مصر موتورز مجتمع السيارات - لية تنتخب الشيخ حازم صلاح ... الجليل

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - لية تنتخب الشيخ حازم صلاح ... الجليل (https://www.masrmotors.com/vb/showthread.php?t=68102)

رد: لية تنتخب الشيخ حازم صلاح ... الجليل

تاااااااااااااااااااااااا ااااني ؟
بكرة هتعرف

رد: لية تنتخب الشيخ حازم صلاح ... الجليل

العليا للرئاسة تطالب النيابة بالتحقيق مع أبو إسماعيل بتهمة التضليل والتزوير

مصراوى

قامت اللجنة العليا للانتخابات الرئاسية بإبلاغ النيابة العامة، بوقائع المخالفات التي ارتكبها المرشحين الذين تم استبعادهم ومؤيديهم، التي تم الكشف عنها من خلال فحص الأوراق، لاتخاذ الإجراءات القانونية ضدهم، وعلى رأسهم الشيخ حازم صلاح أبو إسماعيل، بتهمة التضليل والتزوير وتقديم بيانات غير صحيحة للجنة عن جنسية والدته.

وكانت الجنة الانتخابات الرئاسية قد استبعدت 10 أسماء من أصل 23 مرشحا وأشارت المصادر إلى إن المستبعدين بينهم عمر سليمان وحازم صلاح أبو إسماعيل وأيمن نور وخيرت الشاطر ومرتضى منصور.

رد: لية تنتخب الشيخ حازم صلاح ... الجليل

اقتباس:

المشاركة الأصلية كتبت بواسطة د.هبه77 (المشاركة 652550)

لو انت اخي في الله فعلا
كنت تعرف ان حتي لو معترض معاية في فكري
ان النصيحة في الملا فضيحة
عمري كلمت حضرتك باسلوب مش كويس
ولا سفهت افكارك
ولا اتكلمت عن نوعك انك رجل او امراه
كلام وتلميحات ملهاش لازمة نهائي
واستمرارك في الغلط غير مفهوم دوافعه
حتي لما المهندسة سلوي الله يمسيها بالخير
بعتتلي عن موضوعك لاني مكنتش قريته وشاركت فيه سبحان الله عمري ما اعتديت علي شخصك رغم علمي بعدم توافقك معي في الراي
هو ليه حلال ليك وحرام علية
ليه حلال ان حضرتك تغلط في شخصي
ويا ريت عشان اية
عشان انا مقتنعة بحازم
يبقي دة يديلك الحق انك تغلط كل الغلط دة
وانا مفروض اسكت
بس انا مش هرد علي حضرتك
عارف لية
ديننا بيقول كدة
قال رسول الله صلي الله عليه وسلم
ليس الشديد بالصرعة وإنما الشديد الذي يملك نفسه عند الغضب
الاخ المسلم الكبير ميهينش ولا يقبح اخته قبل اخوه
تحياتي
:01FDAB~189:

أسأل الله ......والذى لايسأل سواه

والذى إذا ......عبد صادق دعاه

لايرد دعوته ........فى علياه

أن يجنبكى شياطين الإنس والجن

وأن يهدى قلبك ويخلصكى

من زوى الفكر الضال

اللذين لايدركون قيمة مايقولون

--------------------

اللهم آمين

رد: لية تنتخب الشيخ حازم صلاح ... الجليل

اقتباس:

المشاركة الأصلية كتبت بواسطة د.هبه77 (المشاركة 652547)

لا حول ولا قوة الا بالله
للدرجة دي قلب الحقائق
للدرجة دي التغييب
سبحان الله فعلا
في الاخر السلفيين هم اللي عايزين الفرقة وسفك الدماء
هم لما الناس نزلت الثورة نزلت لية
سيبك من خلع المخلوع
انا بتكلم عن اول ما نزلو
كان ايمان بفكرة معينة ولازم يوصلوها للناس
هي دي الحقيقة
في ناس كانت معترضة
طبعا
ويمكن نكون انا وانت اول المعترضين
ولا هو حلال للناس و .....

