رد: ماهى اسوء انجح عربية فى مصر
 

للان اختلفت الاراء والنتيجة كالتالى

الماتريكس 3 اصوات

الادا 2107 صوت واحد

الهيونداى فيرنا 8 اصوات وهى الاعلى

سيات 133 صوت واحد

لانسر بومة صوت واحد

الصينى فى العموم صوتين


وهذه النتيجة نتاج ارائكم ولنكمل اخذ الاراء

رد: ماهى اسوء انجح عربية فى مصر
 

فكره جميله يا استاذ بدر ...
بس انا عندي قناعه ان اي عربيه بتحقق مبيعات وعليها اقبال مستمر تبقى عربيه ناجحه كمجمل وبالتالي ازاي تبقى ناجحه و سيئه في نفس الوقت !!!

لكن في عربيه منتشره نسبيا و اقدر ارشحها اسواء عربيه لسبب مقبول
اعتقد ان اسواء انجح عربيه في مصر هي الرينو ميجان 2005 - 2009
لأن العربيه دي تقنيتها و شكلها تحفه بجميع المقاييس
لكنها فخ لأي حد يشتريها لما يفكر يبيعها بيلاقي نفسه خسر اكتر من نص تمنها و يمكن التلتين كمان
ودي في حد ذاتها وصمه على جبين العربيه دي بغض النظر عن مسبباته او انها مظلومه فعلا من الناس او خلافه

رد: ماهى اسوء انجح عربية فى مصر
 

لا انا ما كنش قصدى ان اللانسر وحشة اللانسر تحفة انا عن نفسى بعشقها

انا كنت برد على اللى بيقول ان الماتركس ناشفة فى المطبات فرديت قلت بالعكس

لكن اللانسر مش سيئة طبعا

بعد اذنك شيلها من التصويت علشان ضميرى ما يوجعنيش

رد: ماهى اسوء انجح عربية فى مصر
 

النتائج بعد التعديل

الهيونداى فيرنا 8 اصوات

الادا 2107 صوت واحد


الماتريكس 3 اصوات


سيات 133 صوت واحد


الصينى عموما صوتين


والرينو ميجان صوت


واستاذ سامح انا معاك العربية بتخسر جدا انا اعرف واحد كان عنده

الميجان الهاتشباك بعها وخسر فيها كتير برغم من انه ماكنش بيكرها بس

اعتقد ان العربية دى احدى اهم اسباب فشلها غلاء قطع الغيار واسعارها

الجنونية فكل اللى بيشترى يقول وايه اللى يرغمنى على كده برغم انها

عربية محترمة الى حد كبير

رد: ماهى اسوء انجح عربية فى مصر
 

انا رايي ان مفيش عربيه ناجحه فى مصر محترمه فى سعر اقل من 130 الف
لاكن الفئه الاعلى من 130 الف غالبا سيارات محترمه جدا ( اوكتافيا. جيتا .سيفك . فورد فوكاس .ماذدا 3 )
ودا عيب غريب فى السوق المصرى يعنى مثلا الى بيجيب لانسر بومه رياضيه ب 125 الف جنيه بيجيبها ليه ؟؟؟
حد يقدر يقولى ؟ وموجود بديل بمستوى جيد جدا زى (ماذدا 3.فورد فوكاس.سوبارو امبريزا.اوبل استرا )