رد: استخدامات WD40 العديدة و العجيبة
 

يا استاذ احمد و الله امبارح كان واحد زميلي في الشغل كان بيقولي انه في ميكانيكي حطله ال wd40 في الانجيكشن بتاع اللانسر 1300 والموتور شغال و كابس بنزين علشان العربية كانت مش بتستجيب معاه بسرعه و بعدين استمر كده لحد العلبة ما خلصت ثم بطل العربية 10 دقائق و جرب العربية لقاها حاجه تانية خالص لدرجة انه قفل بيها الامبير بس المشكله انها بعد شهر رجعت بطه بلدي تاني
ايه رايك في الموضوع ده

رد: استخدامات WD40 العديدة و العجيبة
 

ازى حضرتك يا استاذ سعيد وحشنى و الله
و الله اعلم صاحبك كان قصده ان الميكانيكى كان فاكك عمة فلتر الهواء و بيرش مباشرة فى مدخل البوابة
لان لو فك خرطوم الانجيكشن علشان يرش جواه العربية حتبطل و البنزين حيندفع من الخرطوم الى جاى من الطرمبة و حيندفع جامد فى حوض الماتور
فلو زى منا بقول كده يبقى الى حصل ان ال wd40 دخل من مجرى الهواء و اتحرق مع البنزين جوه الماتور و طبعا محصلش حاجة للرشاشات
لكن لنظافة الرشاشات فى طريقتين

1. العبوات المخصصة الى يتضاف مع البنزين (للنظافة الدورية)
2. الالتراسونيك (للصيانة)

تقريبا الى حصل مع صاحبك ان الموضوع جاب نتيجة جزئية لنظافة البوابة و صمام الايدل فمن الافضل فك صمام الايدل و تنظيفه بعبوة منظف كاربيراتير (اسبراى يفضل منتج امريكى) و برضه استخدام نفس العبوة لتنظيف جسم الثروتل و البوابة من الداخل

رد: استخدامات WD40 العديدة و العجيبة
 

جزاك الله خيرا

رد: استخدامات WD40 العديدة و العجيبة
 

جزانا و إياكم يا استاذ مصطفى

رد: استخدامات WD40 العديدة و العجيبة
 

شكرا يا استاذ احمد على التوضيح