الكلام اللي جاي دة منقول

ما هو ولاد ابو اسماعيل اللي ببعملوه دة ارهاب
لية يا بني دة محترمين ومعملوش حاجه
لا ولو برضة مش لازم يقفو
ايام محمد محمود لو فاكرها ، كان النزول امام وزارة الداخلية و التظاهر عندها هو عين العقل و اللي يعارض يبقي الخاين العمل اللي باع دم الشهيد
ايام احداث مجلس الوزراء لو فاكرها ، كان الاعتصام عند مجلس الوزراء و منع الجنزوري انه يدخل مبني الحكومة و التظاهر هناك هو عين العقل و اللي يعارضك فيه يبقي الخاين العمل اللي باع دم الشهيد
لما مجلس الشعب ابتدي يعمل قوانين تنظم التظاهر و تحدد اماكنه اعتبرت ده قمع و رجوع لفترة ما قبل الثورة و ان الاخوان ماهم الا فرع معاملات اسلامية للحزب الوطني مش اكثر

مش المؤسسات دي فاسدة ؟؟

ولا هو لما جه حازم بقينا وحشين انتو عايزين حازم لية يا جماعة
ولا مش عايز تنفي رأيك القديم الثابت اللي مش عاوز تغيره عن التيار الاسلامي انه تيار متآمر بيتاجر بالدين عشان مصالحه و كل هدفه السلطة باستعمال اسم الله ، وزعلت لما لقيت المشايخ الي طول عمرهم ساكتين عشان القهر والظلم بقوا واقفين ووراهم شبابهم و بقي ابو اسماعيل عامل انقلاب

اقسم لك بالله العظيم يا اخي الثائر ان مشكلتك الحقيقية ماهي مشكلة عسكر و لا اخوان و عيش حرية عدالة اجتماعية و لا اي هجص من ده ، انت مشكلتك الاساسية مشكلة دين

دين انت رافض و كاره و معارض لاي تطبيق حقيقي كامل فوري ليه علي ارض الواقع

دين انت عاوز كل الرجوع ليه يبقي في المواعظ و الروحانيات لا غير ذلك

دين يسهل ليك تستمر في منهجك و فكرك ده و يحجر علي اي فكر او منهج مخالف ليه

و يمكن ده السبب اللي خلاك وقعت في اشد حالة تناقض في حياتك و ايدت للرئاسة شخص اصلاحي التوجه من الطراز الاول ، لا فيه من الروح الثورية او الحماس اللي عندك شئ ، غير ان رؤيته للاسلام ذات طابع جميل بالنسبة لك فعشان كده انت تمسكت بيه مع كونه مخالف تماما لمنهجك في التغيير

شكرا علي شخصنة المواضيع

لى تعليق على هذا الكلام فيما بعد

إن أراد الله لى ذلك

رد: لية تنتخب الشيخ حازم صلاح ... الجليل

اقتباس:

المشاركة الأصلية كتبت بواسطة silverlite (المشاركة 652555)

الشروق

قررت اللجنة العليا للانتخابات الرئاسية برئاسة المستشار فاروق سلطان، في تمام الساعة الثامنة من مساء اليوم السبت، استبعاد 10 أسماء من قائمة المرشحين لرئاسة الجمهورية، لتتقلص قائمة المرشحين إلى 13 اسماً فقط، وتولت الأمانة العامة برئاسة المستشار حاتم بجاتو إبلاغ المرشحين العشرة بقرار استبعادهم ليتمكنوا من التظلم خلال 48 ساعة من موعد الإخطار.

والاسم الأول على قائمة المستبعدين هو حازم أبو إسماعيل الذي ثبت للجنة من المستندات المرسلة لها من الخارجية الأمريكية حصول والدته نوال نور على الجنسية الأمريكية منذ 25 أكتوبر 2006 وحتى وفاتها في 15 يناير 2010، مما ينتفي معه شرط أصيل من الشروط الواجب توافرها في رئيس الجمهورية بنص المادة 26 من الإعلان الدستوري.

سؤال للاخت الكريمه و لكل اولاد ابو اسماعيل..والده مرشحكم امريكيه !!؟ ومع هذا انتم غاضبون ! ..كلام اللجنه صح ام خطأ !!!

