادراك ما اعطال السيارات الالمانية دا غير ان اعطالها صعب تتحل بره التوكيل لانها معقدة تكنولوجياً واكيد طبعا حضرتك قريت الدراسة المشهورة اللي تاكد ان العربيات الالماني اكثر العربيات المعرضة للاعطال
انما العربيات الكوري اعطالها مش كتيرة ولو حصل عطل مش بيبقا بتعقيد عطل الالماني وتقدر تعمله عند اي حد
بس طبعا دا مش معناه ان العربيات الكوري احسن من الالماني
زي ما في مميزات في الالماني مش موجود في الكوري
في برضه مميزات في الكوري مش موجودة في الالماني

رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار
 

صح كدا ... حسب الاستخدام
وفعلاً زعل الالماني وحش جداً
وعلى فكرة في حاجات كوري محملة ومش كل جودة الكوري وحشة

رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار
 

لمؤخذة رد زيادة

رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار
 

كلام سليم بس ,,, بس انا مش بتكلم علي اخطاء التصنيع عشان اعطال مثل هذه ناتجة عن عيب تصنيع و ليس قلة الجودة و بعدين اكثر السيارات المعرضة للاعطال هى الالمانية عشان هي قمة التكنولوجيا و شئ طبيعي كل ما التكنولوجيا تزيد فى العربية كل ما احتمالية حدوث اعطال تزيد عشان كده العربيات الكوري نسبة حدوث الاعطال بها اقل (علي سبيل المثال لو عندك موبايل شاشته كبيرة و تاتش و موبايل نوكيا 1100 مع كامل اخترامي ليه ، تفتكر مين فيهم شاشته هتكون معرضة للتلف اكثر و من اول خبطة و ذلك نتيجة لكثرة الدوائر الكهربية التي كلما زادت زادت نسبة احتمالية تلف الجهاز) ،، والالماني معقد اكثر طبعا نتيجة لانه يستخدم تكنولوجيا اعلي كما ذكرت و طبعا العيب مش فيه لعيب في بلدنا هي اللي معقدة و طبعا الكلام لا ينطبق علي كل السيارات الالمانية او الكورية ،و طبعا انا لا انكر ان الكوري تتطور جدا و اختلف عن الماضي ولكن الياباني حتي ماقدرش اشبهه بالالماني و لرأيك مني فائق الاحترام :260309~146:

رد: مقارنة شاملة بين هيونداي النترا وكيا نيوسيراتو واوبل استرا حصريا على مصر موتورز بالصور والمواصفات والاسعار
 

كلامك جميل جدا وانا متفق معاه 10000%
بس طبيعة المستهلك المصري انه بيهتم بسهولة الصيانة والبساطة في التكنولوجيا علشان كدا العربيات الكورية اختيار جيد للمستهلك المصري
بس طبعا الكلام لا بنطبق على المستهلك الاوروبي لانه بيهتم بالتكنولوجيا الخ