طيب و حكم مجلس الدولة الذى اشرف بالعمل فيه و هو من اشرف مؤسسات مصر و صاحب الاحكام التاريخية مثل حكم تصدير الغاز لاسرائيل و احكام بطلان السفقات الفاسدة لبيع القطاع العام و غيرة من الاحكام الشريفة التى صدرت فى مواجهة نظام مبارك فى ازهى عصور قوتة و زى مبيحصل دلوقتى كان مجلس الدولة بيعمل الى علية و الحكومة بتعمل الى هى عايزاه
عموما متقوليش اللجنة العليا للإنتخابات لأنى هقولك انهم ابعد الناس عن النزاهه لما يضربو بحكم مجلس الدولة عرض الحائط و يقولك من الآخر هو كدة و عاجبك عاجبك و لو مش عاجبك اضرب دماغك فى الحيطة
و كمان واضح قوى الى بيحصل و مش محتاجة فزلكة لما يعمل علينا التمثيلية بتاعة ترشيح عمر سليمان و بعدين استبعادة مع حازم ابو اسماعيل علشان قدام الناس تظهر اللجنة بصورة المحايد و افتكر اننا مش بالسزاجة علشان نصدق الكلام الفارغ دة
و كمان خد عندك خبر حريق السويس الى منه يشغل الرأى العام فى مصيبة كبيرة الاعلام يتكلم عنها بعيد عن الموضوع ده
وكمان فلول مبارك ينتقمو من اكثر محافظات مصر الى وقفو قدام قوات مبارك من سنه و كمان يشغلهم بالمصيبة الى عندهم و مفيش حد يشغل باله بالى بيحصل فى البلد
و خد عندك الخبر دة من مصراوى يقولك ان شركة النصر للبترول فى السويس مش شركه صغيرة علشان يحصل فيها حريق زى دة
خبير بترولي : حريق شركة النصر بفعل فاعل

السويس - أشرف دياب :
رغم قرار المستشار أحمد عبد الحليم المحامى العام لنيابات السويس بتشيكل لجنة فورية من عدد من وكلاء النيابة بالسويس لتحقيق فى أسباب حادث النصر للبترول إلا أن أحد كبار مهندسى النصر للبترول رفض ذكر اسمه صرح بأن الشركة تمتلك كل وسائل الأمن الصناعى وأن من المستحيل أن يشب حريق بهذا العنف داخل أرجاء الشركة.
وأكد أن هذا الحريق حدث بفعل فاعل وليس وليد الصدفة مشيرًا إلى أن شركة النصر للبترول واحدة من أكثر الشركات البترولية التى تملك وسائل الأمن والأمان

رد: لية تنتخب الشيخ حازم صلاح ... الجليل

اقتباس:

اقسم لك بالله العظيم يا اخي الثائر ان مشكلتك الحقيقية ماهي مشكلة عسكر و لا اخوان و عيش حرية عدالة اجتماعية و لا اي هجص من ده ، انت مشكلتك الاساسية مشكلة دين

أنا عاوز أفهم حاجه مجننانى الصراحه

أنت بتقولى عليا دلوقتى أن مشكلتى مشكلة دين

يعنى أنا بأحارب الإسلامين

-------------------

ولسه من حوالى أسبوع تقريبا

فيه ناس زملائنا فى المنتدى هنا

قالولى ....على رأى قالوله

أن أنا أخوانى ....أو سلفى

وفيه كلام إتقالى

بأننا تابع لحزب الكنبه

يعنى ....حزب اللذين لايهشون ولا ينشون

أنا عاوز أفهم

أنا مين بالظبط

:10F925~165:

اقتباس:

دين انت رافض و كاره و معارض لاي تطبيق حقيقي كامل فوري ليه علي ارض الواقع

يعنى إيه تطبيق فورى للدين

آه دا أنا ناسى

صحيح

يمكن نكون لاقدر الله

طالعين من عزوة أحد

وأنتم مستعجليين للم الغنائم

فعلا أنا مكنتش واخد بالى من الحته دى

وكده فعلا صدق المثل إللى قال

العلم نورن

اقتباس:

انت عاوز كل الرجوع ليه يبقي في المواعظ و الروحانيات لا غير ذلك

ياريتكم تعملوا بيها

ومتخدوش الدين من قشوره وسايبين روحانياته

فسلفى بدون فهم للدين .....مثل ميكانيكى

لا يعرف فى السياره

غير الحل والرباط

( شغل عضل يعنى مع إهمال الجانب الفكرى )

على الرغم أن كلام ربنا واضح بأنه يجب على

الإنسان أن يكون دائم الفكره

من لحظة تحمله للأمانه

فلقد قالها الله سبحانه وتعالى فى محكم آياته

بسم الله الرحمن الرحيم

إنا عرضنا الأمانه على السماوات والأرض

والجبال .....فأبين أن يحملنها

وحملها الإنسان .....إنه كان ظلوما جهولا

صدق الله العظيم

اقتباس:

و يمكن ده السبب اللي خلاك وقعت في اشد حالة تناقض في حياتك و ايدت للرئاسة شخص اصلاحي التوجه من الطراز الاول ، لا فيه من الروح الثورية او الحماس اللي عندك شئ ، غير ان رؤيته للاسلام ذات طابع جميل بالنسبة لك فعشان كده انت تمسكت بيه مع كونه مخالف تماما لمنهجك في التغيير

قصدك على الدكتور / عبد المنعم أبو الفتوح

وماله أما أرشحه

ولو أنت فكرتى صح

هتلاقى الراجل فى الأساس كان ضمن الإخوان المسلمين

ولما حب يقول رأيه ....أو يعبر عن تواجده فى الحزب

تم إستبعاده من الحزب

لأنه شخص جرىء ويعرف الله

وليس إمعه

هعوز إيه تانى فى رئيس دولتى أحسن من كده

----------------

هو لازم الريس يبقى ملتحى علشان يعجب

السلفيين

بسيطه

نخللى الدكتور / عبد المنعم

يركب ذقن

رد: لية تنتخب الشيخ حازم صلاح ... الجليل

تحت شعار فوتلى وافوتلك ... وحبه عليك وحبه عليا .. واستر على وانا مش هتكلم ... أبو إسماعيل يهدد: عندي قضايا رشوة ضد أشخاص سأضطر لنشرها.. وقانونيون: تستر على فساد

http://www.almogaz.com/sites/default...-430x250_3.jpg
نقلاً عن البديل
هدد الشيخ حازم صلاح أبو إسماعيل بكشف قضايا رشوة ضد بعض الأشخاص وذلك ردا علي استبعاده من سباق الرئاسة, وقال الشيخ حازم صلاح أبو إسماعيل في مداخلة هاتفية له على قناة الحكمة:” أنا لم أُخطر إلى الآن رسمياً بالاستبعاد, و نحن أمام انفلات شديد وغطرسة وتحدي للقوانين وإهدار لها … ما يحدث هو مصادمة مباشرة لثوابت القوانين والمجلس العسكري صار الآن على المحك، واللجنة الرئاسية اخترقت كل قواعد القانون وعندي قضايا رشوة ضد أشخاص سأضطر أن أنشرها، وسألتزم بالسهم الأخير من القانون وأذهب غداً لأتظلم”.وقال حازم لأنصاره: “نحن طبعا في رباط و لكننا سننتظر إلى الغد و نتظلم فلا يتحرك أحد الآن”, وأضاف: “القرار الرسمي إذا كان به اختراق للدستور فعليهم أن يتحملوا النتيجة”.
وعلقت مصادر قانونية على تهديدات أبو إسماعيل قائلة إن كلامه يدينه بالتستر على الفساد, مضيفة أنها في حدها الأدنى جريمة أخلاقية وعندما تأتي من مرشح للرئاسة فإنها تتحول لجريمة سياسية كبيرة وتنزع عنه الثقة وتساءلت كيف نثق به لنسلمه الرئاسة بعد هذا التصريح.
وشن عدد من متابعي صفحة “حازم صلاح أبو إسماعيل” حملة انتقادات ضد تصريحات الشيخ, وانتقدوا عدم كشفه عما لديه من قضايا رشوة, وقال أحد المعلقين:”الساكت عن الحق شيطان أخرس”